TN Election 2026: ஒரு ஓட்டு கூட பதிவாகாத கிராமம்! - மலம் கலந்த தண்ணீருக்கு நீதி கேட்டு தேர்தலில் கோபத்தை காட்டிய வேங்கைவயல் மக்கள்

<p>தமிழக சட்டமன்றத் தேர்தலுக்காக விறுவிறுப்பாக வாக்குப்பதிவு நடந்த நிலையில், வேங்கைவயல் மக்கள் தேர்தலை புறக்கணித்தனர்.</p> <p>தமிழ்நாடு முழுவதும் சட்டமன்றத் தேர்தலை முன்னிட்டு 234 தொகுதிகளிலும் இன்று காலை 7 மணிக்கு வாக்குப்பதிவு தொடங்கியது. காலை முதலே நீண்ட வரிசையில் நின்று வாக்களித்தனர். அரசியல் கட்சி தலைவர்கள் மு.க.ஸ்டாலின், எடப்பாடி பழனிசாமி, <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a>, சீமான், அண்ணாமலை, டிடிவி தினகரன், கனிமொழி மற்றும் பிரபல நடிகர்கள் ரஜினிகாந்த், அஜித் ,சிவகார்த்திகேயன், கார்த்தி உள்ளிட்டோர் வாக்களித்தனர்.&nbsp;</p> <h2>தமிழகத்தில் அதிகரித்த வாக்கு சதவீதம்</h2> <p>இந்த நிலையில், தமிழ்நாட்டில் விறுவிறுப்பாக நடைபெற்ற சட்டமன்றத் தேர்தலுக்கான வாக்குப்பதிவு நிறைவடைந்தது. காலை 7 மணி முதல் 11 மணி நேரம் தொடர்ந்து நடைபெற்ற வாக்குப்பதிவு மாலை 6 மணியுடன் நிறைவடைந்தது. எந்த தேர்தலில் இல்லாத அளவிற்கு வாக்குப்பதிவு சதவீதம் இந்த முறை அதிகமாகியுள்ளது. மாலை 5 மணி நிலவரப்படி 82.24 சதவீதம் வாக்குகள் பதிவாகியுள்ளதாக தேர்தல் ஆணையம் தெரிவித்துள்ளது. வாக்குப்பதிவு 90 சதவீதத்தை தொடும் என்று எதிர்ப்பார்க்கப்படுகிறது. 6 மணிக்குள் வந்தவர்களுக்கு டோக்கன் கொடுக்கப்பட்டு வரிசை நின்று வாக்களித்தனர். வாக்குபதிவு நிறைவடைந்த பூத்களில் கட்சிகளின் முகவர்கள் முன்னிலையில் இவிஎம் எந்திரங்கள் சீல் வைக்கப்பட்டன. அந்தந்த தொகுதிகளுக்கான வாக்கு எண்ணிக்கை மையங்களுக்கு பலத்த போலீஸ் பாதுகாப்புடன் வாக்குப்பதிவு எந்திரங்கள் கொண்டு செல்லப்படுகின்றன.</p> <p>&nbsp;</p> <p><iframe title="YouTube video player" src="https://www.youtube.com/embed/icy58oc-EgM?si=PMk-M3nTrcOGQcXN" width="560" height="315" frameborder="0" allowfullscreen="allowfullscreen"></iframe></p> <h2>தேர்தலை புறக்கணித்த வேங்கைவயல் மக்கள்</h2> <p>இந்த நிலையில், புதுக்கோட்டை மாவட்டம் வேங்கைவயல் கிராம மக்கள் வாக்களிக்காமல் தேர்தலை புறக்கணித்துள்ளனர். மேல்நிலை குடிநீர் தொட்டியில் மனிதக்கழிவு கலந்த விவகாரத்தில் நீதி கிடைக்கவில்லை என அம்மக்கள் குற்றச்சாட்டு வைத்துள்ளனர். பட்டியல் சமூகத்தை சேர்ந்த 8 வாக்குகளே பதிவான நிலையில் அது வெளியூர் வாக்குகள் என வேங்கைவயல் மக்கள் தெரிவித்துள்ளனர்.</p> <p><iframe class="vidfyVideo" style="border: 0px;" src="https://tamil.abplive.com/web-stories/mobiles/10-tips-to-prevent-your-mobile-from-exploding-in-summer-257187" width="631" height="381" scrolling="no"></iframe></p>