<p>தமிழக பொதுப்பணித் துறையில் உள்ள 760 அப்ரண்டிஸ் காலி இடங்களுக்கு விண்ணப்பிக்க அழைப்பு விடுக்கப்பட்டு உள்ளது. இதற்கு விண்ணப்பிப்பது எப்படி? என்ன தகுதி? தேர்வு முறை, ஊதியம் உள்ளிட்ட விவரங்கள் குறித்து விளக்கமாகக் காணலாம்.</p>
<h2><strong>காலி இடங்கள்</strong></h2>
<p>அப்ரெண்டிஸ் பணிகளுக்கு 3 விதமான வகைகளில் ஆட்கள் தேர்வு செய்யப்பட உள்ளனர். பொறியியல் / தொழில்நுட்ப பட்டதாரிகள், டிப்ளமோ பட்டதாரிகள், தொழில்நுட்பப் படிப்பு அல்லாத பட்டதாரிகள் ஆகியோர் அப்ரண்டிஸ் பணிகளுக்குத் தேவைப்படுகின்றனர்.</p>
<p><br /><img src="https://feeds.abplive.com/onecms/images/uploaded-images/2024/11/29/642f14273aff520b75bed14180866a741732862291423332_original.jpg" /></p>
<p>அந்தந்த வகைகளுக்கு ஏற்றபடி சிவில், இஇஇ, ஆர்க்கிடெக்சர், B.A. / B.Sc., / B.Com., / BBA / BCA / BBM முடித்த பட்டதாரிகள் இதில் பங்கேற்கலாம். <strong>சிறப்பம்சமாக 2020, 2021, 2022, 2023 & 2024 ஆகிய ஆண்டுகளில் பட்டம் முடித்தவர்கள் இதில் கலந்துகொள்ளலாம்.</strong></p>
<h2><strong>ஊதியம் எவ்வளவு?</strong></h2>
<p>ஓராண்டுக்கு இந்த பயிற்சி வழங்கப்படுகிறது. இதில் பணியிடங்களைப் பொறுத்து ரூ.9 ஆயிரம் அல்லது ரூ.8 ஆயிரம் ஊதியம் வழங்கப்படுகிறது.</p>
<h2><strong>தேர்வு முறை எப்படி?</strong></h2>
<p>இதில் தேர்வு முறை எதுவும் கிடையாது. விண்ணப்பிக்கும்போது தகுதியாக இருக்க வேண்டிய படிப்பில் அவர்கள் பெற்ற மதிப்பெண்களை அடிப்படையாக வைத்து, அவர்களுக்கு மட்டும் அழைப்பு வழங்கப்படும். பின் அவர்கள் சான்றிதழ் சரிபார்ப்புக்கு அழைக்கப்படுவர்.</p>
<p>இதற்கு விண்ணப்பிக்க டிசம்பர் 31 கடைசித் தேதியாக அறிவிக்கப்பட்டுள்ளது.</p>
<p>விண்ணப்பிப்பது எப்படி? என்ன தகுதி? தேர்வு முறை, ஊதியம் என்பன குறித்த விரிவான அறிவிக்கையை <a href="http://boat-srp.com/wp-content/uploads/2024/11/PWD_Notification_24.pdf">http://boat-srp.com/wp-content/uploads/2024/11/PWD_Notification_24.pdf</a> என்ற இணைப்பை க்ளிக் செய்து காணலாம்.</p>
<p><strong>கூடுதல் தகவல்களுக்கு: <a href="http://boat-srp.com/">http://boat-srp.com/</a></strong></p>
<p><strong>இதையும் வாசிக்கலாம்: <a title="AICTE Scholarship: கல்லூரி மாணவர்களே.. ஆண்டுக்கு ரூ.50 ஆயிரம் உதவிக்கொகை; அள்ளித்தரும் அரசு- விண்ணப்பிப்பது எப்படி?" href="https://tamil.abplive.com/education/aicte-scholarship-rs-50000-yearly-for-college-students-know-eligibility-documents-required-how-to-apply-208142" target="_blank" rel="noopener">AICTE Scholarship: கல்லூரி மாணவர்களே.. ஆண்டுக்கு ரூ.50 ஆயிரம் உதவிக்கொகை; அள்ளித்தரும் அரசு- விண்ணப்பிப்பது எப்படி?</a></strong></p>
<p><strong><iframe class="vidfyVideo" style="border: 0px;" src="https://tamil.abplive.com/web-stories/education/questions-to-ask-from-children-who-are-returning-from-school-199953" width="631" height="381" scrolling="no"></iframe></strong></p>
1 year ago
7 
