MBBS BDS Counselling: தாமதமாகும் நீட் மருத்துவ கலந்தாய்வு; இரண்டாம் கட்ட கலந்தாய்வு எப்போது தெரியுமா?

<p>நீட் இளநிலை மருத்துவப் படிப்புகளுக்கான அகில இந்திய ஒதுக்கீட்டுக்கான முதல் சுற்றுக் கலந்தாய்வு தாமதாமான நிலையில், ஆகஸ்ட் 12ஆம் தேதி முடிவுகள் வெளியிடப்பட்டன. தேர்வர்கள், கால அவகாசத்தை நீட்டிக்குமாறு கோரிக்கை விடுத்த நிலையில் 12 நாட்கள் தாமதமாக ஆகஸ்ட் 12-ல் கலந்தாய்வு முடிவுகள் வெளியாகின.</p> <h2><strong>முதல் சுற்றுக் கலந்தாய்வு முக்கியத் தேதிகள்</strong></h2> <p>தேர்வர்கள், மருத்துவக் கல்லூரிகளில் சேர்வதற்கான / ரிப்போர்ட் செய்வதற்காக 6 நாட்கள் அவகாசத்தைக் கொடுத்துள்ளது. இது ஆகஸ்ட் 14ஆம் தேதி தொடங்கி உள்ளது. தொடர்ந்து கல்லூரியில் சேர்ந்த மாணவர்களின் சான்றிதழ் சரிபார்ப்பு தொடங்கும்.</p> <p>இந்த நிலையில் ஆகஸ்ட் 22ஆம் தேதி அகில இந்திய ஒதுக்கீட்டுக்கான இரண்டாம் சுற்றுக் கலந்தாய்வு தொடங்கும் என்று எதிர்பார்க்கப்படுகிறது. அப்போது மாணவர்கள், மருத்துவக் கலந்தாய்வுக் குழுவின் mcc.nic.in என்ற இணையதளத்தில் முன்பதிவு செய்ய வேண்டியது அவசியம்.</p> <p>முதல் சுற்றுக் கலந்தாய்வில் இடம் கிடைக்காத மாணவர்கள் அல்லது தனக்கான இடத்தை மேம்படுத்திக் கொள்ள விரும்பும் மாணவர்கள் இரண்டாம் சுற்றுக் கலந்தாய்வில் கலந்துகொள்ளலாம்.</p> <h2><strong>பின்வரும்</strong> <strong>தேர்வர்களுக்கு</strong> <strong>புதிய</strong> <strong>பதிவு</strong> <strong>தேவையில்லை</strong></h2> <ul> <li>முதல் சுற்றுக் கலந்தாய்வில் பதிவு செய்து, ஒரு இடத்தைக் கூடப் பெறாதவர்கள்.</li> <li>சரிபார்ப்பின் போது அவர்களின் முதல் சுற்று இடம் ரத்து செய்யப்பட்டிருந்தால்.</li> <li>மேம்படுத்தலுக்குத் தேர்வுசெய்திருந்தால்.</li> <li>ஒரு இடம் ஒதுக்கப்பட்டிருந்தாலும், அதில் சேரவில்லை.</li> <li>ஒதுக்கப்பட்ட நேரத்திற்குள் தங்கள் இடத்தை விட்டுக்கொடுத்திருந்தால் (Surrendered)</li> </ul> <h2><strong>கலந்தாய்வு நடைமுறைகள் தெரியுமா?</strong></h2> <ul> <li>முன்பதிவு (Register) -&nbsp;முழு கட்டணம் செலுத்தி, போதிய விவரங்களை உள்ளிட்டு முன்பதிவு செய்ய வேண்டும்.</li> <li>சாய்ஸ் ஃபில்லிங், லாக்கிங்- தேவையான கல்லூரி/ பாடப் பிரிவுகளைத் தேர்வு செய்து லாக் செய்வது</li> <li>இட ஒதுக்கீடு- நீட் தரவரிசை, விருப்பத்தேர்வுகள் மற்றும் இடஒதுக்கீடு விதிகளின் அடிப்படையில் இடங்கள் ஒதுக்கப்படும்.</li> <li>முடிவு அறிவிப்பு - MCC-ன் அதிகாரப்பூர்வ இணையதளத்தில் முடிவுகள் வெளியிடப்படும்.</li> <li>கல்லூரிக்கு நேரில் செல்வது - அசல் ஆவணங்கள் மற்றும் கல்லூரி கட்டணத்துடன் ஒதுக்கப்பட்ட கல்லூரிக்கு அறிக்கை அனுப்ப வேண்டும்.</li> </ul> <p><strong>இந்த நடைமுறைகளைப் பின்பற்றியே விண்ணப்பிக்க வேண்டும் என்று தெரிவிக்கப்பட்டுள்ளது. </strong></p>