<p><strong>சட்டவிரோதமாக திரைப்படங்களை பார்ப்பது, இந்திய பொருளாதாரத்தில், ஆண்டுதோறும் ரூ. 22,400 கோடி அல்லது $2.7 பில்லியனாக இருப்பது மதிப்பிடப்பட்டுள்ளதாக அறிக்கையில் தெரிவிக்கப்பட்டுள்ளது.</strong></p>
<h2><strong>உள்ளடக்கக் களவு - அறிக்கை:</strong></h2>
<p>திரைப்படத் துறையில், சட்டவிரோதமாக திரைப்படங்களை பார்ப்பது அதிகரித்து வருவதாக எர்ன்ஸ்ட் & யங் (EY) மற்றும் இன்டர்நெட் மொபைல் அசோசியேஷன் ஆஃப் இந்தியா (IAMAI) ஆகியவை கூட்டாக இணைந்து, 'தி ராப் ரிப்போர்ட் என்ற அறிக்கையை வெளியிட்டுள்ளது. அதில் தெரிவிக்கப்பட்டதாவது “ டிஜிட்டல் தளங்களின் அதிகரித்து வரும் நிலையில் திரைப்படங்களை சட்டவிரோதமாக பார்ப்பது இன்னும் அதிகரித்துள்ளதாக தெரிவிக்கப்பட்டுள்ளது. </p>
<p>இதன் விளைவாக, நன்கு தயாரிக்கப்பட்ட திரைப்படம் கூட வருவாய் ரீதியாக வெற்றியை அடைய சிரமம் ஏற்படுகிறது. சட்டவிரோதமாக இந்த அணுகலானது, இந்திய பொருளாதாரத்தில், ஆண்டுதோறும் ரூ. 22,400 கோடி அல்லது $2.7 பில்லியன் இருப்பதாக மதிப்பிடப்பட்டுள்ளதாக அறிக்கையில் தெரிவிக்கப்பட்டுளது.</p>
<p><strong>ஏன் சட்டவிரோதமாக திரைப்படங்களை பார்ப்பது அதிகரிக்கிறது என்பது தொடர்பாக மூன்று முக்கிய காரணங்களை 'தி ராப் ரிப்போர்ட்' தெரிவித்துள்ளதாவது”</strong></p>
<p> 1. சந்தா கட்டணம்:</p>
<p> OTT இயங்குதளங்கள் வசூலிக்கும் சந்தாக் கட்டணம் மிக அதிகமாக இருப்பதாக பயணர்கள் உணர்கின்றனர்.</p>
<ol start="2">
<li>விரும்பிய உள்ளடக்கம் கிடைக்காமை: </li>
</ol>
<p>அங்கீகரிக்கப்பட்ட தளங்களில், தாங்கள் விரும்பும் உள்ளடக்கத்தைக் கண்டறிய முடியவில்லை என்பதால், சட்டவிரோதமாக பைரசிகளை தேடி செல்ல அதிக வாய்ப்புகள் ஏற்படுகிறது.</p>
<p> 3. பல சந்தாக்களை ( Subscriptions ) நிர்வகித்தல்:</p>
<p>திரைப்படங்கள் மற்றும் வீடியோக்களை பார்ப்பதற்கு பல சந்தாக்களை ஏற்படுத்துவது என்ற மூன்று முக்கிய காரணங்கள் அறிக்கையில் தெரிவிக்கப்பட்டுள்ளன.</p>
<h2><strong>கருத்துக் கேட்பு:</strong></h2>
<p>EY-IAMI, திருட்டு உள்ளடக்கத்தை அணுகுவது தொடர்பாக கணக்கெடுக்கப்பட்டவர்களில் 84% பேர் திரைப்பட டிக்கெட்டுகளுக்கு பணம் செலுத்தத் தயாராக இல்லை என்றும் அதே நேரத்தில் 70% பேர் திருட்டு உள்ளடக்கம் கிடைக்காவிட்டாலும், OTT சந்தாக்களுக்கு பணம் செலுத்தத் தயாராக இல்லை. இதில் 64% நுகர்வோர், விளம்பரத் தடங்கல்கள் இருந்தாலும், உள்ளடக்கம் இலவசமாக வழங்கப்படும் பட்சத்தில் அங்கீகரிக்கப்பட்ட சேனல்களுக்கு மாறுவதற்கு தயாராக இருப்பதாகவும் தெரிவிக்கின்றனர்.</p>
1 year ago
7 
