Online Payment Limit: UPI-ல இனி ரூ.10 லட்சம் வரை அனுப்பலாம்; அவசரப்படாதீங்க, இது எல்லாருக்கும் இல்ல - விவரம் இதோ

<p>டிஜிட்டல் இந்தியாவில் இப்போது எல்லாமே ஆன்லைன் தான். சிறு வணிகர்கள் 10 ரூபாயை கூட யு.பி.ஐ-யில் பெறும் அளவிற்கு டிஜிட்டல் வணிகம் பெருகிவிட்டது. இந்நிலையில், நுகர்வோர், குறிப்பிட்ட சில பிரிவுகளில் இயங்கும் வணிகர்களுக்கு மேற்கொள்ளும் தினசரி யு.பி.ஐ பணப் பரிவர்த்தனை வரம்பு 10 லட்சம் ரூபாயாக அதிகரிக்கப்பட்டுள்ளது. அது குறித்து தற்போது பார்க்கலாம்.</p> <h2><strong>ரூ.5 லட்சத்திலிருந்து ரூ.10 லட்சமாக உயர்ந்த பரிவர்த்தனை வரம்பு</strong></h2> <p>தற்போதைய காலகட்டத்தில், எங்கு போனாலும், என்ன வாங்கினாலும் யுபிஐ பரிவர்த்தனைகள் மூலம் தான் பணம் செலுத்தப்படுகிறது. அது 10 ரூபாயாக இருந்தாலும் சரி, 10 ஆயிரம் ரூபாயாக இருந்தாலும் சரி, எல்லாம் யுபிஐ மயம்தான்.</p> <p>இதனால், மாதம் தோறும் ஆன்லைனில் நடைபெறும் பணப் பரிவர்த்தனைகள் அதிகரித்துக் கொண்டே வருகிறன்றன. இந்நிலையில், தற்போது யுபிஐ மூலம் பரிவர்த்தனை செய்யும் வாடிக்கையாளர்களுக்கு மகிழ்ச்சியான அறிவிப்பு ஒன்று வெளியாகியுள்ளது.</p> <p>நுகர்வோர், குறிப்பிட்ட சில பிரிவுகளில் இயங்கும் வணிகர்களுக்கு மேற்கொள்ளும் தினசரி யுபிஐ பணப் பரிவர்த்தனை வரம்பு, 5 லட்சம் ரூபாயிலிருந்து 10 லட்சம் ரூபாயாக அதிகரிக்கப்பட்டுள்ளது.</p> <p>ஆனாலும், தனிநபரிடம் இருந்து வணிகருக்கு செலுத்தப்படும் பி 2 எம் பரிவர்த்தனைக்கு மட்டுமே இது பொருந்தும் என தெரிவிக்கப்பட்டுள்ளது. பி 2 பி எனப்படும் தனி நபர்களுக்கு இடையேயான பணப் பரிவர்த்தனை வரம்பு ஒரு லட்சம் ரூபாயாகவே தொடர்ந்து நீடிக்கும் என தெரிவிக்கப்பட்டுள்ளது.</p> <h2><strong>எந்தெந்த பரிவர்த்தனைகளுக்கு எவ்வளவு வரம்பு.?</strong></h2> <p>காப்பீட்டு ப்ரீமியம், பயண முன்பதிவு, மூலதன சந்தையில் முதலீடு உள்ளிட்டவற்றுக்கு ஒரே நேரத்தில் 5 லட்சம் ரூபாய் வரை செலுத்த முடியும் என தெரிவிக்கப்பட்டுள்ளது. 24 மணி நேரத்தில் அதிகபட்சமாக 10 லட்சம் ரூபாய் வரை பரிவர்த்தனை செய்யலாம்.</p> <p>கிரெடிட் கார்டு கட்டணம் செலுத்துவதற்கான உச்ச வரம்பு 6 லட்சம் ரூபாயாகவும், கடன் மாதத் தவணைகள், சுற்றுலா, EMI உள்ளிட்டவற்றிற்கு பணம் செலுத்துவதற்கான வரம்பு 10 லட்சம் ரூபாயாக அதிகரிக்கப்பட்டுள்ளது. ஒரே பரிவர்த்தனையில் 5 லட்சம் ரூபாயும், 24 மணி நேரத்தில் 10 லட்சம் ரூபாயும் பணம் செலுத்த முடியும்.</p> <p>வங்கியில் டெபாசிட் செய்வதற்கான பரிவர்த்தனையை 5 லட்சம் ரூபாய் வரை மேற்கொள்ளலாம்.</p> <p>நகைகள் வாங்குவதற்கு ஒரே நேரத்தில் 2 லட்சம் ரூபாய் வரை மட்டுமே செலுத்த முடியும். 24 மணி நேரத்தில் 6 லட்சம் ரூபாய் வரை பரிவர்த்தனை செய்து கொள்ளலாம்.</p> <p>தனி நபர்களுக்குள் நடைபெறும் பரிவர்த்தனைக்கான வரம்பு ஒரு லட்சம் ரூபாயாகவே தொடர்கிறது.</p> <p>&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/health/know-the-remedies-to-cure-constipation-234202" width="631" height="381" scrolling="no"></iframe></p>