Mahindra Upcoming Cars: புதுசா 9 மாடல்கள், 6 EV, மொத்தமா 19 கார்கள்..! SUV உலகை ஆள மஹிந்த்ராவின் அதிரடி லைன் - அப்

<p><strong>Mahindra Upcoming Cars:</strong> மஹிந்த்ரா நிறுவனம் புதியதாக அறிமுகப்படுத்த திட்டமிட்டுள்ள 16 மாடல்களில், 6 கார்கள் மின்சார வாகனங்களாகும்.</p> <h2>16 கார்களை களமிறக்கும் மஹிந்த்ரா</h2> <p>இந்திய ஆட்டோமொபைல் சந்தையில் தனது போர்ட்ஃபோலியோவை விரிபடுத்தும்நோக்கில், வரும் 2031ம் ஆண்டுக்குள் 16 கார் மாடல்களை அறிவிக்க உள்ளதாக மஹிந்த்ரா நிறுவனம் அறிவித்துள்ளது. புதியாகா விற்பனைக்கு வரவுள்ள கார்களின் பட்டியலில் 10 மாடல்கள் இன்ஜின் அடிப்படையில் இயங்குபவை எனவும், 6 மாடல்கள் மின்சார வாகனங்கள் என்றும் தெரிவிக்கப்பட்டுள்ளது. இதில் மிகவும் கவனத்தை ஈர்கக் கூடிய விஷயமாக, புதியதாக அறிமுகப்படுத்தப்பட உள்ள இன்ஜின் அடிப்படையிலான 10 கார்களில் ஒன்பது மாடல்கள் முற்றிலும் புதிய பெயரில் அறிமுகமாக உள்ளன.</p> <p><iframe class="vidfyVideo" style="border: 0px;" src="https://tamil.abplive.com/web-stories/food/healthy-juice-drink-these-healthy-juice-daily-for-better-eye-sight-details-in-pics-259336" width="631" height="381" scrolling="no"></iframe></p> <p>2026ம் ஆண்டின் இறுதிக்குள்ளாகவே உள்நாட்டு நிறுவனமானது 4 புதிய இன்ஜின் அடிப்படையிலான கார்கள் மற்றும் 3 மின்சார கார்கள் சந்தைப்படுத்தப்பட்டு இருக்குமென கூறப்படுகிறது. பழைய திட்டத்தின்படி, 2030ம் ஆண்டுக்குள் 7 புதிய கார்களை அறிமுகப்படுத்த இலக்கு நிர்ணயித்து இருந்தது. தற்போது அந்த எண்ணிக்கையானது 16 ஆக உயர்த்தப்பட்டுள்ளது.</p> <h2><strong>மஹிந்த்ராவின் புதிய மாடல்கள் - என்ன எதிர்பார்க்கலாம்?</strong></h2> <p>புதிய கார் மாடல்கள் தொடர்பான தகவல்கள் எதையும் மஹிந்த்ரா நிறுவனம் இதுவரை வெளியிடவில்லை. ஆனால் அடுத்த சில மாதங்களில் சந்தைப்படுத்தப்பட உள்ள மாடல்களில், ஸ்கார்ப்பியோ என் மற்றும் தார் 3 டோர் மாடல்களின் ஃபேஸ்லிஃப்ட் எடிஷன்களாக இருக்கும் என கூறப்படுகிறது. இதுபோக இந்த கார் நிறுவனமானது புதிய NU_IQ ப்ளாட்ஃபார்ம் அடிப்படையிலான மாடல்களையும் தயாரித்து வருகிறது. கடந்த ஆண்டு ஆகஸ்ட் மாதத்தில் NU_IQ ப்ளாட்ஃபார்மை கொண்டு உருவாகும் விஷன் S, விஷன் X, விஷன் T மற்றும் விஷன் SXT ஆகிய கார் மாடல்களை காட்சிப்படுத்தியது குறிப்பிடத்தக்கது.</p> <h2><strong>NU_IQ அடிப்படையிலான எஸ்யுவிக்கள்:</strong></h2> <p>மஹிந்திரா விஷன் எஸ் கான்செப்ட் அடிப்படையிலான எஸ்யூவி, 2027-ஆம் ஆண்டுக்குள் ரக்கட் ஆன ஸ்கார்பியோ பிரிவில் இணையும் என எதிர்பார்க்கப்படுகிறது. இந்த எஸ்யூவி, XUV 3XO-விற்கும் சக்தியளிக்கும் மஹிந்திராவின் 1.5 லிட்டர் 4 சிலிண்டர் டீசல் இன்ஜின் ஆப்ஷனை பெறக்கூடும். பெட்ரோல் மற்றும் ஹைப்ரிட் பவர்டிரெய்ன் ஆப்ஷன்களில் கிடைக்கும் என எதிர்பார்க்கப்படுகிறது. விஷன் எக்ஸ், புதிய தலைமுறை மஹிந்திரா XUV 3XO-விற்கு ஒரு வடிவமைப்பு முன்னேற்றமாக அமையக்கூடும். அதே நேரத்தில் விஷன் T, தார் காரின் எலெக்ட்ரிக் எடிஷனாக இருக்கும் என கூறப்படுகிறது.</p> <p><br /><img src="https://feeds.abplive.com/onecms/images/uploaded-images/2026/03/07/dcab16b263d703f524b5a5eab6f2c9aa17728930642211373_original.jpg" width="720" height="405" /></p> <h2><strong>மஹிந்த்ராவின் புதிய மின்சார 7 சீட்டர்</strong></h2> <p>&nbsp;2027-ல் உற்பத்திக்குத் தயாராக உள்ள BE.07 மாடலுடன் தனது மின்சார வாகன பிரிவை மஹிந்த்ரா விரிவுபடுத்த உள்ளது. சந்தைபடுத்தலின் போது, ​​இந்த மின்சார எஸ்யூவி புதிய பெயரைக் கொண்டிருக்கும் மற்றும் ப்ராண்டின் BE6 மாடலுக்கு மேல் நிலைநிறுத்தப்பட உள்ளது. இந்த காரானது உள்ளூர் சந்தையில் வின்ஃபாஸ்ட் VF7 மற்றும் டாடா ஹாரியர் EV ஆகியவற்றுடன் போட்டியிட உள்ளது. XEV 9e மற்றும் BE 6 மாடல்களைப் போலவே, மஹிந்திரா BE.07 மாடலும் INGLO பிளாட்ஃபார்மில் உருவாக்கப்படுகிறது. 60kWh முதல் 80kWh வரையிலான பேட்டரி பேக்குகளுடன் வழங்கப்படலாம் என கூறப்படுகிறது.</p>