Punch EV Facelift Range: சிங்கக் குட்டி டாடா பஞ்ச் EV ஃபேஸ்லிஃப்ட் மாடல் 500 கிமீக்கும் மேல் ரேஞ்ச் வருமா? புதிய அம்சங்கள் என்னென்ன இருக்கும்? முழு விவரம் இதோ

<p>டாடா பஞ்ச் EV ஃபேஸ்லிஃப்ட் மாடல் இன்னும் சில நாட்களில் அறிமுகமாக உள்ளது. இதில் முக்கியமான மாற்றமாக பெரிய பேட்டரி எதிர்பார்க்கப்படுகிறது. தற்போதைய பஞ்ச் EV-யில் 25 kWh பேட்டரி உள்ளது. லாங் ரேஞ்ச்(Long Range) மாடலில் 35 kWh பேட்டரி இருக்கிறது.</p> <h2>டாடா பஞ்ச் EV ஃபேஸ்லிஃப்ட் &ndash; 500 கிமீக்கும் மேல் ரேஞ்ச் வருமா?</h2> <p>புதிய டாடா பஞ்ச் EV ஃபேஸ்லிஃப்ட் மாடலில் நெக்ஸான் EV-யில் உள்ள 45 kWh பெரிய பேட்டரி பஞ்ச் EV ஃபேஸ்லிஃப்ட் மாடலில் வர வாய்ப்பு உள்ளதாக கூறப்படுகிறது. இதனால் 421 கிமீ-ல் இருந்து 500 கிமீ அல்லது அதற்கும் அதிகமாக ரேஞ்ச்-ஐ வழங்கும் என்று எதிர்பார்க்கப்படுகிறது. &nbsp;</p> <p>டாடா பஞ்ச் EV-ல் &nbsp;உள்ள அடுத்த தலைமுறை எலக்ட்ரிக் கார்களுக்கான Acti.ev அமைப்பு பஞ்ச் EV ஃபேஸ்லிஃப்ட் மாடலிலும் பயன்படுத்தப்பட்டுள்ளது . பெரிய பேட்டரி மாடலில் சுமார் 142 bhp ஆற்றலையும் வெளியிடும் என்று எதிர்பார்க்கப்படுகிறது. இதனால் பஞ்ச் EV-யின் செயல்திறனும் ரேஞ்சும் மேம்படும். சிறிய பேட்டரி கொண்ட மாடல்களும் தொடரலாம்; இதனால் குறைவான விலையிலும் கிடைக்க வாய்ப்புள்ளது.</p> <p style="text-align: center;"><br /><img src="https://feeds.abplive.com/onecms/images/uploaded-images/2026/02/15/406dcc321ceac890327854fea2c70a4f1771142021029113_original.png" /></p> <p>மேலும், லைப் டைம் பேட்டரி வாரண்டி, காரின் உள்ளே பெரிய திரை, வென்டிலேட்டட் சீட் (ventilated seats) மற்றும் சன் ரூஃப் போன்ற அம்சங்களும் எதிர்பார்க்கப்படுகிறது. வெளிப்புற தோற்றத்தை பொறுத்த வரை புதிய வடிவமைப்பில் முன்புற பம்பர் மற்றும் புதிய ஹெட்லைட்கள். DRL விளக்குகள் மற்றும் சார்ஜிங் போர்ட் இருக்கும் இடம் மாற்றமின்றி பழைய பஞ்ச் EV-ல் உள்ளது போலவே இருக்கும். மேலும் புதிய நிறங்களும் எதிர்பார்க்கப்படுகிறது. இந்த காரின் முழு விவரங்கள் அறிமுக நாளான 20ஆம் தேதி வெளியிடப்படும்.</p> <h2>Acti.ev என்றால் என்ன?</h2> <p>Acti.ev (Advanced Connected Tech-Intelligent Electric Vehicle) என்பது டாடா மோட்டார்ஸ் உருவாக்கிய ஒரு புதிய எலக்ட்ரிக் வாகன கட்டமைப்பு &nbsp;(platform). இதன் மூலம் EV கார்களில் பேட்டரி, மோட்டார், பாதுகாப்பு அமைப்பு மற்றும் மென்பொருள் அனைத்தையும் ஒரே முறையில் சிறப்பாக இணைக்க முடியும். இந்த கட்டமைப்பை பயன்படுத்துவதால் கார் ரேஞ்ச் அதிகரிக்கும், சார்ஜிங் வேகம் மேம்படும், பாதுகாப்பு உயர்ந்ததாக இருக்கும் மற்றும் புதிய டெக்னாலஜி வசதிகளை எளிதாக சேர்க்க முடியும். எளிமையாகச் சொன்னால், EV கார்களுக்கு வலிமையான &ldquo;அடித்தளம்&rdquo; போல Acti.ev செயல்படுகிறது.</p> <p><iframe class="vidfyVideo" style="border: 0px;" src="https://tamil.abplive.com/web-stories/travel/avoid-overspending-while-traveling-250268" width="631" height="381" scrolling="no"></iframe></p>