School Reopening: கொளுத்தும் வெயில்; உடல்நல பாதிப்பு அபாயம்- பள்ளிகள் திறப்பை தள்ளி வைக்கக் கோரிக்கை!

<p>கடந்த மே மாதத்தில் இருந்த வெப்பத்தைவிட ஜூன் மாதத்தில் வெயில் கடுமையாகக் கொளுத்தி வரும் நிலையில், பள்ளிகள் திறப்பு மேலும் சில நாட்களுக்குத் தள்ளி வைக்கப்பட வேண்டும் என்று கோரிக்கைகள் அதிகரித்து வருகின்றன.</p> <h2><strong>நாளை பள்ளிகள் திறப்பு</strong></h2> <p>தமிழகத்தில் மாநிலக் கல்வி வாரியத்தின்கீழ் படிக்கும் அரசு, அரசு உதவிபெறும் மற்றும் தனியார் பள்ளி மாணவர்களுக்கு கோடை விடுமுறை முடிவடைந்து,&nbsp;நாளை (ஜூன்&nbsp;4&nbsp;ஆம் தேதி) முதல் பள்ளிகள் மீண்டும் திறக்கப்பட உள்ளன. இதற்கான அனைத்து ஏற்பாடுகளையும் தமிழக பள்ளிக்கல்வித் துறை மேற்கொண்டு வருகிறது.</p> <p>எனினும் தமிழகத்தின் பல பகுதிகளில் கடும் வெப்பமும் அனல் காற்றும் தொடர்ந்து வருகிறது. குறிப்பாக தலைநகர் சென்னையில் வெப்பம் கொளுத்தி வருகிறது. கடந்த மே மாதத்தில் இருந்த வெப்பத்தைவிட, ஜூன் பிறந்தபிறகும் வெப்பம் அதீதமாக உள்ளது.</p> <p><iframe title="YouTube video player" src="https://www.youtube.com/embed/a7N2Nk1IhsQ?si=RrVn7bk1-5stnEzH" width="560" height="315" frameborder="0" allowfullscreen="allowfullscreen"></iframe></p> <h2><strong>ஏற்கெனவே தள்ளி வைக்கப்பட்ட பள்ளிகள் திறப்பு</strong></h2> <p>சில மாவட்டங்களில் மட்டும் அவ்வப்போது மழை பெய்து வந்தாலும் கோடையின் கடுமை குறைந்தபாடில்லை.&nbsp;ஏற்கெனவே ஜூன் 1ஆம் தேதி பள்ளிகள் திறக்கப்படும் என்று அறிவிக்கப்பட்டிருந்த நிலையில் ஆசிரியர்கள், மாணவர்கள், பெற்றோர்களின் கோரிக்கையை அடுத்து, ஜூன் 4ஆம் தேதி பள்ளிகள் திறப்பு ஒத்திவைக்கப்பட்டது.</p> <p>திட்டமிட்டபடி பள்ளிகள் திறக்கப்பட்டால் கோடை வெப்பத்தின் தாக்கம் காரணமாக மாணவர்களுக்கு நீரிழப்பு, தலைச்சுற்றல்,&nbsp; மயக்கம்,&nbsp; உடல் சோர்வு உள்ளிட்ட பல்வேறு உடல்நலப் பாதிப்புகள் ஏற்படுவதற்கான வாய்ப்புகள் அதிகமாக உள்ளன. எனவே பள்ளிகள் திறப்பை மேலும் சில நாட்களுக்கு ஒத்தி வைக்க வேண்டும் என்று கோரிக்கை எழுந்துள்ளது.</p> <p>குறைந்தபட்சம் பள்ளிகள் திறக்கப்படும் வியாழன் (ஜூன் 4), வெள்ளி ஆகிய நாட்களுக்கு விடுமுறை அளிக்கப்பட்டால், வார விடுமுறையான சனி, ஞாயிற்றுக் கிழமைக்குப் பிறகு ஜூன் 8ஆம் தேதி அன்று பள்ளிகள் திறப்புக்குத் திட்டமிடலாம் என்று கல்வியாளர்கள் தரப்பில் ஆலோசனை அளிக்கப்பட்டுள்ளது. &nbsp;</p> <h2><strong>முதலுதவிக்கான வழிகாட்டுதல் அவசியம்</strong></h2> <p>பள்ளிகளில் பணியாற்றும் ஆசிரியர்கள் மற்றும் தலைமை ஆசிரியர்களுக்கு மாணவர்களின் உடல்நிலை மாற்றங்களை உடனடியாகக் கண்டறிந்து தேவையான முதலுதவி மற்றும் மருத்துவ உதவிகளை வழங்குவதற்கான தெளிவான வழிகாட்டுதல்கள் வழங்கப்பட வேண்டும் என்றும் கோரிக்கை எழுந்துள்ளது.</p> <p><iframe class="vidfyVideo" style="border: 0px;" src="https://tamil.abplive.com/web-stories/auto/hot-summer-how-to-get-extra-cooling-in-your-car-ac-262273" width="631" height="381" scrolling="no"></iframe></p>