<ul>
<li>அக்னி நட்சத்திரம் தொடங்கும் முன்னரே தமிழ்நாட்டில் வெயில் வாட்டி வதைத்து வரும் நிலையில் நண்பகல் 12 மணி முதல் 4 மணி வரை வெளியே வர வேண்டாம் என கேட்டுக் கொள்ளப்பட்டுள்ளது. </li>
<li>மீன்பிடி தடைக்காலம் தொடங்கியுள்ள நிலையில் பிற இறைச்சிகளின் விலை கடுமையாக உயர்ந்துள்ளது. முட்டையும் பண்ணை கொள்முதல் விலை உயர்ந்துள்ளது. </li>
<li>சட்டமன்ற தேர்தலில் தவெக தலைவர் <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> தாக்கல் செய்த வேட்புமனுவை ஆய்வு செய்யக்கோரி தாக்கல் செய்யப்பட்ட மனுவை சென்னை உயர்நீதிமன்றம் தள்ளுபடி செய்துள்ளது. </li>
<li>கோடைகாலம் தொடங்கியுள்ள நிலையில் ஐஸ்க்ரீம் விற்பனை அதிகரித்துள்ளது. இதனைத் தொடர்ந்து அதன் தயாரிப்பு நிறுவனங்களில் ஆய்வு செய்ய உணவுப் பாதுகாப்புத் துறை உத்தரவிட்டுள்ளது. சம்பந்தப்பட்ட மாவட்ட உணவு பாதுகாப்புத் துறை அதிகாரிகள் இது தொடர்பாக சோதனை நடத்த அறிவுறுத்தப்பட்டுள்ளது.</li>
</ul>
<p><iframe title="TVK Velmurugan on Stalin | "ஆளுங்கட்சி அட்டூழியம் பெண்ணை கடத்திச் சென்று.." வேல்முருகன் ஆவேசம் | DMK" src="https://www.youtube.com/embed/UIr-brGjVMw" width="805" height="453" frameborder="0" allowfullscreen="allowfullscreen"></iframe></p>
<ul>
<li>மதுரை சித்திரை திருவிழாவின் ஒரு பகுதியாக மீனாட்சி அம்மன் பட்டாபிஷேகம் கோலாகலமாக நடைபெற்றது. பட்டாபிஷேகம் நடைபெற்ற இன்று முதல் அடுத்த 4 மாதங்களுக்கு மதுரையில் மீனாட்சி அம்மனின் ஆட்சி நடைபெறும் என்பது பொதுமக்களின் நம்பிக்கையாகும்.</li>
<li>மேற்கு வங்கத்தில் இரண்டாம் கட்ட வாக்குப்பதிவு ஏப்ரல் 29ம் தேதி நடைபெறுகிறது. இதனை முன்னிட்டு இன்று மாலையுடன் அங்கு பரப்புரை நிறைவு பெறுவதால் தலைவர்கள் தீவிரமாக வாக்கு சேகரித்து வருகின்றனர்.</li>
<li>மும்பையில் கேஸ் கட்டணம் நிலுவையில் உள்ளதாக ஏமாற்றியும், இரவுக்குள் கட்டணம் செலுத்தவில்லை என்றால் கனெக்‌ஷன் தூண்டிக்கப்படும் என மிரட்டியும் சுமார் 100 பேரிடம் ரூ.2.7 கோடியை மோசடி செய்த கும்பலை போலீசார் தீவிரமாக தேடி வருகின்றனர். </li>
<li><a title="ஐபிஎல்" href="https://tamil.abplive.com/sports/ipl" data-type="interlinkingkeywords">ஐபிஎல்</a> தொடரில் இன்று நடைபெறும் ஆட்டத்தில் டெல்லி - பெங்களூரு அணிகள் மோதுகின்றன. நேற்று நடைபெற்ற லக்னோவுக்கான எதிரான போட்டியில் கொல்கத்தா அணி சூப்பர் ஓவரில் வெற்றி பெற்றது. </li>
<li>தென்மேற்கு பருவமழை முன்கூட்டியே தொடங்கும் என கணிக்கப்பட்டுள்ளது. கேரளா, தமிழ்நாட்டில் ஜூன் 1ம் தேதி தொடங்கும் பருமழை இந்தாண்டு முன்கூட்டியே இருக்கும் என இந்திய வானிலை ஆய்வு மையம் தெரிவித்துள்ளது. </li>
<li>தெலங்கானாவில் நடிகை ஆஷு ரெட்டி மீது மோசடி புகார் அளிக்கப்பட்டுள்ளது. திருமணம் செய்வதாக கூறி இளைஞர் ஒருவரிடம் ரூ.9.35 கோடி மோசடி செய்ததாக தெரிவிக்கப்பட்டுள்ளது. அதனை ஆஷூ ரெட்டி மறுத்துள்ளார். </li>
<li>கர்நாடகா, மேக‌தாது அருகே காவிரி ஆற்றில் சுற்றுலா பயணிகள் குளித்து கொண்டிருந்தபோது, காட்டிலிருந்து தண்ணீர் குடிக்க வந்த காட்டு யானை ஒன்று சுற்றுலா பயணிகள் மீது தாக்குதல் நடத்தியதில் சிலர் காயமடைந்துள்ளனர். </li>
<li>இளநிலை மருத்துவ படிப்புக்கான நீட் தேர்வு ஹால் டிக்கெட் வெளியிடப்பட்டுள்ளது. மாணவர்கள் http://neet.nta.nic.in இணைய பக்கத்தில் ஹால் டிக்கெட்டை பதிவிறக்கம் செய்யலாம்.</li>
</ul>
<p><iframe class="vidfyVideo" style="border: 0px;" src="https://tamil.abplive.com/web-stories/health/natural-foods-that-support-kidney-health-and-cleansing-257124" width="631" height="381" scrolling="no"></iframe></p>
1 month ago
7 
