<p>2025 இந்தியன் பிரீமியர் லீக் (ஐபிஎல்) சீசன் மார்ச் 22 (சனிக்கிழமை) அன்று தொடங்க உள்ளது, தொடரின் முதல் போட்டியில் நடப்பு சாம்பியனான கொல்கத்தா நைட் ரைடர்ஸ் அணி, கொல்கத்தாவின் ஈடன் கார்டன்ஸில் ராயல் சேலஞ்சர்ஸ் பெங்களூருஅணியை எதிர்கொள்கிறது. ஐபிஎல் கிரிக்கெட் உலகில் அளவில் மிக முக்கிய தொடராக பார்க்கப்படுகிறது</p>
<p>பெரும்பாலான வீரர்கள் ஐபிஎல் தொடரில் பங்கேற்க ஆர்வமாக இருந்தாலும், பல வீரர்கள் பல்வேறு காரணங்களால் அந்த வாய்ப்பை இழக்கின்றனர். ஐபிஎல் 2025 சீசனுக்கு முன்னதாக, பல கிரிக்கெட் வீரர்கள் காயங்கள் அல்லது தனிப்பட்ட காரணங்களைக் கூறி போட்டி தொடங்குவதற்கு முன்பே போட்டியிலிருந்து விலகிவிட்டனர். அவர்கள் யார் என்பதை இந்த தொகுப்பில் காண்போம். </p>
<h3>ஹாரி புரூக் (டெல்லி கேபிடல்ஸ்)</h3>
<p>இங்கிலாந்து வீரர் ஹாரி புரூக் தனது தேசிய அணிக்கான கடமைகளில் கவனம் செலுத்துவதற்காக ஐபிஎல் 2025 இல் இருந்து விலகினார். காயம் தவிர வேறு காரணங்களுக்காக வீரர்கள் விலகினால் இரண்டு சீசன்களுக்கு பங்கேற்பதைத் தடைசெய்யும் ஐபிஎல் நிர்வாகக் குழுவின் விதியின்படி, புரூக் இரண்டு ஆண்டுகளுக்கு போட்டிகளில் இருந்து தடை செய்யப்பட்டுள்ளார். 2024 ஐபிஎல் சீசனைத் தவறவிட்டதால், மிடில் ஆர்டர் பேட்டரை டெல்லி கேபிடல்ஸ் ₹6.25 கோடிக்கு ஒப்பந்தம் செய்தது.</p>
<p><strong>மாற்று:</strong> இன்னும் பெயரிடப்படவில்லை.</p>
<h3>லிசார்ட் வில்லியம்ஸ் (மும்பை இந்தியன்ஸ்)</h3>
<p>தென்னாப்பிரிக்க வேகப்பந்து வீச்சாளர் லிசார்ட் வில்லியம்ஸ் காயம் காரணமாக ஐபிஎல் 2025 இல் இருந்து விலக்கப்பட்டுள்ளார். மும்பை இந்தியன்ஸ் அணி அவரை ஏலத்தில் ₹75 லட்சத்திற்கு வாங்கியது. அவருக்கு பதிலாக ராஜஸ்தான் ராயல்ஸ் அணியுடன் நெட் பவுலராக இருந்த சக தென்னாப்பிரிக்க வீரர் கார்பின் போஷ் சேர்க்கப்பட்டுள்ளார்.</p>
<p><strong>மாற்று வீரர்:</strong> கார்பின் போஷ்</p>
<h3>பிரைடன் கார்ஸ் (சன்ரைசர்ஸ் ஹைதராபாத்)</h3>
<p>இங்கிலாந்து ஆல்ரவுண்டர் பிரைடன் கார்ஸ், ஆஸ்திரேலியாவுக்கு எதிரான 2025 சாம்பியன்ஸ் டிராபி போட்டியின் போது கால் விரலில் ஏற்பட்ட காயம் காரணமாக ஐபிஎல் 2025 இல் இருந்து விலகி உள்ளார். ஏலத்தில் சன்ரைசர்ஸ் ஹைதராபாத் அணியால் கார்ஸ் ₹1 கோடிக்கு வாங்கப்பட்டார், ஆனால் இப்போது சீசனை இழக்க நேரிடும். அவருக்கு பதிலாக தென்னாப்பிரிக்க ஆல்ரவுண்டர் வியான் முல்டர் ₹75 லட்சத்திற்கு அணியில் இணைந்துள்ளார்.</p>
<p><strong>மாற்று வீரர்:</strong> வியான் முல்டர்</p>
<h3>அல்லா கசன்ஃபர் (மும்பை இந்தியன்ஸ்)</h3>
<p>2025 ஆம் ஆண்டு ஐசிசி சாம்பியன்ஸ் டிராபிக்கு முன்னதாக காயம் ஏற்பட்டதால் ஆப்கானிஸ்தான் லெக் ஸ்பின்னர் அல்லா கசான்ஃபர் ஐபிஎல் 2025 இல் இருந்து விலகியுள்ளார். மும்பை இந்தியன்ஸ் அவரை ஏலத்தில் ₹4.80 கோடிக்கு வாங்கியது. அவருக்குப் பதிலாக சக ஆப்கானிஸ்தான் சுழற்பந்து வீச்சாளர் முஜீப் உர் ரஹ்மான் ₹2 கோடிக்கு அணியில் இணைவார். </p>
<p><strong>மாற்று வீரர்:</strong> முஜீப் உர் ரஹ்மான்</p>
<h3>உம்ரான் மாலிக் (கொல்காத்தா நைட் ரைடர்ஸ்)</h3>
<p><a title="ஐபிஎல்" href="https://tamil.abplive.com/sports/ipl" data-type="interlinkingkeywords">ஐபிஎல்</a> 2025 போட்டி தொடங்குவதற்கு ஒரு வாரத்திற்கு முன்பு காயம் ஏற்பட்டதால் இந்திய வேகப்பந்து வீச்சாளர் உம்ரான் மாலிக் காயம் காரணமாக வெளியேறினார். இந்த வேகப்பந்து வீச்சாளரை கொல்கத்தா நைட் ரைடர்ஸ் அணி ₹75 லட்சத்திற்கு ஏலத்தில் எடுத்தது குறிப்பிடத்தக்கது. 2024 சீசனில் சன்ரைசர்ஸ் ஹைதராபாத் அணிக்காக உம்ரான் ஒரே ஒரு போட்டியில் மட்டுமே விளையாடினார்.</p>
<p><strong>மாற்று வீரர்: சேதன் சக்காரியா</strong></p>
<p><strong><iframe class="vidfyVideo" style="border: 0px;" src="https://tamil.abplive.com/web-stories/trending/sunita-williams-returns-back-to-earth-by-spacex-dragon-spacecraft-218891" width="631" height="381" scrolling="no"></iframe></strong></p>
9 months ago
6 
