<p>தமிழக வெற்றிக் கழகத்தின் 2வது மாநில மாநாடு மதுரை மாவட்டம், பாரபத்தியில் இன்று நடைபெற்று வருகிறது. இந்த மாநாட்டில் அக்கட்சியின் தலைவர் விஜய் ஏராளமான விஷயங்களைப் பேசினார். அதில் தேர்தல் அரசியல் குறித்து அவர் பேசியதாவது:</p>
<p>’’உங்கள் எல்லோருக்கும் ஒரு சிறிய சர்ப்ரைஸ் கொடுக்க இருக்கிறேன். வேட்பாளர்கள் பட்டியலை அறிவிக்க உள்ளேன்.</p>
<h2><strong>மதுரை கிழக்கு தொகுதி வேட்பாளர்</strong></h2>
<p>மதுரை கிழக்கு தொகுதி வேட்பாளர் யார் தெரியுமா? விஜய். ஆம், நான்தான். மதுரை மேற்கு வேட்பாளர் விஜய், மதுரை மத்தி வேட்பாளர் விஜய், திருமங்கலம் வேட்பாளர் விஜய். உசிலம்பட்டி வேட்பாளர் விஜய்.</p>
<p>அதாவது தமிழ்நாடு முழுவதும் 234 தொகுதிகளுக்கும் நானே வேட்பாளர். அவ்வாறு நினைத்துதான் மக்கள் அனைவரும் வாக்களிக்க வேண்டும். உங்கள் விஜய்தான் நம் கட்சியின் சின்னம். தவெகவினர் இடையே எந்த அரசியலும் நுழைய முடியாது.</p>
<h2><strong>ஒவ்வொரு வீட்டுக்கும் தாய் மாமன்</strong></h2>
<p>தமிழ்நாட்டில் வீட்டில் உள்ள ஒவ்வொரு வீட்டுக்கும் தாய் மாமன் நான். மார்க்கெட் போன பிறகு அடைக்கலம் தேடி உங்களை நாடி வரவில்லை. படைக்கலத்துடன் வந்திருக்கிறேன். எல்லாவற்றுக்கும் தயாராக வந்திருக்கிறேன்.</p>
<p>எவ்வளவு செய்தாலும் எனக்கு நீங்கள் (மக்கள்) செய்ததற்கு நன்றிக்கடன் தீர்க்க முடியாது.</p>
<p>மக்களுக்கு உழைப்பதே என் வேலை. என் கடன் என் மக்களுக்குப் பணி செய்து கிடைப்பதே!</p>
<h2><strong>உங்கள் விஜய், நான் வருகிறேன்.</strong></h2>
<p>மக்களை மதிக்கிறேன். மக்களை வழிபடுகிறேன். உங்கள் விஜய், நான் வருகிறேன்’’.</p>
<p>இவ்வாறு தவெக தலைவர் <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> தெரிவித்தார்.</p>
3 months ago
4 
