Lollu Sabha Manohar: "4 வருஷம்.. நடையா நடக்குறேன்.. பணம் தராம இழுக்குறாரு அவரு" லொள்ளுசபா மனோகர் வேதனை

<p>தமிழ் திரையுலகின் நகைச்சுவை நடிகர்களில் குறிப்பிடத்தக்கவர் லொள்ளு சபா மனோகர். விஜய் தொலைக்காட்சியில் ஒளிபரப்பான லொள்ளு சபா நிகழ்ச்சி மூலமாக இவர் தமிழக மக்கள் மத்தியில் பிரபலமானார். திரைப்படங்கள், தொடர்களில் நடித்தாலும் பெரியளவு வருவாய் இல்லாமல் சிரமப்பட்டு வருவதாக பல முறை பேட்டிகளில் தெரிவித்துள்ளார்.</p> <p>இந்த நிலையில், தென்னிந்திய நடிகர் சங்க பொதுக்குழு கூட்டத்திற்கு வந்திருந்த லொள்ளுசபா மனோகர் நிருபர்களுக்கு பேட்டி அளித்தார். அப்போது, அவர் கூறியதாவது,</p> <p><strong>10 லட்சம் ரூபாய்:</strong></p> <p>&ldquo; நலிந்த கலைஞர்கள் பட்டியலில் என்னையும் சேர்க்க வேண்டும். நடிகர் சங்கத்திற்கு என் வீட்டில் இருந்து நடந்தே வருகிறேன். அவர்கள் கொடுக்கும் பணத்தை வைத்து ஏதோ டிபன் சாப்பிடுவேன். தயாரிப்பாளர் ரிஷிராஜ் எனக்கு ரூபாய் 10 லட்சம் தர வேண்டும். இதற்காக நடிகர் சங்கத்திடம் புகார் அளித்தபோதும் எந்த பயனும் கிடைக்கவில்லை. நீதிமன்றத்திலும் 4 வருடம் வழக்கு நடைபெற்று வருகிறது.</p> <p>அங்கும் எனக்கு நியாயம் கிடைக்கவில்லை. வடபழனிக்கும், வீட்டிற்கும் நடந்து கொண்டே இருக்கிறேன். அந்த தயாரிப்பாளர் பைக்கில் வந்து கொண்டுதான் இருக்கிறார். நடிகர்சங்கம்தான் இதைத் தீர்த்து வைக்க வேண்டும். நடிகர் சங்கத்திற்குள் வந்துவிட்டால் எந்த கவலையும் இருக்காது. எனது கண்ணீர், ஆதங்கம் குறித்து நடிகர் சங்கத்திடம் நான் முறையிடவில்லை. ஏற்கனவே முறையிட்ட விஷயங்களே இதுவரை நடக்கவில்லை.&rdquo;</p> <p>இவ்வாறு அவர் பேசினார்.</p> <p><strong>பிரபல காமெடியன்:</strong></p> <p>தமிழ் திரையுலகின் பிரபல நகைச்சுவை நடிகர் மற்றும் ஹீரோவாக உலா வரும் சந்தானத்துடன் இணைந்து லொள்ளுசபாவில் ஏராளமான தொடர்களில் நடித்துள்ளார். விஜய், சிம்பு, அருண் <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a>, பரத், அதர்வா, கார்த்தி, விதார்த், ஜிவி பிரகாஷ், ஜெய் என பல முன்னணி பிரபலங்களின் படங்களில் நடித்துள்ளார்.</p> <p>சுமார் 50க்கும் மேற்பட்ட படங்களில் நடித்திருந்தாலும் பெரியளவு வருவாய் இல்லாமல் சிரமப்படுவதாக யூ டியூப் தொலைக்காட்சிகளில் பல முறை பேட்டி அளித்துள்ளார். இந்த சூழலில், தயாரிப்பாளர் 10 லட்சம் ரூபாய் தராமல் ஏமாற்றி வருவதாக அவர் பேட்டி அளித்திருப்பது பலருக்கும் அதிர்ச்சியை ஏற்படுத்தியுள்ளது.</p> <p>இந்த விவகாரத்தில் லொள்ளு சபா மனோகருக்கு நியாயம் பெற்றுத்தர வேண்டும் என்று ரசிகர்கள் பலரும் வலியுறுத்தி வருகின்றனர்.</p>