IBPS RRB Recruitment: மிஸ் பண்ணிடாதீங்க; இன்னும் 2 நாள்தான்- வங்கிகளில் 13 ஆயிரம்+ காலியிடங்கள்- விண்ணப்பிப்பது எப்படி?

<p>வங்கிப் பணிகளுக்கு ஆட்களைத் தேர்வு செய்ய ஆண்டுதோறும் ஐபிபிஎஸ் தேர்வு நடத்தப்படுகிறது. இதன்மூலமே நாடு முழுவதும் அரசு மற்றும் தனியார் வங்கிகளுக்கு அதிகாரிகளும் உதவியாளர்களும் தேர்வு செய்யப்படுகின்றனர்.</p> <p>2025ஆம் ஆண்டுக்கான தேர்வு 13217&nbsp;காலி இடங்களை நிரப்ப நடத்தப்பட உள்ளது. நவம்பர் அல்லது டிசம்பரில் தேர்வு நடத்தப்பட உள்ள நிலையில், இதற்கு விண்ணப்பிக்க செப்டம்பர் 21 கடைசித் தேதி ஆகும்.&nbsp;</p> <h2><strong>என்னென்ன</strong> <strong>பணி</strong> <strong>இடங்கள்</strong><strong>?</strong></h2> <p>தமிழ்நாட்டைப் பொறுத்தவரை சேலத்தைத் தலைமை இடமாகக் கொண்ட தமிழ்நாடு கிராம வங்கிக்கு இந்தத் தேர்வு நடைபெறுகிறது. இதை எழுத தமிழ் தெரிந்திருக்க வேண்டும்.</p> <h2><strong>தமிழ்நாடு</strong> <strong>கிராம</strong> <strong>வங்கி</strong> <strong>காலியிட</strong> <strong>விவரங்கள்</strong></h2> <ol> <li>அலுவலக உதவியாளர்கள் (பல்நோக்கு) - 468 பதவிகள்</li> <li>அதிகாரி நிலை I - 200 பதவிகள்</li> <li>அதிகாரி நிலைII (IT) - 12 பதவிகள்</li> <li>அதிகாரி நிலை II (CA) - 02 பதவிகள்</li> <li>அதிகாரி அளவுகோல் II (சந்தைப்படுத்தல் அதிகாரி (MO)) - 04 பதவிகள்</li> <li>அதிகாரி அளவுகோல் II (வேளாண் அதிகாரி) - 02 பதவிகள்</li> </ol> <p>இதில் ஒவ்வொரு பணி இடத்துக்கும் ஒவ்வொரு விதமான கல்வித் தகுதி நிர்ணயிக்கப்பட்டு உள்ளது. வயது வரம்பும் குறைந்தபட்சம் 18 ஆகவும் சில பணி இடங்களுக்கு 21 ஆகவும் உள்ளது.</p> <h2><strong>தமிழகத்தில்</strong> <strong>தேர்வு</strong> <strong>மையம்</strong> <strong>எங்கே</strong><strong>?</strong></h2> <p><strong>முதற்கட்ட</strong> <strong>தேர்வு</strong> <strong>மையம்</strong><strong>:</strong></p> <p>சென்னை, கோவை, கடலூர், தரம்புரி, திண்டுக்கல் ஈரோடு, மதுரை, கன்னியாகுமரி, நாகர்கோவில், நாமக்கல், சேலம், தஞ்சாவூர், தூத்துக்குடி, திருச்சிராப்பள்ளி, திருநெல்வேலி, திருப்பூர், வேலூர், விருதுநகர்</p> <p><strong>முதன்மை</strong> <strong>தேர்வு</strong> <strong>மையம்</strong>: சென்னை, மதுரை, திருச்சிராப்பள்ளி, கோயம்புத்தூர், சேலம், திருநெல்வேலி, வேலூர்</p> <h2><strong>தேர்வு</strong> <strong>எப்போது</strong><strong>?</strong></h2> <p>முதல்நிலைத் தேர்வு நவம்பர் அல்லது டிசம்பரில் தேர்வு நடைபெறும் என்று தெரிவிக்கப்பட்டுள்ளது.</p> <p>முதன்மைத் தேர்வு டிசம்பர் 2025 அல்லது பிப்ரவரி 2026-ல் நடைபெற உள்ளது.</p> <p>நேர்காணல் 2026 ஜனவரி அல்லது பிப்ரவரி மாதத்தில் நடைபெறலாம் என்றும் தெரிவிக்கப்பட்டுள்ளது.</p> <h2><strong>தேர்வு</strong> <strong>முறை</strong></h2> <ol> <li>முதற்கட்ட தேர்வு</li> <li>முதன்மைத் தேர்வு,</li> <li>நேர்காணல் (அதிகாரிகளுக்கான பணியிடங்களுக்கு மட்டும்)</li> </ol> <h2><strong>விண்ணப்பக்</strong> <strong>கட்டணம்</strong> <strong>எவ்வளவு</strong><strong>?</strong></h2> <p>ST/SC/PWD விண்ணப்பதாரர்களுக்கு &ndash; ரூ.175/-</p> <p>மற்ற விண்ணப்பதாரர்களுக்கு &ndash; ரூ.850/-</p> <p>கட்டண முறை: ஆன்லைன்</p> <h2><strong>விண்ணப்பிப்பது</strong> <strong>எப்படி</strong><strong>?</strong></h2> <p>தேர்வர்கள்&nbsp;<a href="https://ibpsreg.ibps.in/rrbxivscag25/">https://ibpsreg.ibps.in/rrbxivscag25/</a>&nbsp;என்ற இணைப்பை க்ளிக் செய்து விண்ணப்பிக்க வேண்டும்.</p> <p>இதற்கு செப்டம்பர் 21ஆம் தேதி வரை அவகாசம் அளிக்கப்பட்டுள்ளது. விண்ணப்பக் கட்டணத்தையும் அந்த நாளிலேயே செலுத்த வேண்டும்.</p> <p><a href="https://www.ibps.in/index.php/rural-bank-xiv/">https://www.ibps.in/index.php/rural-bank-xiv/</a>&nbsp;என்ற இணைப்பில் காலி இடங்களுக்கான அறிவிக்கைகள் கொடுக்கப்பட்டுள்ளன.</p> <p><iframe class="vidfyVideo" style="border: 0px;" src="https://tamil.abplive.com/web-stories/health/some-home-remedies-to-get-rid-of-black-lips-they-will-turn-pink-within-a-few-days-234269" width="631" height="381" scrolling="no"></iframe></p>