<p>61 அரசு உதவி வழக்கு நடத்துநர் பணியிடங்களுக்கான அறிவிப்பை டிஎன்பிஎஸ்சி வெளியிட்டுள்ளது. இதற்கு விண்ணப்பிப்பது எப்படி? என்ன தகுதி? தேர்வு முறை உள்ளிட்ட அனைத்து விவரங்கள் குறித்தும் இங்கே அறிந்துகொள்ளலாம்.</p>
<p><a title="டிஎன்பிஎஸ்சி" href="https://tamil.abplive.com/topic/tnpsc" data-type="interlinkingkeywords">டிஎன்பிஎஸ்சி</a> எனப்படும் தமிழ்நாடு அரசுப் பணியாளர் தேர்வாணையம் சார்பில், அரசு குற்ற வழக்கு தொடர்வு துறையில் அரசு உதவி வழக்கு நடத்துநர் பணியிடங்கள் நிரப்பப்பட உள்ளன.</p>
<p>இதற்கான விண்ணப்பப் படிவத்தைச் சமர்ப்பிக்க டிசம்பர் 31ஆம் தேதி கடைசித் தேதி ஆகும். விண்ணப்பங்களில் திருத்தங்களை மேற்கொள்ள 2026ஆம் ஆண்டு ஜனவரி 4 முதல் 6ஆம் தேதி வரை அவகாசம் அளிக்கப்பட்டு உள்ளது.</p>
<h2><strong>தேர்வு தேதிகள்</strong></h2>
<p>முதல்நிலைத் தேர்வு பிப்ரவரி 15ஆம் தேதி அன்று காலை 9.30 முதல் 12.30 வரை நடைபெற உள்ளது. முதன்மைத் தேர்வு தேதிகள் முதல்நிலைத் தேர்வு முடிவுகள் அறிவிக்கப்படும்போது வெளியிடப்படும் என்று தெரிவிக்கப்பட்டு உள்ளது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/education/after-12th-standard-what-can-i-study-where-can-i-study-243472" width="631" height="381" scrolling="no"></iframe></p>
<h2><strong>விண்ணப்பத் திருத்தச் சாளரம்</strong></h2>
<p>இணையவழி விண்ணப்பம் சமர்ப்பிப்பதற்கான கடைசி நாளுக்குப் பின்னர், விண்ணப்பத் திருத்தச் சாளரம் 04.01.2026 முதல் 06.01.2026 வரை மூன்று நாட்களுக்கு செயல்பாட்டில் இருக்கும்.</p>
<p>இக்காலத்தில் தேர்வர்கள் தங்களது இணையவழி விண்ணப்பத்தில் உள்ள விவரங்களை திருத்தம் செய்ய இயலும். விண்ணப்பத் திருத்தச் சாளரக் காலம் முடிந்த பின்னர் இணையவழி விண்ணப்பத்தில் எந்தவொரு மாற்றத்தையும் செய்ய அனுமதிக்கப்பட மாட்டாது.</p>
<h2><strong>வயது வரம்பு</strong></h2>
<p>இதற்கு விண்ணப்பிக்க தேர்வர்களுக்கு 26 வயது முடிந்திருக்க வேண்டும். உச்ச வயது வரம்பு 36 ஆகும். எனினும் நிர்ணயிக்கப்பட்ட குறைபாடுடைய மாற்றுத் திறனாளிகள்- 46,</p>
<p>முன்னாள் இராணுவத்தினர் – 50,</p>
<p>ஆதரவற்ற விதவை - உச்ச வயது வரம்பு இல்லை என்று தெரிவிக்கப்பட்டுள்ளது.</p>
<h2><strong>கல்வி மற்றும் முன் அனுபவ தகுதி </strong></h2>
<p>பல்கலைக்கழக மானியக் குழுவால் அங்கீகரிக்கப்பட்ட ஏதேனும் பல்கலைக்கழகம்/ நிறுவனத்தால் வழங்கப்பட்ட இளநிலை சட்டத்தில் கட்டாயம் பட்டம் பெற்றிருக்க வேண்டும்.</p>
<p>வழக்குரைஞர் சங்கத்தில் (Bar Council) கட்டாயம் உறுப்பினராக இருப்பதோடு குற்றவியல் நீதிமன்றங்களில் முனைப்புடன் 5 ஆண்டுகளுக்கு குறையாமல் கட்டாயம் வழக்கு நடத்தியவராக இருத்தல் வேண்டும்.</p>
<h2><strong>விண்ணப்பிக்கும் முறை- ஒருமுறைப் பதிவு மற்றும் இணையவழி விண்ணப்பம்</strong></h2>
<p>தேர்வர்கள் www.tnpscexams.in என்ற தேர்வாணையத்தின் இணையதளத்தின் மூலம் மட்டுமே விண்ணப்பிக்க வேண்டும்.</p>
<p><a href="https://apply.tnpscexams.in/secure?app_id=UElZMDAwMDAwMQ">https://apply.tnpscexams.in/secure?app_id=UElZMDAwMDAwMQ</a>== என்ற இணைப்பில் சென்று நேரடியாக விண்ணப்பிக்கலாம்.</p>
<p>தேர்வர்கள் தேர்வாணைய இணையதளத்தில் உள்ள ஒருமுறைப் பதிவு தளத்தில் (OTR) பதிவு செய்த பின்பு இத்தேர்விற்கான விண்ணப்பத்தினை நிரப்ப வேண்டும். தேர்வர்கள் ஏற்கனவே ஒருமுறைப்பதிவில் பதிவு செய்திருப்பின், அவர்கள் இத்தேர்விற்கான இணையவழி விண்ணப்பத்தை நேரடியாக பூர்த்தி செய்யத் தொடங்கலாம்.</p>
<p>கூடுதல் தகவலைப் பெற <a href="https://tnpsc.gov.in/document/tamil/app_18_2025_tamil1.pdf" target="_blank" rel="noopener">https://tnpsc.gov.in/document/tamil/app_18_2025_tamil1.pdf</a> என்ற அறிவிக்கையைக் காணலாம். </p>
3 hours ago
1 
