TVK Vijay: ’’கரூர் டூ ஜனநாயகன்; என்னைச் சுற்றி இத்தனை விஷயங்களில் சதி நடக்கிறது’’- மவுனம் கலைத்த விஜய்!

<p>எனக்கு எதிராக ஏராளமாக சதி நடக்கிறது. கரூர் சம்பவத்தில் முதலில் சதி நடந்தது. தொடர்ந்து பல்வேறு விஷயங்களில், ஜனநாயகன் திரைப்படம் வரை சதி நடந்துகொண்டேதான் இருக்கிறது என்று விஜய் தெரிவித்துள்ளார். பட விவகாரம் குறித்தும் அவர் முதல்முறையாக மவுனம் கலைத்துள்ளார்.</p> <p>தஞ்சாவூர் அருகே செங்கிப்பட்டி பகுதியில், கட்சி நிர்வாகிகள் மத்தியில் இன்று தவெக தலைவர் விஜய் பேசினார். அப்போது அவர் கூறியதாவது:</p> <h2><strong>அதிமுக, திமுக சதி</strong></h2> <p>&rsquo;&rsquo;தவெகவுக்கு எதிராக திமுக மற்றும் அதிமுக ஆகிய கட்சிகள் இணைந்து சதி செய்கின்றன. விஜய் வந்தால் பிழைப்பு போய்விடும் என்று நினைக்கிறார்கள். எஸ்ஓபி எனப்படும் வழிகாட்டு நெறிமுறைகள் விவகாரத்தில் திமுக சதி செய்கிறது.</p> <p>எனக்கு எதிராகவும் ஏராளமாக சதி நடக்கிறது. கரூர் சம்பவத்தில் முதலில் சதி நடந்தது. தொடர்ந்து பல்வேறு விஷயங்களில், ஜனநாயகன் திரைப்படம் வரை சதி நடந்துகொண்டேதான் இருக்கிறது.</p> <h2><strong>முதல்வர் ஸ்டாலினுக்கு நன்றி</strong></h2> <p>ஜனநாயகன் திரைப்பட விவகாரத்தில் பல்வேறு தரப்பினர் ஆதரவு தெரிவித்தனர். முதல்வர் ஸ்டாலினும் பட்டும் படாமல் ஆதரவு தெரிவித்தார். அவர்கள் அனைவருக்கும் நன்றி.</p> <p>ஆனால் ஸ்டாலின் ஆட்சியில் சந்தி சிரிக்கிறது. என்னை முடக்கலாம், ஆனால் தமிழ்நாட்டில் ஒவ்வொரு வீட்டிலும் உள்ள விஜய், விஜியை முடக்க முடியாது&rsquo;&rsquo; என்று தவெக தலைவர் விஜய் தெரிவித்தார்.</p> <h2><strong>தள்ளிப் போன ஜனநாயகன்</strong></h2> <p>ஜனநாயகன் திரைப்படம் கடந்த பொங்கலுக்கு வெளியாவதாக இருந்தது. எனினும் சென்ஸார் பிரச்சினையால் படம் தள்ளிப் போனது. குறிப்பாக தணிக்கை சான்றிதழ் பெறுவதில் தாமதம், நீதிமன்ற வழக்குகள் மற்றும் மறு ஆய்வுக் குழுவுக்கு படம் அனுப்பப்பட்டது போன்றவை வெளியீட்டில் சிக்கலை ஏற்படுத்தின.&nbsp;</p> <p>தொடர்ந்து பிப்ரவரி 20ஆம் தேதி படம் வெளியாகும் என்று எதிர்பார்க்கப்பட்ட நிலையில், இதுவரை படம் வெளியாகவில்லை. படவெளியீட்டில் சிக்கல் ஏற்பட்டு, உரிய காலத்தில் படம் வெளியாகாதது குறித்து பல்வேறு தரப்பினரும் கருத்துத் தெரிவித்தனர்.</p> <p>எனினும் இதுகுறித்து படத்தின் நாயகனும் தவெக தலைவருமான விஜய் இன்று வரை கருத்துத் தெரிவிக்காமல் இருந்த நிலையில், இன்று முதல்முறையாக <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> பேசியது குறிப்பிடத்தக்கது.&nbsp;&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/health/what-degree-should-you-set-the-ac-at-in-summer-252029" width="631" height="381" scrolling="no"></iframe></p>