<p>இந்திய ஸ்டேட் வங்கியில் சர்க்கிள் அடிப்படையிலான அதிகாரிகள் (Circle Based Officers - CBO) பணிக்கு விண்ணப்பிக்க, விண்ணப்பப் பதிவு தொடங்கியுள்ளது. தேர்வர்கள் இந்தப் பணிக்கு மே 29ஆம் தேதி வரை விண்ணப்பிக்கலாம்.</p>
<p>இதற்கு 3,323 பணியிடங்கள் காலியாக உள்ளதாக அறிவிக்கப்பட்டுள்ளது. ஆன்லைன் தேர்வு, ஸ்கிரினீங், நேர்காணல் மற்றும் உள்ளூர் மொழிப் புலமைத் தேர்வு மூலம் இந்தப் பணியிடங்களுக்கு ஆட்கள் தேர்வு செய்யப்படுவார்கள்.</p>
<h2><strong>விண்ணப்பிக்க என்ன தகுதி?</strong></h2>
<p>எந்தப் பல்கலைக்கழகத்துக்கு என்றாலும், அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டத்தைப் பெற்றிருந்தால் போதும். மருத்துவம், பொறியியல், சிஏ என்ன எந்தப் படிப்பை முடித்தவர்கள் என்றாலும் இதற்கு விண்ணப்பிக்கலாம்.</p>
<p><strong>வயது வரம்பு</strong></p>
<p>21 முதல் 30 வயது வரையிலான நபர்களாக தேர்வர்கள் இருக்க வேண்டும்.</p>
<p><strong>விண்ணப்பக் கட்டணம் எவ்வளவு? </strong></p>
<ul>
<li>பொது/ ஓபிசி/ இடபிள்யூஎஸ் பிரிவினருக்கு: ரூ.750</li>
<li>எஸ்சி/ எஸ்டி/ மாற்றுத்திறனாளிகள் பிரிவினருக்கு: இல்லை</li>
</ul>
<p>விண்ணப்பக் கட்டணத்தை டெபிட், கிரெடிட் கார்டு, நெட் பேங்கிங் அல்லது யுபிஐ மூலம் ஆன்லைனில் செலுத்த வேண்டும்.</p>
<p><strong>ஊதியம் எவ்வளவு?</strong></p>
<p>தேர்வு செய்யப்பட்ட நபர்களுக்கு அடிப்படை ஊதியமாக<strong> ரூ.48,480</strong> வழங்கப்படும். இத்துடன் இதர சலுகைகளும் அளிக்கப்படும்.</p>
<p><strong>விண்ணப்பிப்பது எப்படி?</strong></p>
<ul>
<li>அதிகாரப்பூர்வ எஸ்பிஐ வலைத்தளமான sbi.co.in-ஐக் காணவும்.</li>
<li>முகப்புப் பக்கத்தில் உள்ள "Careers" பகுதியைக் கிளிக் செய்யவும்</li>
<li>SBI CBO 2025 விண்ணப்ப இணைப்பைக் கண்டுபிடித்து கிளிக் செய்யவும்</li>
<li>உங்கள் பெயர், மொபைல் எண் மற்றும் மின்னஞ்சல் ஐடியுடன் பதிவு செய்யவும்</li>
<li>உங்கள் கல்வி மற்றும் தனிப்பட்ட விவரங்களை நிரப்பவும்</li>
<li>தேவையான ஆவணங்களை பதிவேற்றவும் - ஸ்கேன் செய்யப்பட்ட புகைப்படம் மற்றும் கையொப்பம்</li>
<li>விண்ணப்பக் கட்டணத்தைச் செலுத்தவும்</li>
<li>படிவத்தைச் சமர்ப்பிக்கவும்.</li>
</ul>
<p><strong>கூடுதல் தகவல்களுக்கு: sbi.co.in</strong></p>
7 months ago
8 
