<p>விஜய் நடித்துள்ள ஜனநாயகன் படத்திற்கு சென்சார் போர்ட் சான்றிதழ் வழங்கியுள்ளதாகவும். இப்படத்தை வரும் மே 8 ஆம் தேதி வெளியிட படத்தின் தயாரிப்பு நிறுவனம் கேவிஎன் ப்ரோடக்‌ஷன் முடிவு செய்துள்ளதாகவும் தகவல்கள் வெளியாகியுள்ளன. ஆனால் மே 8 ஆம் தேதி ஜனநாயகன் திரைப்படம் வெளியானால் அது தனுஷின் கர திரைப்படத்தின் இரண்டாவது வார வசூலை பெரியளவில் பாதிக்கும் என்பதால் படத்தின் ரிலீஸ் இன்னும் ஒரு வார காலத்திற்கு ஒத்திவைக்கப்பட வாய்ப்பு உள்ளது .</p>
<p>கேவிஎன் ப்ரோடக்‌ஷன்ஸ் தயாரிப்பில் எச் வினோத் இயக்கத்தில் விஜயின் கடைசி படமாக ஜனநாயகன் படம் உருவாகியுள்ளது. இப்படத்தை திரையரங்கில் பார்க்க விஜய் ரசிகர்கள் பேராவலுடன் காத்திருந்த நிலையில் மொத்த படமும் இணையத்தில் சட்டவிரோதமாக வெளியானது. இது தொடர்பாக 6 நபர்கள் கைது செய்யப்பட்டார்கள். தற்போது ஜனநாயகன் படத்திற்கு தணிக்கை சான்றிதழ் வழங்கப்பட இருக்கும் நிலையில் படத்தின் ரிலீஸ் தேதி குறித்து தயாரிப்பு நிறுவனம் விவாதித்து வருகிறது.</p>
<h2>விஜயுடன் பேச்சுவார்த்தை</h2>
<p>ஏற்கனவே படம் இணையத்தில் கசிந்ததால் தயாரிப்பாளர்களுக்கு பெரியளவில் நஷ்டம் ஏற்பட்டுள்ளது. மேலும் விநியோகஸ்தர்கள் இப்படத்தை பெரிய தொகை கொடுத்து வாங்க மறுத்துள்ளார்கள். இதனால் நடிகர் விஜய் படத்திற்கு தான் வாங்கிய ரூ 275 கோடி சம்பளத்தையும் திருப்பி வழங்கியுள்ளதாக தகவல்கள் வெளியாகின. மேலும் கேவிஎன் ப்ரோடக்‌ஷனில் விஜய் இன்னொரு படம் நடித்து தருவதாகவும் விஜய் தெரிவித்துள்ளதாக சினிமா வட்டாரங்களில் கூறப்படுகிறது. சட்டமன்ற தேர்தல் முடிவுகளைப் பொறுத்தே <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> அடுத்த படத்தில் நடிப்பாரா இல்லையா என்பது முடிவாகும் </p>
<h2>புதிய ஓடிடி டீல் </h2>
<p>முன்னதாக ஜனநாயகன் திரைப்படத்தின் ஓடிடி ரிலீஸ் உரிமையை அமேசான் பிரைம் நிறுவனம் ரூ120 கோடிக்கு வாங்கியிருந்தது. ஆனால் படத்தின் ரிலீஸ் தாமதமானதால் இந்த ஓடிடி டீல் ரத்து செய்யப்பட்டது. தற்போது ரூ95 கோடிக்கு படத்தை Zee5 ஓடிடி தளத்திற்கு ஜனநாயகன் விற்பனையாகியுள்ளதாக புதித தகவல் தெரியவந்துள்ளது </p>
<h2>மே 8 ரிலீஸாகிறதா ஜனநாயகன்</h2>
<p>மே 4 ஆம் தேதி தேர்தல் முடிவுகள் வெளியான கையோடு ஜனநாயகன் படத்தை வெளியிட படக்குழு முழு முயற்சி எடுத்து வருகிறது . அதன்படி மே 8 ஆம் தேதி படத்தை வெளியிட இருப்பதாக தகவல்கள் வெளியாகியுள்ளன. ஆனால் தனுஷ் நடித்துள்ள கர திரைப்படம் ஏப்ரல் 30 ஆம் தேதி வெளியாகிறது. ஜனநாயகன் திரைப்படம் மே 8 வெளியானால் கர படத்தின் இரண்டாவது வார வசூல் பெர்யளவில் பாதிக்கப்படும். அதே போல் மே14 ஆம் தேதி சூர்யா நடித்துள்ள கருப்பு திரைப்படம் வெளியாக இருக்கிறது. இதனால் இரண்டு படங்களுக்கும் போதுமான திரையரங்குகள் கிடைப்பதில் சிக்க ஏற்படும். அதனால் மே 17 ஆம் தேதி பக்ரீத் முன்னிட்டு ஜனநாயகன் படத்தை வெளியிட படக்குழு பேச்சுவார்த்தை நடத்தி வருவதாக தகவல் வெளியாகியுள்ளது </p>
<p><iframe class="vidfyVideo" style="border: 0px;" src="https://tamil.abplive.com/web-stories/lifestyle/thing-to-be-carefull-of-before-going-on-a-date-257644" width="631" height="381" scrolling="no"></iframe></p>
1 month ago
6 
