UGC NET 2024 Admit Card: யுஜிசி நெட் ஆசிரியர் தகுதித் தேர்வு ஹால்டிக்கெட் வெளியீடு: பெறுவது எப்படி?

<p>யுஜிசி தேசிய தகுதித் தேர்வுக்கான ஹால் டிக்கெட்டை தேசியத் தேர்வுகள் முகமை வெளியிட்டுள்ளது. இதைப் பெறுவது எப்படி?</p> <h2><strong>யுஜிசி</strong>&nbsp;<strong>நெட்</strong>&nbsp;<strong>தேர்வு</strong></h2> <p>இந்தியாவில் உள்ள கல்லூரி மற்றும் பல்கலைக்கழகங்களில் உதவிப் பேராசிரியர் (Assistant professor ) பணிக்கான தகுதியையும், இளையர் இளநிலை ஆராய்ச்சியாளர் உதவித்தொகை (Junior Research Fellowship- JRF) பெறவும் நெட் தேர்வு எனப்படும் தேசியத் தகுதித் தேர்வில் தேர்ச்சி பெற வேண்டியது அவசியம்.</p> <h2><strong>பிஎச்.டி. மாணவர் சேர்க்கைக்கும் கட்டாயம்</strong></h2> <p>நெட் நுழைவுத் தேர்வு, இனி பிஎச்.டி. மாணவர் சேர்க்கைக்கும் நடத்தப்படும் என்று அண்மையில் யுஜிசி தெரிவித்தது. தேசிய கல்விக் கொள்கையின் அடிப்படையில் இந்த முடிவு எடுக்கப்பட்டதாகவும் தெரிவிக்கப்பட்டது.</p> <p>இந்தத் தேர்வு என்டிஏ எனப்படும் தேசியத் தேர்வுகள் முகமையால் (NTA) நடத்தப்படுகிறது. மொத்தம் 83 பாடங்களுக்கு நடைபெறும் இத்தேர்வு, ஆண்டுதோறும் 2 முறை கணினி முறையில் நடத்தப்படுகிறது. 2018ஆம் ஆண்டு முதல் கணினி முறையில் இந்தத் தேர்வு ஜூன், டிசம்பர் ஆகிய 2 மாதங்களில் நடத்தப்படுகிறது. முந்தைய காலங்களில் பல்வேறு தினங்களுக்கு ஆஃப்லைன் முறையில் தேர்வு நடந்த நிலையில், தற்போது 83 பாடங்களுக்கும் ஒரே நாளில் ஆன்லைனில் நெட் தேர்வு நடக்கிறது.</p> <p><br /><img src="https://feeds.abplive.com/onecms/images/uploaded-images/2024/06/12/ee5d61f743d6af1b111cb9321c823ff01718178883678140_original.jpg" width="720" /></p> <h2><strong>ஜூன் 18 நெட் தேர்வு</strong></h2> <p>2024ஆம் ஆண்டு ஜூன் மாத அமர்வுக்கான நெட் தேர்வு ஜூன் 18ஆம் தேதி ஓஎம்ஆர் முறையில் நடைபெற உள்ளது. முன்னதாக, ஜூன் 7ஆம் தேதி தேர்வு தேர்வு மைய விவரங்கள் வெளியிடப்பட்டன.</p> <p>இந்த நிலையில் தற்போது ஹால் டிக்கெட் வெளியிடப்பட்டுள்ளது. தேர்வர்கள் ஹால் டிக்கெட், அரசு அளித்த செல்லுபடியாகும் புகைப்படத்தோடு கூடிய அடையாள அட்டை, பாஸ்போர்ட் அளவு புகைப்படங்கள் 2 ஆகியவற்றைக் கொண்டு செல்ல வேண்டும்.</p> <h2>ஹால் டிக்கெட்டைப் பெறுவது எப்படி?</h2> <ul> <li>தேர்வர்கள் <a href="https://ugcnet.ntaonline.in/frontend/web/admitcard/index">https://ugcnet.ntaonline.in/frontend/web/admitcard/index</a> என்ற இணைப்பை க்ளிக் செய்யவும்.</li> <li>விண்ணப்ப எண், பிறந்த தேதி, பாதுகாப்பு குறியீடு (Security Pin) ஆகியவற்றை உள்ளிடவும்.</li> <li>சமர்ப்பிப்பித்தால் தேர்வர்களின் ஹால் டிக்கெட் திறக்கும்.</li> <li>அதைப் பதிவிறக்கம் செய்து வைத்துக்கொள்ளவும்.</li> </ul> <p>கூடுதல் விவரங்களுக்கு:&nbsp;<strong>www.nta.ac.in</strong>&nbsp;என்ற இணையதள முகவரியைத் தொடர்பு கொள்ளலாம்.</p> <p>தேர்வர்கள்<strong>&nbsp;011 40759000</strong> என்ற எண்ணைத் தொடர்புகொண்டு தங்களுக்கு ஏற்படும் சந்தேகங்களைத் தீர்த்துக் கொள்ளலாம்.</p> <p><strong>மேலும் தகவல்களுக்கு: <a href="https://ugcnet.nta.ac.in/">https://ugcnet.nta.ac.in/</a></strong></p>