<p>அரசு கல்வியியல்‌ கல்லூரிகளில்‌ எம்‌.எட்‌. (M.Ed.) மாணாக்கர்‌ சேர்க்கைக்கான இணையதள விண்ணப்பப்‌ பதிவு இன்று (11.08.2025) முதல்‌ தொடங்கப்பட்டுள்ளது. இந்தத் தகவலை உயர்கல்வித்‌ துறை அமைச்சர்‌ கோவி. செழியன்‌ தெரிவித்துள்ளார். </p>
<h2><strong>இன்று தொடங்கிய விண்ணப்பப் பதிவு</strong></h2>
<p>2025-26ஆம்‌ கல்வியாண்டிற்கான அரசு கல்வியியல்‌ கல்லூரிகளில்‌ எம்‌.எட்‌ மாணாக்கர்‌ சேர்க்கைகான இணையதள விண்ணப்பப்‌ பதிவு இன்று (11.08.2025) தொடங்கி 20.08.2025 வரை நடைபெறவுள்ளதாகவும் தெரிவிக்கப்பட்டு உள்ளது.</p>
<p>தமிழ்நாட்டில்‌ எம்‌.எட்‌. பாடப்பிரிவுகள்‌ கொண்டுள்ள 6 அரசு கல்வியியல்‌ கல்லூரிகளில்‌ 300 இடங்கள்‌ உள்ளன. இந்த இடங்களுக்கு 2025-26ஆம்‌ கல்வியாண்டில்‌ மாணாக்கர்கள்‌ சேர்க்கைக்கான விண்ணப்பங்கள்‌ இன்று (11.08.2025) முதல்‌ இணையவழியில்‌ தொடங்கி உள்ளன.</p>
<h2><strong>ஆகஸ்ட் 20 கடைசி</strong></h2>
<p>மாணாக்கர்கள்‌ <a href="https://www.tngasa.in/">https://www.tngasa.in/ </a>என்ற இணையதளம்‌ வாயிலாக விண்ணப்பப்‌ பதிவினை மேற்கொள்ளலாம்‌. மேற்படி இணையதள முகவரியில்‌ 20.08.2025 வரை பதிவு செய்ய வழிவகை செய்யப்பட்‌டு உள்ளது.</p>
<h2><strong>தரவரிசைப் பட்டியல் எப்போது?</strong></h2>
<p>பின்னர்‌, இதற்கான தரவரிசைப்‌ பட்டியல்‌ 25.08.2025 அன்று வெளியிடப்படும்‌. மாணாக்கர்‌ சேர்க்கை 26.08.2025 முதல்‌ 29.08.2025 வரை நடைபெறும்‌. மேலும்‌, முதலாம்‌ ஆண்டு வகுப்புகள்‌ 01.09.2025 அன்று முதல்‌ துவங்க உள்ளன.</p>
<h2><strong>விண்ணப்பிப்பது எப்படி?</strong></h2>
<p><a href="https://med.tngasa.in/user/register">https://med.tngasa.in/user/register</a> என்ற இணைப்பை பயன்படுத்தி தேர்வர்கள் விண்ணப்பிக்கலாம் என்று உயர்கல்வித்‌ துறை அமைச்சர்‌ கோவி செழியன் தெரிவித்துள்ளார். </p>
<p>கூடுதல் தகவல்களுக்கு: <a href="https://med.tngasa.in/">https://med.tngasa.in/</a></p>
4 months ago
4 
