TVK Vijay: ‘விஜய்க்கு புதிய சிக்கல்’ தேர்தலில் போட்டியிட முடியாத நிலை..? அதிர்ச்சியில் தொண்டர்கள்!

<p style="text-align: justify;">"விஜய் வேட்பு மனு தாக்கல் செய்வதில் சிக்கல் இருப்பதாக தகவல் வெளியாகி அக்கட்சி தொண்டர்கள் இடையே அதிர்ச்சியை ஏற்படுத்தியுள்ளது."</p> <h3 style="text-align: justify;">தமிழக சட்டமன்றத் தேர்தல்</h3> <p style="text-align: justify;">தமிழக அரசியல் களம் தற்போது முன்னெப்போதும் இல்லாத வகையில் அதிரடி மாற்றங்களைச் சந்தித்து வருகிறது. குறிப்பாக, நடிகர் விஜய் தலைமையில் தொடங்கப்பட்டுள்ள 'தமிழக வெற்றிக் கழகம்' வரவிருக்கும் சட்டமன்றத் தேர்தலில் 234 தொகுதிகளிலும் தனித்துப் போட்டியிடப் போவதாக வெளியாகியுள்ள அறிவிப்பு, அரசியல் வட்டாரங்களில் பெரும் விவாதப் பொருளாக மாறியுள்ளது.</p> <h3 style="text-align: justify;">விஜய் போட்டியிடுவதில் சிக்கல் ?</h3> <p style="text-align: justify;">இதற்கான முதற்கட்டப் பணிகளை அக்கட்சியின் நிர்வாகிகள் மாவட்ட வாரியாகத் தீவிரப்படுத்தி வரும் நிலையில், கட்சித் தலைவர் விஜய் சென்னை பெரம்பூர் தொகுதியில் களம் இறங்கத் திட்டமிட்டுள்ளதாகத் தகவல்கள் கசிந்துள்ளன. பெரம்பூர் தொகுதியைப் பொறுத்தவரை தவெக-விற்குச் சாதகமான சூழல் நிலவுவதாகக் கருதப்பட்டாலும், தற்போது எழுந்துள்ள ஒரு சட்ட ரீதியான சிக்கல் விஜய்யின் தேர்தல் போட்டியில் ஒருவித அச்சுறுத்தலையும், தொண்டர்களிடையே கலக்கத்தையும் ஏற்படுத்தியுள்ளது.</p> <p style="text-align: justify;">இந்தியத் தேர்தல் ஆணையத்தின் விதிமுறைகளின்படி, வேட்புமனுத் தாக்கல் செய்யும் ஒவ்வொரு வேட்பாளரும் தனது சொத்து விவரங்கள் அடங்கிய 'பிரமாணப் பத்திரத்தை' (Affidavit) சமர்ப்பிக்க வேண்டியது மிக அவசியமான சட்ட நடைமுறையாகும். இந்த உறுதிமொழிப் பத்திரத்தில் வேட்பாளர் தனது பெயரில் உள்ள அசையும் மற்றும் அசையாச் சொத்துக்கள் மட்டுமின்றி, தனது மனைவி மற்றும் தன்னைச் சார்ந்துள்ள குழந்தைகளின் பெயரில் உள்ள சொத்துக்கள், வங்கி இருப்பு மற்றும் அவற்றுக்கான வருமான வரி செலுத்திய விவரங்களைத் துல்லியமாகச் சமர்ப்பிக்க வேண்டும்.</p> <p style="text-align: justify;">ஒருவேளை இதில் ஏதேனும் மறைக்கப்பட்டாலோ அல்லது தவறான தகவல்கள் அளிக்கப்பட்டாலோ, அந்த வேட்புமனுவை நிராகரிக்கும் அதிகாரம் தேர்தல் நடத்தும் அலுவலருக்கு உண்டு. இந்தச் சூழலில், விஜய்யின் விவாகரத்து தொடர்பான சட்ட நடவடிக்கைகள் குறித்து வெளியாகும் தகவல்கள் அவரது வேட்புமனுத் தாக்கலில் முட்டுக்கட்டையாக மாற வாய்ப்புள்ளதாகக் கூறப்படுகிறது.</p> <h3 style="text-align: justify;">தீவிர ஆலோசனையில் விஜய்</h3> <p style="text-align: justify;">விவாகரத்து கோரி சட்ட ரீதியான நடைமுறைகள் நிலுவையில் இருக்கும்போது, மனைவியின் சொத்து விவரங்களைச் சேகரிப்பதிலும், அதற்கான முறையான வரி ஆவணங்களைப் பெறுவதிலும் சிக்கல்கள் எழக்கூடும். ஒருவேளை மனைவி தனது சொத்து விவரங்களைப் பகிர்ந்துகொள்ள முன்வரவில்லை என்றால், பிரமாணப் பத்திரத்தில் அந்தப் பகுதியைப் பூர்த்தி செய்வதில் சட்டச் சிக்கல் ஏற்படும். இது விஜய்யின் வேட்புமனு முறையாக ஏற்கப்படுவதில் தடையை ஏற்படுத்தக்கூடும் என்பதால், இது குறித்து அவர் தனது சட்ட ஆலோசகர்களுடன் தீவிர ஆலோசனையில் ஈடுபட்டு வருவதாகத் தெரிகிறது.</p> <p style="text-align: justify;">எந்தவொரு சிறு தவறும் தனது அரசியல் வருகைக்குப் பின்னடைவை ஏற்படுத்திவிடக் கூடாது என்பதில் விஜய் உறுதியாக இருப்பதாகக் கூறப்படுகிறது. எனவே, சட்ட நுணுக்கங்களை முறையாக ஆராய்ந்து, வேட்புமனு நிராகரிக்கப்படாத வகையில் அனைத்து ஆவணங்களையும் பக்கபலமாகத் தயார் செய்யுமாறு அவர் தனது வழக்கறிஞர் குழுவிற்கு அறிவுறுத்தியுள்ளதாகத் தகவல்கள் தெரிவிக்கின்றன.&nbsp;</p> <p style="text-align: justify;">தமிழக அரசியல் வரலாற்றில் ஒரு நடிகரின் அரசியல் பிரவேசம் பல்வேறு சவால்களைச் சந்திப்பது வழக்கமான ஒன்று என்றாலும், <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a>யின் இந்தச் சட்டப் போராட்டம் மற்றும் தேர்தல் வியூகம் வரவிருக்கும் நாட்களில் எந்த மாதிரியான திருப்பங்களை ஏற்படுத்தும் என்பதை ஒட்டுமொத்த தமிழகமும் உற்று நோக்கிக் கொண்டிருக்கிறது.</p>