<p>தமிழ்நாட்டில் பரவலாக வெயில் அதிகரித்து வரும் நிலையில், தென் மாவட்டங்களில் ஒரு சில இடங்களில் மழை பெய்து வருகிறது. இன்று இரவு கன்னியாகுமரி, திருநெல்வேலி, தென்காசி, தேனி மற்றும் விருதுநகர் ஆகிய 5 மாவட்டங்களில் இரவு 7 மணி வரை மழை பெய்ய வாய்ப்புள்ளதாக வானிலை மையம் அறிவித்துள்ளது. இந்நிலையில், அடுத்த 7 நாட்களுக்கு மழை நிலவரம் குறித்தும், வெப்பநிலை குறித்தும் வானிலை மையம் தெரிவித்தது குறித்து பார்ப்போம்.</p>
<blockquote class="twitter-tweet">
<p dir="ltr" lang="zxx"><a href="https://t.co/TGrKPb6Hhi">pic.twitter.com/TGrKPb6Hhi</a></p>
— IMD-Tamilnadu Weather (@ChennaiRmc) <a href="https://twitter.com/ChennaiRmc/status/1902309222836269175?ref_src=twsrc%5Etfw">March 19, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<h2><strong>கடந்த 24 மணி நேர வானிலை நிலவரம்:</strong></h2>
<p>தமிழகத்தில் கடந்த 24 மணி நேரத்தை பொறுத்தவரை, ஓரிரு இடங்களில் மழை பெய்துள்ளது. புதுவை மற்றும் காரைக்கால் பகுதிகளில் வறண்ட வானிலை நிலவியது. குறிப்பாக கருப்பாநதி அணை (தென்காசி), தென்காசி (தென்காசி), வாலிநோக்கம் (ராமநாதபுரம்) தலா 3 செ.மீ மழையும் , சிவகிரி (தென்காசி), தென்காசி AWS (தென்காசி) தலா 2, தேவகோட்டை (சிவகங்கை) தலா 1 மழையும் பெய்துள்ளது.</p>
<p>Also Read: <a title="சுனிதா வில்லியம்ஸ் திரும்பியதற்கு டிரம்ப்தான் காரணமா? வெடிக்கும் அரசியல்..உண்மை என்ன?" href="https://tamil.abplive.com/news/world/sunita-williams-return-is-because-of-trump-and-spacex-elon-musk-explosive-politics-in-usa-what-is-the-truth-218925" target="_self">சுனிதா வில்லியம்ஸ் திரும்பியதற்கு டிரம்ப்தான் காரணமா? வெடிக்கும் அரசியல்..உண்மை என்ன?</a></p>
<p>அதிகபட்ச வெப்பநிலை பொறுத்தவரை கரூர் பரமத்தி 38.0° செல்சியசும், குறைந்தபட்ச வெப்பநிலை (சமவெளிப்பகுதிகளில்) கரூர் பரமத்தி: 21.0 செல்சியசும் பதிவாகியுள்ளது.</p>
<p>தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை பெரும்பாலான இடங்களில் பொதுவாக இயல்பை ஒட்டி இருந்தது. ஓரிரு இடங்களில் இயல்பை விட 2 டிகிரி செல்சியஸ் அதிகமாக இருந்தது.</p>
<p>தமிழக உள் மாவட்டங்களின் சமவெளி பகுதிகளில் 35-38° செல்சியஸ் மற்றும் தமிழக கடலோரப்பகுதிகள், புதுவை மற்றும் காரைக்கால் பகுதிகளில் 32-35° செல்சியஸ் பதிவாகியுள்ளது.</p>
<h2><strong>7 நாட்களுக்கு வானிலை:</strong></h2>
<p>தென்தமிழகம் மற்றும் அதனை ஒட்டிய பகுதிகளின் மேல் ஒரு வளி மண்டல கீழடுக்கு சுழற்சி நிலவுகிறது.தென்னிந்திய பகுதிகளின் மேல், வளி மண்டல கீழடுக்கு பகுதிகளில், கிழக்கு மற்றும் மேற்கு திசை காற்று சந்திக்கும் பகுதி நிலவுகிறது.</p>
<p>19-03-2025: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய, லேசானது முதல் மிதமான மழை பெய்யக்கூடும்.</p>
<p>20-03-2025 மற்றும் 21-03-2025: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும்.</p>
<p>22-03-2025: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய, லேசானது முதல் மிதமான மழை பெய்யக்கூடும்.</p>
<p>23-03-2025: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய, லேசானது முதல் மிதமான மழை பெய்யக்கூடும்.</p>
<p>24-03-2025 மற்றும் 25-03-2025: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும்.</p>
<h2><strong>வெப்பநிலை:</strong></h2>
<p>19-03-2025 மற்றும் 20-03-2025: தமிழகத்தில் அதிகபட்ச வெப்பநிலை ஓரிரு இடங்களில் இயல்பை விட 2-3° செல்சியஸ் அதிகமாக இருக்கக்கூடும்.</p>
<p>19-03-2025 மற்றும் 20-03-2025 : அதிக வெப்பநிலை, அதிக ஈரப்பதம் மற்றும் குறைந்தபட்ச வெப்பநிலை இயல்பை விட 2-3 செல்சியஸ் அதிகமாக இருக்கும் நிலையில், தமிழகத்தில் ஒருசில பகுதிகளில் அசௌகரியம் ஏற்படலாம்.</p>
<h2><strong>சென்னை வானிலை முன்னறிவிப்பு:</strong></h2>
<p>சென்னையில், நாளை (20-03-2025): வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 34-35 டிகிரி செல்சியஸை ஒட்டியும், குறைந்தபட்ச வெப்பநிலை 26 டிகிரி செல்சியஸை ஓட்டியும் இருக்கக்கூடும் என வானிலை மையம் தெரிவித்துள்ளது. </p>
9 months ago
7 
