<p>இஸ்ரோவின் இளம் விஞ்ஞானி பயிற்சி திட்டத்தில் பங்கேற்க விரும்பும் பள்ளி மாணவர்கள் விண்ணப்பிக்கலாம் என்று அறிவிக்கப்பட்டுள்ளது.</p>
<p> பள்ளி மாணவர்களிடம் விண்வெளி அறிவியல் குறித்த ஆர்வத்தை ஏற்படுத்தும் நோக்கில்,‘ யுவிகா ’ (இளம் விஞ்ஞானி) என்ற திட்டத்தை இந்திய விண்வெளி ஆராய்ச்சி நிறுவனம் (இஸ்ரோ) கடந்த 2019-ம் ஆண்டு அறிமுகம் செய்தது.</p>
<h2><strong> ஒவ்வொரு மாநிலத்தில் இருந்தும் 3 பேர்</strong></h2>
<p>இத்திட்டத்தின்கீழ் அனைத்து மாநிலங்களில் இருந்தும் தலா 3 பேர் தேர்வு செய்யப்பட்டு, இஸ்ரோ மையங்களில் விண்வெளி அறிவியல், தொழில்நுட்பங்கள் தொடர்பாக பல்வேறு செய்முறை விளக்க பயிற்சிகள் அளிக்கப்படும். விஞ்ஞானிகளுடன் கலந்துரையாடும் வாய்ப்பும் கிடைக்கும்.</p>
<p> அதன்படி, இந்த ஆண்டுக்கான ‘யுவிகா’பயிற்சி 2026 மே மாதம் நடக்க உள்ளது. இதற்கான இணையதள விண்ணப்பப் பதிவு தொடங்கப்பட்டுள்ளது. மார்ச் 27 முதல் 31 வரை விண்ணப்பிக்கலாம். பள்ளிகளில் 9-ம் வகுப்பு படிக்கும் மாணவர்கள் மட்டுமே இதில் பங்கேற்க முடியும்.</p>
<h2><strong>விண்ணப்பிப்பது எப்படி?</strong></h2>
<p>விருப்பம் உள்ளவர்கள் <a href="https://jigyasa.iirs.gov.in/yuvika">https://jigyasa.iirs.gov.in/yuvika</a> என்ற இணையதளம் மூலம் விண்ணப்பிக்க வேண்டும். பயிற்சிக்கு தேர்வாகும் மாணவர்களின் தற்காலிக பட்டியல் மார்ச் இறுதியில் வெளியாகும். அந்த மாணவர்கள் தங்கள்</p>
<p>சான்றிதழ்களை மின்னஞ்சல் மூலம் அனுப்ப வேண்டும். சான்றிதழ்கள் சரிபார்க்கப்பட்ட பிறகு, ஏப்ரல் 20 ஆம் தேதி இறுதி பட்டியல் வெளியிடப்படும்.</p>
<h2><strong>இஸ்ரோவின் 7 ஆய்வு மையங்களில் பயிற்சி</strong></h2>
<p>தேர்வு செய்யப்படும் மாணவர்களுக்கு விக்ரம் சாராபாய் விண்வெளி ஆராய்ச்சி மையம் திருவனந்தபுரம், சதீஷ் தவான் விண்வெளி ஆராய்ச்சி மையம், ஸ்ரீஹரிகோட்டா உட்பட இஸ்ரோவின் 7 ஆய்வு மையங்களில் 2026 மே மாதம் 11-22 வரை பயிற்சி வழங்கப்படும் என்று இஸ்ரோ தெரிவித்துள்ளது.</p>
<p>ஆகவே, விண்வெளி துறையில் ஆர்வமுள்ள மாணவர்கள் பள்ளிப் பருவத்திலேயே தங்களது திறமைகளை வளர்த்துக் கொள்ள யுவிகா ஒரு மிகச் சிறந்த வாய்ப்பு ஆகவே இவ் வாய்ப்பினை பயன்படுத்திக் கொள்ளுமாறு அன்போடு கேட்டுக்கொள்கின்றோம்.</p>
<p>இது சார்ந்த மேலும் தகவல்களுக்கு இஸ்ரோவினால் அங்கீகரிக்கப்பட்ட அறிவியல் கழகமான கலிலியோ அறிவியல் கழகத்தைச் சேர்ந்த கண்ணபிரான் என்னும் அரசுப் பள்ளி ஆசிரியரை 8778201926 என்ற எண்ணில் தொடர்புகொள்ளலாம்.</p>
<p><a href="https://jigyasa.iirs.gov.in/yuvika">https://jigyasa.iirs.gov.in/yuvika</a> என்ற இணையதளத்தில் மேலதிக விவரங்க கொடுக்கப்பட்டுள்ளன. </p>
<p><iframe class="vidfyVideo" style="border: 0px;" src="https://tamil.abplive.com/web-stories/food/how-to-make-apple-pickles-253914" width="631" height="381" scrolling="no"></iframe></p>
3 weeks ago
4 
