Top 10 News Headlines: தங்கம், வெள்ளி விலை உயர்வு, MGR பிறந்த நாள்-மோடி பதிவு, ட்ரம்ப் வரி மிரட்டல் - 11 மணி செய்திகள்

<ul style="list-style-type: square;"> <li>உலகப்புகழ் பெற்ற அலங்காநல்லூர் ஜல்லிக்கட்டு போட்டி தொடங்கியது. இந்நிகழ்ச்சியைக் காண முதலமைச்சர் மு.க.ஸ்டாலின் மதுரைக்கு வருகை.</li> <li>சென்னையின் பழமை மற்றும் வரலாற்று சிறப்புமிக்க இடங்களை கண்டுகளிக்கும் வகையில் சிறப்பு சுற்று வட்ட பேருந்து சேவையான &ldquo;சென்னை உலா&rdquo; தொடங்கப்பட்டது. ரூ.50 கட்டணத்தில் இயக்கப்படும் 5 பேருந்துகளில் நாள் முழுவதும் 16 வழித்தடங்களில் பயணம் செல்லலாம் என தெரிவிக்கப்பட்டுள்ளது.&nbsp;</li> <li>அதிமுகவுக்கும் - திமுகவும் இடையே தான் போட்டி உள்ளது. 3வது கட்சியை நீங்கள்தான் (ஊடகம்) பெரிதுபடுத்துகிறீர்கள். அவர்கள் இன்னும் களம் காணவே இல்லை. களம் கண்டால்தான் அவர்கள் வாக்கு சதவீதம் குறித்து தெரியும் என அதிமுக பொதுச்செயலாளர் &nbsp;எடப்பாடி பழனிசாமி தவெகவை மறைமுகமாக விமர்சித்துள்ளார்.</li> <li>சென்னையில் ஆபரணத் தங்கத்தின் விலை சவரனுக்கு ரூ.400 உயர்ந்துள்ளது. ஒரு கிராம் ரூ.13,280-க்கும், ஒரு சவரன் ரூ.1,06,240-க்கும் விற்பனை. இதேபோல், வெள்ளியின் விலை கிராமிற்கு ரூ.4 உயர்ந்து, ஒரு கிராம் ரூ.310-க்கு விற்பனை.</li> <li>MGR-ன் தொலைநோக்குப் பார்வையை நனவாக்க நாங்கள் எப்போதும் பாடுபடுவோம் என, எம்ஜிஆர் பிறந்த நாளில் பிரதமர் மோடி பதிவு.</li> <li>அனைவருக்கும் கல்வி திட்டத்தில் தமிழ்நாட்டிற்கு வழங்க வேண்டிய ரூ.3,500 கோடி நிதியை உடனடியாக விடுவிக்கக் கோரிய வழக்கில், 4 வாரங்களில் மத்திய அரசு பதில் மனு தாக்கல் செய்ய உச்சநீதிமன்றம் இறுதி வாய்ப்பு வழங்கி உத்தரவு.</li> <li>தமிழ்நாட்டிற்கு மேலும் 3 புதிய அம்ரித் பாரத் எக்ஸ்பிரஸ் ரயில் சேவையை இன்று தொடங்கி வைக்கிறார் பிரதமர் மோடி.</li> <li>வரும் 20-ம் தேதி நடைபெறும் பாஜக தேசிய தலைவர் தேர்தலில், புதிய தலைவராக நிதின் நபின் தேர்வு செய்யப்பட்டு அறிவிக்கப்படுவார் என தகவல்.</li> <li>க்ரீன்லாந்தை கையகப்படுத்தும் திட்டத்தை எதிர்க்கும் நாடுகள் மீது வரி விதிப்பதாக அமெரிக்க அதிபர் ட்ரம்ப் மிரட்டல். ஆர்க்டிக் பிரதேசத்தில் ரஷ்யா, சீனாவின் ஆதிக்கத்தை தடுக்கவே க்ரீன்லாந்தை கைப்பற்ற விரும்புவதாக கருத்து.</li> <li>ஆஸ்திரேலியாவில் 16 வயதுக்கு உட்பட்டோர் சமூக ஊடகங்களை பயன்படுத்த தடை விதிக்கப்பட்ட ஒரே மாதத்தில் 47 லட்சம் கணக்குகள் நீக்கம். இந்த தடை பல்வேறு நாடுகளின் கவனத்தை ஈர்த்துள்ளதாக பிரதமர் அந்தோணி அல்பனீஸ் தகவல்.</li> <li>பஹ்ரைனில் நடைபெற்ற 17 வயதுக்குட்பட்டோருக்கான சர்வதேச இளையோர் டேபிள் டென்னிஸ் தொடரில் தமிழக வீரர் நிகில் தங்கப் பதக்கம் வென்றார்.</li> </ul> <p>&nbsp;</p> <p>&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/health/know-who-should-not-eat-plums-246910" width="631" height="381" scrolling="no"></iframe></p>