<p>ஒரு வார கால மருத்துவமனை வாசத்துக்குப் பிறகு, முதல்வர் ஸ்டாலின் இன்று மாலை வீடு திரும்ப உள்ளதாகத் தகவல் வெளியாகி உள்ளது.</p>
<p>முதலமைச்சர் மு.க.ஸ்டாலின் கடந்த 21ஆம் தேதி லேசான தலைசுற்றல் காரணமாக, சென்னை க்ரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்டார். அவருக்குத் தேவையான சிகிச்சைகள் அளிக்கப்பட்டன.</p>
<h2><strong>நேரில் சென்று பார்த்த குடும்பத்தினர், அதிகாரிகள்</strong></h2>
<p>தொடர்ந்து மருத்துவமனையில் இருந்தவாறே முதல்வர் அரசு அலுவல்களில் ஈடுபட்டார். உங்களுடன் ஸ்டாலின் திட்டப் பயனாளிகளுடன் வீடியோ காலில் பேசினார். முதல்வரை குடும்பத்தினர், அமைச்சர்கள் மற்றும் அரசு அதிகாரிகள் நேரில் சென்று பார்த்தனர்.</p>
<p>இதற்கிடையே முதலமைச்சரின் இதயத் துடிப்பில் லேசான மாறுபாடு இருப்பதாகத் தெரிவித்த மருத்துவமனை நிர்வாகம், ஆஞ்சியோ பரிசோதனை மேற்கொண்டது. இதில் சிக்கல்கள் எதுவும் இல்லை என்றும் வழக்கமான பணிகளை 2 நாட்களில் மேற்கொள்வார் எனவும் அப்பல்லோ தெரிவித்து இருந்தது.</p>
<h2><strong>கட்சி நிர்வாகிகளுடன் முதல்வர் ஸ்டாலின் ஆலோசனை</strong></h2>
<p>இந்த நிலையில், கடந்த இரு நாட்களாக கட்சி நிர்வாகிகளுடன் முதல்வர் ஸ்டாலின் ஆலோசனை நடத்தினார். திமுக <span class="css-1jxf684 r-bcqeeo r-1ttztb7 r-qvutc0 r-poiln3">செயல்பாடுகள் குறித்து மண்டலப் பொறுப்பாளர்களிடம் ஆலோசித்தபோது, உறுப்பினர் சேர்க்கையில் 150 தொகுதிகளில் நம் இலக்கை எட்டிய இன்பச் செய்தியை பகிர, ஓரணியில் தமிழ்நாடு </span><span class="css-1jxf684 r-bcqeeo r-1ttztb7 r-qvutc0 r-poiln3">முன்னெடுப்பு குறித்த ஆலோசனைகளை வழங்கி </span> தொடர்ந்து அரசின் மக்கள் நலத்திட்டங்கள் தொடர்பாக, உயர் அதிகாரிகளுடன் முதல்வர் ஆலோசனை மேற்கொண்டார்.</p>
<p><span class="css-1jxf684 r-bcqeeo r-1ttztb7 r-qvutc0 r-poiln3">மருத்துவமனையில் இருப்பதால், தமிழ்நாட்டிற்கு வரும் பிரதமர் மோடியிடம் வழங்கவுள்ள கோரிக்கைகள் அடங்கிய மனுவைத் தலைமைச் செயலாளர் மூலமாகக் கொடுத்து அனுப்பினார் முதல்வர். இந்த கோரிக்கை மனுவை அமைச்சர் தங்கம் தென்னரசு, </span><span class="css-1jxf684 r-bcqeeo r-1ttztb7 r-qvutc0 r-poiln3">பிரதமரிடம் வழங்குவார் என்றும் முதல்வர் ஸ்டாலின் தெரிவித்து இருந்தார். </span></p>
<h2><span class="css-1jxf684 r-bcqeeo r-1ttztb7 r-qvutc0 r-poiln3"><strong>வீடு திரும்பும் முதல்வர் ஸ்டாலின்</strong> </span></h2>
<p>7ஆவது நாளாக இன்று முதலமைச்சருக்கு மருத்துவமனையில் சிகிச்சை அளிக்கப்பட்டு வருகிறது. இதற்கிடையே இன்று (ஜூலை 27) மாலை 6.15 மணி வாக்கில், முதல்வர் ஸ்டாலின் வீடு திரும்புவார் என்று தகவல் வெளியாகி உள்ளது.</p>
4 months ago
5 
