<p>நாடு முழுவதும் மாணவர்களுக்கு இலவச லேப்டாப்புகளை ஏஐசிடிஇ எனப்படும் அகில இந்திய தொழில்நுட்பக் கல்விக் கழகம் வழங்குவதாக வெளியான அறிவிப்பு உண்மையில்லை என்று கூறப்பட்டுள்ளது.</p>
<p>ஏஐசிடிஇ எனப்படும் அகில இந்திய தொழில்நுட்பக் கல்விக் கழகம் இந்தியா முழுவதும் தொழில்நுட்பப் படிப்புகளை வழங்கும் கல்வி நிலையங்களைக் கட்டுப்படுத்தி வருகிறது. கல்வி நிறுவனங்களுக்கு நிதி உதவி, அங்கீகாரம், புதுப்பிப்பு, கல்வித் தரம் ஆகியவற்றுக்கு ஏஐசிடிஇயே பொறுப்பு.</p>
<h2><strong>மாணவர்களுக்கு இலவச லேப்டாப்பா?</strong></h2>
<p>அந்த வகையில் ஏஐசிடிஇ, மாணவர்களுக்கு இலவச லேப்டாப் வழங்குவதாக சமூக வலைதளங்களில் செய்திகள் வெளியாகின. ஆனால் இந்த செய்திகளை ஏஐசிடிஇ மறுத்துள்ளது.</p>
<p>இதுகுறித்து அகில இந்திய தொழில்நுட்பக் கல்விக் கழகம் வெளியிட்டுள்ள சுற்றறிக்கையில், ''தாங்கள் எந்த விதமான இலவச மடிக்கணினியையும் வழங்கவில்லை. அதுகுறித்த எந்த விதமான சுற்றறிக்கையோ, அறிவிப்பையோ, அதிகாரப்பூர்வ தகவலையோ வெளியிடவில்லை.</p>
<h2><strong>செய்தி முற்றிலும் போலியானது</strong></h2>
<p>இவ்வாறு வெளியான செய்தி முற்றிலும் போலியானது. அதற்கும் ஏஐசிடிஇக்கும் எவ்வித சம்பந்தமும் இல்லை. பெற்றோர்களோ, மாணவர்களோ, நிறுவனங்களோ, பொது மக்களோ இதை நிச்சயம் நம்ப வேண்டாம்’’ என்று ஏஐசிடிஇ தெரிவித்துள்ளது.</p>
<p>மாணவர்கள் <a href="https://facilities.aicte-india.org/circular%20regarding%20Clarification%20on%20Fake%20News%20Regarding%20Free%20Laptop%20Distribution%20to%20Students.pdf"> https://facilities.aicte-india.org/circular%20regarding%20Clarification%20on%20Fake%20News%20Regarding%20Free%20Laptop%20Distribution%20to%20Students.pdf</a> என்ற இணைப்பை க்ளிக் செய்து, ஏஐசிடிஇ வெளியிட்ட சுற்றறிக்கையைக் காண முடியும். </p>
<h2><strong>பல்வேறு விதமான உதவித் தொகைகள்</strong></h2>
<p>அதே நேரத்தில் அகில இந்திய தொழில்நுட்பக் கல்விக் கழகம் சார்பில், கல்லூரி மாணவர்களுக்கு பல்வேறு விதமான உதவித் தொகைகள் வழங்கப்படுகின்றன. மாணவர்கள் அவற்றை <a href="https://aicte-india.org/schemes">https://aicte-india.org/schemes</a> என்ற இணைப்பை க்ளிக் செய்து காணலாம். </p>
<p>கூடுதல் தகவல்களுக்கு:<strong> <a href="https://aicte-india.org/">https://aicte-india.org/</a></strong></p>
<p><strong>இதையும் வாசிக்கலாம்: <a title="AICTE Scholarship: கல்லூரி மாணவர்களே.. ஆண்டுக்கு ரூ.50 ஆயிரம் உதவிக்கொகை; அள்ளித்தரும் அரசு- விண்ணப்பிப்பது எப்படி?" href="https://tamil.abplive.com/education/aicte-scholarship-rs-50000-yearly-for-college-students-know-eligibility-documents-required-how-to-apply-208142" target="_blank" rel="noopener">AICTE Scholarship: கல்லூரி மாணவர்களே.. ஆண்டுக்கு ரூ.50 ஆயிரம் உதவிக்கொகை; அள்ளித்தரும் அரசு- விண்ணப்பிப்பது எப்படி?</a></strong></p>
<p> </p>
1 year ago
7 
