Tamilnadu Roundup: 17 வயது சிறுவன் மீது துப்பாக்கிச்சூடு, ராமேஸ்வரம் மீனவர்கள் கைது, தங்கம் விலை குறைவு - பரபரப்பான 10 மணி செய்திகள்

<ul> <li>சத்தீஸ்கரில் கேரளாவைச் சேர்ந்த 2 கன்னியாஸ்திரிகள் கைது செய்யப்பட்ட விவகாரம், வகுப்புவாதத்தின் ஆபத்தான வடிவம் என முதலமைச்சர் மு.க. ஸ்டாலின் கண்டனம்.</li> <li>2-வது கட்டமாக, சிவகங்கை மாவட்டத்தில் இன்று தனது தேர்தல் பரப்புரையைத் தொடங்குகிறார் அதிமுக பொதுச் செயலாளர் எடப்பாடி பழனிசாமி.</li> <li>மத்திய அரசு தமிழ்நாட்டிற்கான கல்வி நிதியை விடுவிக்காமல் இருப்பது, அப்பாவி ஏழை எளிய மாணவ, மாணவியரின் கல்வியையும், ஆசிரியர்களையும் பாதிக்கும் செயல் என கண்டனம் தெரிவித்து ஓ. பன்னீர்செல்வம் அறிக்கை.</li> <li>சாதிய ஆணவக்கொலைக்கு எதிராக தனிச்சட்டம் இயற்ற வேண்டியது ஆளும் அரசின் பொறுப்பும் கடமையுமாகும் என சீமான் வலியுறுத்தல்.</li> <li>எல்லை தாண்டி மீன் பிடித்ததாகக் கூறி ராமேஸ்வரம் மீனவர்கள் 5 பேரை கைது செய்ததோடு, விசைப் படகுகளையும் பறிமுதல் செய்து இலங்கை கடற்படை அட்டூழியம்.</li> <li>சென்னையில் ஆபரணத் தங்கத்தின் விலை சவரனுக்கு ரூ.80 குறைந்து, ஒரு சவரன் ரூ.73,200-க்கு விற்பனை. ஒரு கிராம் ரூ.9,150-க்கு விற்பனை செய்யப்படுகிறது.</li> <li>தமிழ்நாட்டில் வரும் 3-ம் தேதி வரை ஒருசில இடங்களில் மிதமான மழை பெய்யக்கூடும் என வானிலை மையம் தகவல்.</li> <li>மேட்டூர் அணைக்கு நீர்வரத்து 1 லட்சத்து 10 ஆயிரம் கனஅடியாக அதிகரிப்பு. அணையிலிருந்து 16 கண் மதகுகள் வழியாக 92 ஆயிரம் கனஅடி நீர் வெளியேற்றம்.</li> <li>நெல்லை பாப்பாகுடியில், காவல் உதவி ஆய்வாளரை வெட்ட முயன்ற 17 வயது சிறுவன் மீது துப்பாக்கிச் சூடு நடத்தப்பட்டுள்ளது.</li> <li>தமிழ்நாடு முழுவதும் 500 இடங்களில் EV சார்ஜிங் நிலையங்களை அமைக்க மாநில பசுமை எரிசக்தி நிறுவனம் முடிவு.</li> </ul> <p>&nbsp;</p> <p>&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/health/know-the-health-benefits-of-grape-juice-including-heart-and-skin-229781" width="631" height="381" scrolling="no"></iframe></p>