TVK Vijay : “விஜய்க்கு Y பிரிவு பாதுகாப்பு கொடுக்கப்பட்டது ஏன்” இவர்தான் காரணமா ? பரபரப்பு பின்னணி..!

<p style="text-align: justify;">இன்னும் ஒரு தேர்தலை கூட விஜய் தலைமையில் தமிழக வெற்றிக் கழகம் &nbsp;நேரடியாக சந்திக்காத நிலையில், அவருக்கு ஏன் அவசர அவசரமாக &lsquo;Y&rsquo; பிரிவு பாதுகாப்பை மத்திய அரசு கொடுத்துள்ளது என்ற கேள்விதான் இன்று காலை முதல் ஊடகத்தினர் மத்தியில் விவாத பொருளாகவும் மற்ற கட்சித் தலைவர்கள் இடையே ஆச்சரியத்தையும் ஏற்படுத்தியிருக்கிறது.</p> <p style="text-align: justify;">மேலோட்டமாக பார்த்தால் வெவ்வேறு காரணங்கள் அவரவருக்கு ஏற்ப சொல்லக் கூடும். இன்னும், இன்னும் உன்னிப்பாக அரசியல் அறிந்தவர்களுக்கும் அரசியல் சூழ்ச்சியை புரிந்துக்கொண்டவர்களும் இது எதற்காக என்பது தெள்ளத் தெளிவாய் தெரியும். விஜய் மீதான பாஜகவின் திடீர் பாசத்திற்கு காரணம் என்ன ? இது திடீர் பாசம்தானா? என்பதெல்லாம் சமூக வலைதளங்களில் உருட்டிக் கொண்டிருப்பவர்களுக்கு தெரிய வாய்ப்பில்லை.</p> <p style="text-align: justify;"><strong>பிரசாந்த் கிஷோர் பின்னணியில் யார்..?</strong></p> <p style="text-align: justify;">பிரசாந்த் கிஷோர் விஜயை சந்தித்தப் பிறகுதான் இந்த அறிவிப்பு வெளியாகியிருக்கிறது. அதற்கும் காரணம் உண்டு. காரணமில்லாமல் அரசியலில் ஒரு குண்டூசி கூட வீணாக கீழே எறியப்படுவதில்லை. ஏனென்றால், அதுதான் அரசியல்.</p> <p style="text-align: justify;"><strong>உண்மை காரணம் இதுதானா?</strong></p> <p style="text-align: justify;">NSA&nbsp; எனப்படும் தேசிய பாதுகாப்பு அமைப்பின் ஆலோசகராக இருப்பவர் அஜித் தோவால், அவருடைய மகன் சவுரியா தோவால் என்பவர் பாஜகவின் &lsquo;Think Tank&rdquo; குழுவில் முக்கிய இடத்தில் இருக்கிறார்.&nbsp;ஆதவ் அர்ஜூனாவை இயக்குவதும் இவர்தான் ; பிரசாந்த் கிஷோருக்கு தற்போதைய பின்புலமும் இவர்தான் என்கிறது டெல்லி வட்டாரங்கள்.</p> <figure class="image"><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2025/02/14/f907fed37f8398691dab06a6038ea8cb1739522784142108_original.jpg" alt="சவுரியா தோவால் - அஜித் தோவால்" /> <figcaption>சவுரியா தோவால் - அஜித் தோவால்</figcaption> </figure> <p style="text-align: justify;"><strong><em>ஆதவ் அர்ஜூனாவிற்கு கட்சி பதவி வாங்கிக் கொடுத்ததே இவர்தான்</em></strong></p> <p style="text-align: justify;">ஆதவ் அர்ஜூனாவிற்கு தேர்தல் பிரிவு பொதுச்செயலாளர் என்ற பெரிய பொறுப்பை விஜய் கொடுக்க காரணமே பிரசாந்த் கிஷோர்-தான். பிரசாந்த் கிஷோர் பீகாரில் அரசியல் செய்ய பக்க பலமாக பண உதவி செய்வது ஆதவ் அர்ஜூனா. அதற்கு கைம்மாறு இது. இவற்றுக்கெல்லாம் மூலக் காரணம் சவுரியா தோவால். அவர் கணக்கே வேறு ; அதுதான் பாஜகவின் எப்போதைக்குமான கணக்கு. அந்த கணக்கில்தான் எல்லாமே இப்போது நடக்கிறது என்பது விவரமறிந்தவர்கள் சொல்வது.</p> <p style="text-align: justify;"><strong>ராகுல்காந்திக்கு இல்லாத அச்சுறுத்தலா?</strong></p> <p style="text-align: justify;">அதிக பணம் செல்வாகிறது என்று மக்களவையின் எதிர்க்கட்சித் தலைவராக இருக்கும் ராகுல்காந்திக்கே Z பிரிவை விலக்கிக் கொண்டது மத்திய அரசு. அவருக்கு இல்லாத அச்சுறுத்தலா? அதே மாதிரி, இங்கே தமிழ்நாட்டில் திமுக தலைவர் மு.க.ஸ்டாலின் எதிர்க்கட்சித் தலைவராக இருந்தப்போது அவருக்கு இருந்த பாதுகாப்பும் ரத்துச் செய்யப்பட்டது.</p> <p style="text-align: justify;">ஆனால், களத்திற்கு சென்றால் கூட்டம் கூடி விடும் என்பதற்காக அலுவலகத்தில் வைத்தே நலத் திட்டங்களை செய்கிறேன் என்கிற <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a>க்கு 24 மணி நேரமும் துப்பாக்கி ஏந்திய CRPF வீரர்கள் கொண்ட ஒரு காமாண்டோ படையே பாதுகாப்பிற்காக இறக்கவிருக்கிறது மத்திய அரசு.</p> <p style="text-align: justify;">அண்ணாமலை திரைப்படத்தில் ராதாரவி சொல்வது மாதிரிதான் &lsquo;கூட்டி கழிச்சு பாரு, கணக்கெல்லாம் கரெக்டாதான் வரும்&rsquo; ஏன்னா, இது கங்காதரன் கணக்கு என்பார். &nbsp;இப்போது கங்காதரனாக இருப்பது யார் என்பது கூட்டி, கழித்துப் பார்த்தால் அனைவருக்கும் தெரியும்.</p> <p style="text-align: justify;">&lsquo;களவாணி&rsquo; படத்தில் நடப்பது மாதிரி பாலக்கட்டை, தண்ணி டேங் போன்றவைகளில் எழுதப்பட்டவை எல்லாமே விரைவில் மக்கள் மன்றத்தில் திருத்தப்படும் என்பதில் மட்டும் மாற்றுக் கருத்து இருக்க முடியாது.</p> <p style="text-align: justify;">&nbsp;</p>