SBI Clerk Recruitment: மிஸ் பண்ணிடாதீங்க; எஸ்பிஐ வங்கி வேலை; 13,735 பணியிடங்களுக்கு இன்று முதல் விண்ணப்பிக்கலாம்- எப்படி?

<p>இந்திய ஸ்டேட் வங்கியில் கிளர்க் பணியிடங்களுக்கான விண்ணப்பப் பதிவு இன்று தொடங்கியுள்ளது. இதற்குத் தேர்வர்கள் ஜனவரி 1ஆம் தேதி வரை விண்ணப்பிக்கலாம் என்று தெரிவிக்கப்பட்டுள்ளது.</p> <p>எஸ்பிஐ எனப்படும் இந்திய ஸ்டேட் வங்கியில் கிளர்க் பணி இடங்களுக்கான விண்ணப்பப் பதிவு இன்று (டிசம்பர் 17) தொடங்கியுள்ளது. குறிப்பாக, Junior Associates (வாடிக்கையாளர் ஆதரவு மற்றும் விற்பனை) பணியிடங்களுக்கான விண்ணப்பங்கள் வரவேற்கப்படுகின்றன.</p> <p>தேர்வர்கள் ஜனவரி 1ஆம் தேதி வரை இந்தப் பணிகளுக்கு, விண்ணப்பிக்கலாம். அதேநேரத்தில் ஜனவரி 7 வரை விண்ணப்பங்களில் திருத்தங்களை மேற்கொள்ளலாம். அன்று வரை விண்ணப்பக் கட்டணத்தைச் செலுத்தலாம்.&nbsp;</p> <h2><strong>தேர்வு எப்போது?</strong></h2> <p>முதல்நிலைத் தேர்வு அடுத்த ஆண்டு பிப்ரவரி மாதம் நடைபெற உள்ளது. அதில் தேர்வு செய்யப்படுவோருக்கான முதன்மைத் தேர்வு 2025ஆம் ஆண்டு மார்ச் அல்லது ஏப்ரல் மாதங்களில் நடைபெறலாம் என்று தெரிவிக்கப்பட்டுள்ளது.</p> <h2><strong>கல்வித் தகுதி என்ன?</strong></h2> <ul> <li>அங்கீகரிக்கப்பட்ட கல்வி நிலையத்தில் எந்தத் துறையில் வேண்டுமானாலும் பட்டம் பெற்றிருக்கலாம்.</li> <li>இறுதி ஆண்டு மாணவர்களும் தற்காலிமாக விண்ணப்பிக்கலாம். எனினும் டிசம்பர் 31 அன்று, பட்டமளிப்பு சான்றிதழைச் சமர்ப்பிக்க வேண்டும்.</li> </ul> <h2><strong>வயது வரம்பு</strong></h2> <p>ஏப்ரல் 1, 2024 அன்று 20 முதல் 28 வயது வரையில் இருக்க வேண்டும். எனினும் எஸ்சி/ எஸ்டி/ ஓபிசி/ மாற்றுத் திறனாளிகள், பொருளாதாரத்தில் பின் தங்கிய பிரிவினருக்கு வயது வரம்பில் குறிப்பிட்ட அளவில் தளர்வுகள் அளிக்கப்படும்.</p> <h2><strong>ஊதியம் எவ்வளவு?</strong></h2> <p>ரூ.26,730 முதல் ஊதியம் அளிக்கப்படும்.&nbsp;</p> <h2><strong>விண்ணப்பக் கட்டணம் &nbsp;எவ்வளவு? (Application Fee)</strong></h2> <p>பொதுப் பிரிவினர்/ ஓபிசி மற்றும் பொருளாதாரத்தில் பின் தங்கிய பிரிவினர் 750 ரூபாய் விண்ணப்பக் கட்டணம் செலுத்த வேண்டும். எனினும் எஸ்சி/ எஸ்டி/ முன்னாள் ராணுவத்தினர்/ மாற்றுத் திறனாளிகள் ஆகியோருக்கு கட்டணம் செலுத்துவதில் விலக்கு அளிக்கப்பட்டுள்ளது.</p> <h2><strong>விண்ணப்பிப்பது எப்படி?</strong></h2> <ol> <li>தேர்வர்கள் <a href="https://sbi.co.in/">https://sbi.co.in/</a> என்ற இணைய முகவரியைத் தேர்வு செய்ய வேண்டும்.</li> <li>அதில், careers என்பதைத் தெரிவு செய்யவும்.</li> <li>தொடர்ந்து <a href="https://sbi.co.in/web/careers#lattest">https://sbi.co.in/web/careers#lattest</a> என்ற இணைப்பை க்ளிக் செய்யவும்.</li> <li>அல்லது நேரடியாக <a href="https://ibpsonline.ibps.in/sbidrjadec24/">https://ibpsonline.ibps.in/sbidrjadec24/</a> என்ற இணைப்பை க்ளிக் செய்தும் விண்ணப்பிக்கலாம்.</li> <li>போதிய விவரங்களை உள்ளிட்டு மட்டுமே விண்ணப்பிக்க முடியும்.</li> </ol> <p><strong>கிளர்க் வேலைவாய்ப்பு குறித்த முழு விவரங்களைப் பெற <a href="https://sbi.co.in/documents/77530/43947057/16122024_JA+2024+-Detailed+Advt.pdf/6b16e166-78df-2cc9-36a0-3680682d6434?t=1734354989415">https://sbi.co.in/documents/77530/43947057/16122024_JA+2024+-Detailed+Advt.pdf/6b16e166-78df-2cc9-36a0-3680682d6434?t=1734354989415</a> என்ற அறிவிக்கையை க்ளிக் செய்தும் காணலாம்.</strong></p>