<ul>
<li>தமிழ்நாட்டில் இன்று ஓரிரு இடங்களில் கனமழைக்கு வாய்ப்பிருப்பதாக இந்திய வானிலை ஆய்வு மையம் ஆரஞ்சு அலர்ட் விடுத்துள்ளது. வரும் நவம்பர் 23ம் தேதி வரை கனமழைக்கு வாய்ப்புள்ளதாக கூறியுள்ளது.</li>
<li><a title="சபரிமலை" href="https://tamil.abplive.com/topic/sabarimala" data-type="interlinkingkeywords">சபரிமலை</a> செல்லும் ஐயப்ப பக்தர்களின் வசதிக்காக கேரளாவின் பம்பை வரை தமிழ்நாடு அரசின் சிறப்பு பேருந்துகள் இயக்கப்படுவதாக அறிவிக்கப்பட்டுள்ளது. சென்னையில் கோயம்பேடு, கிளாம்பாக்கத்தில் இருந்து 2 பேருந்துகள் இயக்கப்படுகிறது.</li>
<li>திருவண்ணாமலை அருகே சாலையை கடக்க முயன்ற மூதாட்டி மீது மோதாமல் இருக்க லாரியை திருப்பியபோது அதே லாரி மோதி மூதாட்டி பலியானார். வாகனத்தில் இருந்த டீசல் கொட்டிய நிலையில் அதனை அப்பகுதி மக்கள் கேன், குடத்தில் எடுத்துச் சென்றனர்</li>
<li>தமிழ்நாட்டில் இதுவரை 6 கோடி எஸ்.ஐ.ஆர் படிவங்கள் விநியோகம் செய்யப்பட்டுள்ளதாக தமிழ்நாடு தலைமை தேர்தல் அதிகாரி தெரிவித்துள்ளார். அக்டோபர் மாத நிலவரப்படி தமிழ்நாட்டில் 6.41 கோடி வாக்காளர்கள் உள்ளனர்.</li>
<li>திண்டுக்கல் மாவட்டம் பழனி முருகன் கோயிலில் கடந்த நான்கரை ஆண்டுகளில் பக்தர்களுக்கான அன்னதானம், பஞ்சாமிர்தம், கட்டணமில்லா முடி காணிக்கை என 23 சேவைகளுக்கு ரூ. 117.72 கோடி செலவிடப்பட்டுள்ளது.</li>
<li>நவம்பர் 18ம் தேதி முதல் எஸ்.ஐ.ஆர் பணிகளை புறக்கணிப்பதாக வருவாய்துறை சங்கங்களின் கூட்டமைப்பு அறிவித்துள்ளது. பணிச்சுமை அதிகரித்து நெருக்கடி ஏற்பட்டுள்ளதாக தெரிவிக்கப்பட்டுள்ளது. </li>
<li>பீகார் சட்டமன்ற தேர்தலில் புதிய முதலமைச்சரை தேர்வு செய்யும் பொருட்டு தேசிய ஜனநாயக கூட்டணி கட்சிகளின் எம்.எல்.ஏ.க்கள் கூட்டம் பாட்னாவில் இன்று நடைபெறுகிறது. இதில் சட்டப்பேரவை தலைவராக நிதிஷ் குமார் தேர்வு செய்யப்பட வாய்ப்பு என தெரிவிக்கப்பட்டுள்ளது.</li>
<li>2028 ஆம் ஆண்டு சந்திராயன் 4 ஏவப்படும் என இஸ்ரோ தலைவர் நாராயணன் தெரிவித்துள்ளார். மேலும் வருடாந்திர விண்கல தயாரிப்பை 3 மடங்காக அதிகரிக்க நோக்கமாக கொண்டு இஸ்ரோ செயல்பட்டு வருவதாகவும் அவர் கூறியுள்ளார்.</li>
<li>ஈரானில் கடந்த 10 ஆண்டுகளில் இல்லாத அளவுக்கு கடுமையான வறட்சி நிலவுகிறது. இதனையடுத்து செயற்கை மழைப் பொழிவை ஏற்படுத்த அந்நாட்டு அரசு திட்டமிட்டுள்ளது. இதே நிலை நீடித்தால் வாழ தகுதியற்ற இடமாக ஈரான் மாறிவிடும் சூழல் ஏற்பட்டுள்ளது. </li>
<li>டீசல் டேங்கர் லாரியும், பேருந்தும் நேருக்கு நேர் மோதிக் கொண்டதில் சவுதி அரேபியாவின் மெக்காவில் 43 இந்தியர்கள் பலியானதாக அதிர்ச்சி தகவல் வெளியாகியுள்ளது. இதில் பெரும்பாலனவர்கள் தெலங்கானா மாநிலத்தைச் சேர்ந்தவர்கள் என தெரிய வந்துள்ளது. </li>
<li>காந்தாரா படத்தை தயாரித்த ஹோம்பாளே நிறுவனம் <a title="ஐபிஎல்" href="https://tamil.abplive.com/sports/ipl" data-type="interlinkingkeywords">ஐபிஎல்</a> தொடரின் ராயல் சேலஞ்சர்ஸ் பெங்களூரு அணியை வாங்க முடிவு செய்துள்ளதாக தகவல் வெளியாகியுள்ளது. பல நிறுவனங்கள் போட்டியிட்டுள்ள நிலையில் மினி ஏலம் நடைபெறும் முன்பு அணி கைமாறும் என எதிர்பார்க்கப்படுகிறது.</li>
<li>தென்னாப்பிரிக்கா சுழற்பந்து வீச்சாளர்களை இந்திய பேட்ஸ்மேன்கள் சரியாக எதிர்கொள்ளாததே தோல்விக்கு காரணம் என இந்திய அணியின் தலைமை பயிற்சியாளர் கௌதம் காம்பீர் தெரிவித்துள்ளார். </li>
</ul>
<p><iframe class="vidfyVideo" style="border: 0px;" src="https://tamil.abplive.com/web-stories/health/know-about-7-benefits-of-eating-a-handful-of-peanuts-every-day-239989" width="631" height="381" scrolling="no"></iframe></p>
3 weeks ago
2 
