<p>ஐஐடி சென்னையில் உள்ள பிஎஸ் பட்டப் படிப்பின் அடுத்த பேட்ச்சுக்கு விண்ணப்பிக்க மே 31-ம் தேதியை கடைசி நாளாகக் கொண்டு மாணவர் சேர்க்கை தொடங்கியுள்ளது.</p>
<p>உயர் தரமான ஐஐடி கல்வியை அதிகளவிலும், பல்வேறு பின்னணியிலுள்ள மாணவர்களுக்கும் எளிதில் கிடைக்கச் செய்வதற்காக வடிவமைக்கப்பட்ட இப்படிப்புகளை வயது வரம்பின்றி 12ஆம் வகுப்பு முடித்த எவரும் படிக்கலாம். </p>
<h2><strong>மாணவர் சேர்க்கை தொடக்கம்</strong></h2>
<p>ஐஐடி சென்னை 2026 கல்வியாண்டில் பிஎஸ் பட்டப் படிப்புக்கான மாணவர் சேர்க்கையைத் தொடங்கியுள்ளது. இதற்கு விண்ணப்பிக்க 2026 மே 31ஆம் தேதி கடைசி நாளாகும்.</p>
<p>இந்த பட்டப்படிப்புகள் 4 தனித்துவமான பிரிவுகளாக வழங்கப்படுகின்றன:</p>
<p>பிஎஸ் தரவு அறிவியல் மற்றும் பயன்பாடுகள் (<a href="https://www.google.com/aclk?sa=L&pf=1&ai=DChsSEwjNn7quwKSUAxV2KIMDHcGSCFwYACICCAEQABoCc2Y&co=1&ase=2&gclid=CjwKCAjwzevPBhBaEiwAplAxvtQi88rpz31lL25a55bTEq93rcA4Dz3prIoU0d_X-jNcerL23y5QBRoCk0oQAvD_BwE&cid=CAASWuRoFMsTlTyIX05yGlp52H1plgXBLYwiuc_lwBPJdoSAScxlCruYVosj7zLE9x3MMyX67BOYCK6QKK0p4bbvM_Dq7clzRU1SAG42Ie6plFsg6yCxSppvia3dLQ&cce=2&category=acrcp_v1_32&sig=AOD64_108EkGD1q2phstUn-KwGk--wW4uQ&q&nis=4&adurl=https://study.iitm.ac.in/ds/?utm_source%3DGoogleSearchMarch2026%26utm_medium%3DGoogleSearchMarch2026%26utm_campaign%3DGoogleSearchMarch2026%26gad_source%3D1%26gad_campaignid%3D23607846222%26gbraid%3D0AAAAACR8fKdDxOSBlbgbPiahXjXZ_lBLt%26gclid%3DCjwKCAjwzevPBhBaEiwAplAxvtQi88rpz31lL25a55bTEq93rcA4Dz3prIoU0d_X-jNcerL23y5QBRoCk0oQAvD_BwE&ved=2ahUKEwjugrOuwKSUAxXyxzgGHQ58G2wQ0Qx6BAgVEAE">BS in Data Science and Applications</a>), </p>
<p>பிஎஸ் மின்னணுப் பயன்பாடுகள் <a href="https://study.iitm.ac.in/es/">BS in Electronic Systems</a>),</p>
<p>பிஎஸ் மேலாண்மை மற்றும் தரவு அறிவியல் (<a href="https://study.iitm.ac.in/mg/">BS in Management and Data Science</a>),</p>
<p>பிஎஸ் வானியல் மற்றும் விண்வெளித் தொழில்நுட்பம் (<a href="https://study.iitm.ac.in/ae/">BS in Aeronautics and Space Technology</a>)</p>
<p>இவை தனி பட்டப்படிப்பாகவோ வழக்கமான கல்லூரி பட்டப்படிப்புடன் இணைத்தோ படிக்கக்கூடிய வகையில் வடிவமைக்கப்பட்டுள்ளன.</p>
<h2><strong>ஆன்லைன் படிப்புகள்</strong></h2>
<p>இப்படிப்புகள் பெரும்பாலும் ஆன்லைன் முறையில் நடத்தப்படுகின்றன. கல்வியின் தரத்தையும் நெகிழ்வுத்தன்மையையும் உறுதிப்படுத்த இந்தியா முழுவதும் பல்வேறு மையங்களில் நேரடி தேர்வுகள் நடத்தப்படுகின்றன. மாணவர்கள் தங்களது வசதிக்கேற்ப படிப்பை தொடர முடியும்.</p>
<p>அவர்களின் கல்வி, தொழில் நோக்கங்களுக்கு ஏற்ப சான்றிதழ் (Certificate), டிப்ளமோ (Diploma), பட்டப்படிப்பு (Degree) போன்ற பல்வேறு வெளியேறும் வாய்ப்புகளும் வழங்கப்படுகின்றன.</p>
<h2><strong>மே 31 கடைசி</strong></h2>
<p>விண்ணப்பிக்க விரும்பும் மாணவர்கள், பெற்றோர் கூடுதல் விவரங்களுக்கு அதிகாரப்பூர்வ இணையதளத்தைப் பார்வையிடலாம். விண்ணப்பிக்க கடைசி நாள் 2026 மே 31ஆம் தேதியாகும். ஆர்வமுள்ளவர்கள் ஐஐடி சென்னை <a href="https://study.iitm.ac.in">https://study.iitm.ac.in</a> மூலம் விண்ணப்பிக்கலாம்.</p>
<p>இந்த பிஎஸ் பட்டப்படிப்புகளில் சேருவதற்கு ஒருங்கிணைந்த நுழைவுத் தேர்வில் (Joint Entrance Examination - JEE) தேர்ச்சி பெறவேண்டிய அவசியமில்லை என்பது குறிப்பிடத்தக்கது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/health/which-vegetables-can-be-grown-in-summer-259865" width="631" height="381" scrolling="no"></iframe></p>
3 weeks ago
4 
