Thug Life: மன்னிப்பு கேட்க மறுத்த கமல்.. ஒத்திவைக்கப்பட்ட தக்ஃலைப் ரிலீஸ்

<p>கமல்ஹாசன் - சிம்பு நடிப்பில் மணிரத்னம் இயக்கத்தில் உருவாகியுள்ள படம் தக்ஃலைப். இந்த படம் நாளை மறுநாள் வெளியாக உள்ளது. இந்த படத்தின் இசை வெளியீட்டு நிகழ்ச்சியில் கமல்ஹாசன் தமிழில் இருந்து பிறந்ததே கன்னடம் என்று கூறியதற்கு கன்னட அமைப்புகள் கடும் சர்ச்சையை தெரிவித்து வருகின்றனர்.&nbsp;</p> <h2><strong>ஒத்திவைக்கப்பட்ட தக்ஃலைப்:</strong></h2> <p>இந்த விவகாரத்தில் கமல்ஹாசனுக்கு கண்டனம் தெரிவித்து தக்ஃலைப் படத்தை வெளியிட தடைவிதிக்கப்பட்டது. மேலும் நீதிமன்றத்திலும் வழக்கு தொடரப்பட்டுள்ளது. இந்த நிலையில், கர்நாடகாவில் தக்ஃலைப் படம் வெளியிடுவது ஒத்திவைக்கப்படுவதாக அறிவிக்கப்பட்டுள்ளது.</p> <h2><strong>மன்னிப்பு கேட்க மறுக்கும் கமல்ஹாசன்:</strong></h2> <p>இந்த விவகாரத்தில் கமல்ஹாசன் மன்னிப்பு கேட்க வேண்டும் என்று அவர்கள் தொடர்ந்து வலியுறுத்தி வருகின்றனர். மேலும், கமல்ஹாசனுக்கு எதிர்ப்பு தெரிவிக்கும் விதமாக கர்நாடகாவில் தக்ஃலைப் படத்தை வெளியிட தடை விதித்து அந்த மாநில திரைப்பட வர்த்தக சபை அறிவித்தது. மன்னிப்பு கேட்டால்தான் படத்தை வெளியிட முடியும் என்று அந்த மாநில கன்னட அமைப்புகள் தெரிவித்து வருகின்றனர்.&nbsp;</p> <p>ஆனால், தான் பேசியதை தவறாக புரிந்து கொண்டதற்கு மன்னிப்பு கேட்க முடியாது என்று <a title="கமல்ஹாசன்" href="https://tamil.abplive.com/topic/kamal-haasan" data-type="interlinkingkeywords">கமல்ஹாசன்</a> திட்டவட்டமாக அறிவித்தார்.</p>