Maruti WagonR CNG: ரூ.2 லட்சம் போதும்; 34 கிமீ மைலேஜ், நடுத்தர குடும்பங்களின் நண்பன்- ரூ. 8,612 இஎம்ஐயில் சொந்தமாக்குங்கள்!

<p style="text-align: justify;">இந்தியாவில் நடுத்தர குடும்பங்களின் பிரதான தேர்வாக மாருதி சுசுகி வேகன்ஆர் உள்ளது. குறிப்பாக எரிபொருள் செலவைக் குறைக்கும் இதன் சிஎன்ஜி மாடலுக்கான சுலபத் தவணை முறை மற்றும் காரின் சிறப்பம்சங்கள் குறித்த விவரங்கள் கீழே கொடுக்கப்பட்டுள்ளன.</p> <h2><strong>இஎம்ஐ</strong> <strong>திட்டம்</strong></h2> <p>மாருதி வேகன்ஆர் சிஎன்ஜி மாடலை வாங்க விரும்பும் வாடிக்கையாளர்கள், வெறும் ரூ. 2 லட்சம் முன்பணம் செலுத்தி காரை வீட்டிற்கு எடுத்துச் செல்லலாம். மீதமுள்ள தொகைக்கு வங்கி மூலம் வாகனக் கடன் பெற முடியும். காரின் ஆன்ரோடு விலை 7.35 லட்சம் எனும் சூழலில், மீதம் 5.35 லட்சம் ரூபாய்க்கு வட்டியும் அசலும் செலுத்த வேண்டும்.</p> <p>தோராயமாக 9 முதல் 10 சதவீத வட்டி விகிதத்தில், 7 ஆண்டு காலத்திற்கு (84 மாதங்கள்) கடனைத் திருப்பிச் செலுத்தும் திட்டத்தைத் தேர்ந்தெடுத்தால், வாடிக்கையாளர்கள் மாதத்திற்கு தோராயமாக ரூ. 8,612 இஎம்ஐ செலுத்த வேண்டியிருக்கும். எனினும் டீலர்களைப் பொறுத்து ஆன்-ரோடு விலை மற்றும் தவணைத் தொகை சற்று மாறுபடலாம்.</p> <h2><strong>இன்ஜின்</strong> <strong>மற்றும்</strong> <strong>மைலேஜ்</strong> <strong>எப்படி?</strong></h2> <p>இந்த காரில் 1.0 லிட்டர் கே-சீரிஸ் டூயல் ஜெட், டூயல் விவிடி இன்ஜின் பொருத்தப்பட்டுள்ளது. சிஎன்ஜி மோடில் இயங்கும்போது, இது 56.69 bhp பவரையும், 82.1 Nm டார்க் திறனையும் வெளிப்படுத்தும். 5-ஸ்பீடு மேனுவல் கியர்பாக்ஸ் உடன் இது வருகிறது. மைலேஜைப் பொறுத்தவரை, ஒரு கிலோ சிஎன்ஜிக்கு 34.05 கி.மீ (ARAI சான்றிதழ்படி) அதிகப்படியான மைலேஜை இந்த கார் வழங்கும் என்று தெரிவிக்கப்பட்டுள்ளது.</p> <p><iframe title="YouTube video player" src="https://www.youtube.com/embed/dfqd032RWw0?si=YtaDUjxo-xrQu8t3" width="560" height="315" frameborder="0" allowfullscreen="allowfullscreen"></iframe></p> <h2><strong>வடிவமைப்பு</strong> <strong>மற்றும்</strong> <strong>சிறப்பம்சங்கள்</strong></h2> <p>வேகன்ஆர் அதன் பிரத்யேக Tallboy வடிவமைப்பைக் கொண்டுள்ளது. இதனால் காருக்குள் அமர்பவர்களுக்கு தாராளமான ஹெட்ரூம் மற்றும் லெக்ரூம் கிடைக்கிறது. இதன் காரணமாகப் பயணங்கள் சௌகரியமாக இருக்கும்.</p> <p>பாதுகாப்பு வசதிகளாக டூயல் ஃப்ரண்ட் ஏர்பேக்குகள், இபிடி உடன் கூடிய ஏபிஎஸ் பிரேக்கிங் சிஸ்டம் மற்றும் ரியர் பார்க்கிங் சென்சார்கள் வழங்கப்பட்டுள்ளன. உட்புறத்தில் டச்ஸ்கிரீன் இன்ஃபோடெயின்மென்ட் சிஸ்டம், பவர் விண்டோஸ், மேனுவல் ஏசி உள்ளிட்ட அத்தியாவசிய வசதிகள் இடம்பெற்றுள்ளன.</p> <p>காரின் பின்புறத்தில் சிஎன்ஜி சிலிண்டர் பொருத்தப்பட்டுள்ளதால், பெட்ரோல் மாடலை விட இதில் பூட் ஸ்பேஸ் சற்று குறைவாக இருக்கும். குறைவான பட்ஜெட்டில் அதிக மைலேஜ் மற்றும் இடவசதி தேடுவோருக்கு இது ஒரு சிறந்த தேர்வாகும்.</p> <p><strong> <iframe class="vidfyVideo" style="border: 0px;" src="https://tamil.abplive.com/web-stories/auto/mercedes-benz-gls-450d-features-full-review-267576" width="631" height="381" scrolling="no"></iframe></strong></p>