<p>9,491 பணியிடங்களுக்கு நடத்தப்பட்ட குரூப் 4 தேர்வில், அதிக மதிப்பெண் பெற்ற தேர்வர்கள் தங்களின் சான்றிதழ்களை மீள் பதிவேற்றம் செய்ய இன்றே கடைசித் தேதி என்று டிஎன்பிஎஸ்சி அறிவித்துள்ளது.</p>
<p>தமிழ்நாட்டில் காலியாக உள்ள டிஎன்பிஎஸ்சி குரூப் 4 பணியிடங்களுக்கான தேர்வு குறித்த அறிவிப்பு ஆண்டின் ஆரம்பத்தில் வெளியானது. ஜூன் மாதம் 9ஆம் தேதி தேர்வு நடைபெற்ற நிலையில், தேர்வை எழுத 20,37,101 பேர் தேர்வுக்கு விண்ணப்பித்தனர். அதில், 20,36,774 பேர் தேர்வை எழுத அனுமதிக்கப்பட்டனர். எனினும் டிஎன்பிஎஸ்சி குரூப் 4 தேர்வை 4,45,345 பேர் எழுதவில்லை. 15,91,429 பேர் எழுதினர்.</p>
<p>சுமார் 16 லட்சம் பேருக்கான தேர்வு முடிவுகள் அக்டோபர் 28ஆம் தேதி அன்று வெளியாகின. அதே நாளில், காலிப் பணியிடங்களின் எண்ணிக்கையும் 559 உயர்த்தப்பட்டது. இதன்மூலம் மொத்த காலிப் பணியிடங்களின் எண்ணிக்கை 9,491 ஆக அதிகரித்தது.</p>
<h2><strong>நவம்பர் 21ஆம் தேதி வரை அவகாசம்</strong></h2>
<p>தேர்வில் அதிக கட் ஆஃப் பெற்றவர்களுக்கு சான்றிதழ் சரிபார்ப்புக்கு அழைக்கப்படுவர் என்பதால், சான்றிதழ்களைப் பதிவேற்றம் செய்ய நவம்பர் 21ஆம் தேதி வரை அவகாசம் வழங்கி டிஎன்பிஎஸ்சி அறிவித்தது. </p>
<p>எனினும் அதில் சிலர் முறையாக சான்றிதழ்களைப் பதிவேற்றம் செய்யவில்லை. தொடர்ந்து தற்போது அவர்களுக்கு சான்றிதழ்களை மறு பதிவேற்றம் செய்ய அவகாசம் வழங்கப்பட்டுள்ளது. இதன்படி, குரூப் 4 தேர்வர்கள் தங்களின் சான்றிதழ்களை மீள் பதிவேற்றம் செய்ய இன்றே (டிசம்பர் 21) கடைசித் தேதி என்று டிஎன்பிஎஸ்சி அறிவித்துள்ளது.</p>
<blockquote class="twitter-tweet">
<p dir="ltr" lang="zxx"><a href="https://t.co/1kY7GsDs3Q">pic.twitter.com/1kY7GsDs3Q</a></p>
— TNPSC (@TNPSC_Office) <a href="https://twitter.com/TNPSC_Office/status/1870328123214200876?ref_src=twsrc%5Etfw">December 21, 2024</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<h2><strong>உரிமைகோரல் ஏற்றுக்கொள்ளப்படாது</strong></h2>
<p>டிசம்பர் 21-ம் தேதிக்குள் மீண்டும் சரியான முறையில் சான்றிதழ் பதிவேற்றம் செய்யாத தேர்வர்கள் உரிமைகோரல் ஏற்றுக்கொள்ளப்பட மாட்டாது என அறிவிக்கப்பட்டுள்ளது. எனவே, தேர்வர்கள் உடனே சரியான முறையில் சான்றிதழ் பதிவேற்றம் செய்ய அறிவுறுத்தப்பட்டுள்ளதாகவும் டிஎன்பிஎஸ்சி தெரிவித்துள்ளது. </p>
<p>கூடுதல் தகவல்களுக்கு <a title="டிஎன்பிஎஸ்சி" href="https://tamil.abplive.com/topic/tnpsc" data-type="interlinkingkeywords">டிஎன்பிஎஸ்சி</a>யின் அதிகாரபூர்வ தளமான <a href="https://www.tnpsc.gov.in/">https://www.tnpsc.gov.in/</a> என்ற இணைப்பை க்ளிக் செய்து காணலாம்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/lifestyle/benefits-of-taking-a-break-from-office-work-check-out-here-210272" width="631" height="381" scrolling="no"></iframe></p>
1 year ago
7 
