TVK Vijay: ஜெயலலிதா பாணியில் விஜய்! தவெக ஆட்சியில் சபாநாயகர் யார் தெரியுமா?

<p>தமிழ்நாட்டில் கடந்த 23ம் தேதி நடந்த சட்டமன்ற தேர்தலுக்கான தேர்தல் முடிவுகள் நேற்று வெளியாகியது. இந்த தேர்தலில் திமுக மற்றும் அதிமுக ஆகிய பலமிகுந்த கட்சிகளுக்கு தமிழக வெற்றிக் கழகம் பெரும் அதிர்ச்சியை அளித்துள்ளது.&nbsp;</p> <h2><strong>சபாநாயகர் யார்?</strong></h2> <p>108 தொகுதிகளில் முதல் தேர்தலிலே தனித்துப் போட்டியிட்டு வெற்றி பெற்ற தமிழக வெற்றிக் கழகத்தினர் ஆட்சியைக் கைப்பற்றும் சக்தியாக உருவெடுத்துள்ளது. கூட்டணி ஆட்சிக்கு காங்கிரஸ் உள்ளிட்ட கட்சியினருடன் பேச்சுவார்த்தை நடத்தி வருகின்றனர்.</p> <p>இந்த சூழலில், தமிழக வெற்றிக் கழகத்தின் ஆட்சியில் சபாநாயகராக லோகேஷ் தமிழ்ச்செல்வனை நியமிக்க முதலமைச்சராக பொறுப்பேற்க உள்ள விஜய் திட்டமிட்டுள்ளதாக கூறப்படுகிறது. இவர் யாரென்றால் அதிமுக ஆட்சியில் சபாநாயகராக பொறுப்பு வகித்த தனபாலின் மகன் ஆவார். தமிழ்நாட்டின் வரலாற்றில் சபாநாயகராக பொறுப்பு வகித்த முதல் நபர் என்ற பெருமைக்குச் சொந்தக்காரர் தனபால்.</p> <h2><strong>யார் இவர்?</strong></h2> <p>தற்போது அவரது மகன் லோகேஷ் தமிழ்செல்வனை விஜய் நியமிக்க முடிவு செய்துள்ளார். தமிழக வெற்றிக் கழகத்தின் சார்பில் பொது தொகுதியிலே ஏராளமான பட்டியலின சமுதாயத்தைச் சேர்ந்தவர்களை வேட்பாளர்களாக விஜய் களமிறக்கிய நிலையில், தற்போது தனது முதல் ஆட்சியிலே சபாநாயகராக பட்டியலின சமுதாயத்தினரை விஜய் நியமிக்க உள்ளார்.</p> <p>ராசிபுரம் தொகுதியில் போட்டியிட்ட லோகேஷ் கனகராஜ் தன்னை எதிர்த்துப் போட்டியிட்ட பாஜக வேட்பாளர் ப்ரேம்குமாரை 14 ஆயிரத்து 511 வாக்குகள் வித்தியாசத்தில் வெற்றி பெற்றுள்ளார். பாஜக வேட்பாளர் ப்ரேம்குமார் 62 ஆயிரத்து 297 வாக்குகள் பெற, லோகேஷ் கனகராஜ் 74 ஆயிரத்து 808 வாக்குகள் பெற்று வெற்றி பெற்று வெற்றி பெற்றுள்ளார்.</p> <h2><strong>ஜெயலலிதா பாணியில் விஜய்:</strong></h2> <p>தனபால் சட்டமன்ற உறுப்பினராக இருந்தபோது அவரது இல்லத்திற்குச் சென்ற அப்போதைய அதிமுக அமைச்சர்கள், எம்எல்ஏ-க்கள் பலரும் அவர் பட்டியலின சமுதாயத்தைச் சேர்ந்தவர் என்ற ஒரே காரணத்திற்காகவே அவரது இல்லத்தில் சாப்பிட மறுத்துள்ளனர். இந்த தகவலை அறிந்த ஜெயலலிதா சட்டமன்றத்தில் அவர் முன்பு அனைவரும் எழுந்து நின்று மரியாதை செய்ய வேண்டும் என்பதற்காக தனபாலை சபாநாயகராக நியமித்தார்.</p> <p>தற்போது ஜெயலலிதா பாணியில் பட்டியலினத்தைச் சேர்ந்த லோகேஷ் தமிழ்செல்வனை சபாநாயகராக நியமிக்க விஜய் முடிவு செய்துள்ளார்.&nbsp;தமிழக வெற்றிக் கழகத்தினர் தங்களது பெரும்பான்மையை இன்னும் 2 வாரங்களில் நிரூபிக்க உள்ளனர். ஆட்சியை அமைப்பதற்கு கூட்டணிக்கு காங்கிரஸ், கம்யூனிஸ்ட், விடுதலைச் சிறுத்தைகள் கட்சியுடன் பேச்சுவார்த்தை நடத்தி வருகின்றனர்.&nbsp;ஆட்சி அமைக்க கூட்டணிக்கு மற்ற கட்சியினரை அழைத்து வரும் சூழலிலும், அமைச்சரவை பட்டியலும் <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> தலைமை தயாரித்து வருகிறது.</p> <p><a title="TVK Vijay: எம்.ஜி.ஆரின் 50 ஆண்டு கால சாதனை.. முறியடித்த விஜய்.. இப்படி ஒரு சம்பவமா!" href="https://tamil.abplive.com/elections/tvk-vijay-tn-election-first-time-vote-bank-count-for-each-party-know-the-details-259313" target="_self">TVK Vijay: எம்.ஜி.ஆரின் 50 ஆண்டு கால சாதனை.. முறியடித்த விஜய்.. இப்படி ஒரு சம்பவமா!</a></p> <p><iframe class="vidfyVideo" style="border: 0px;" src="https://tamil.abplive.com/web-stories/health/amazing-benefits-of-cardamom-in-summer-259301" width="631" height="381" scrolling="no"></iframe></p>