<p>இந்திய உணவுக் கழகம் (FCI) நாடு முழுவதும் உள்ள பல்வேறு அலுவலக பதவிகளுக்கு தகுதியானவர்களை ஆட்சேர்ப்பு செய்வதற்கான, அறிவிப்பானது இந்த மாதம் வெளியாக உள்ளது. </p>
<h2><strong>இந்திய உணவுக் கழகம்</strong></h2>
<p>இந்திய உணவுக் கழகம் (FCI) உணவு தானியங்கள் மற்றும் விநியோகச் சங்கிலி மேலாண்மையைக் கையாளும் மிகப்பெரிய பொதுத்துறை நிறுவனங்களில் ஒன்றாகும். இந்திய உணவுக் கழகம் (FCI) வகை 2 மற்றும் வகை 3 பதவிகளின் கீழ் பல்வேறு பதவிகளுக்கு 33,566 காலியிடங்களை இருப்பதாக தகவல் தெரிவிக்கிறது.</p>
<p>ஜூனியர் இன்ஜினியர், ஸ்டெனோகிராபர், தட்டச்சர், வாட்ச்மேன், உதவி கிரேடு III, கிரேடு II மற்றும் கிரேடு IV போன்ற பணிகளுக்கான காலிப்பணியிடங்கள் இருப்பதாக கூறப்படுகிறது. </p>
<p>இந்நிலையில், அரசு வேலைக்குச் செல்ல விரும்புவர்கள், இந்த அருமையான பயன்படுத்திக் கொள்ளவும் . <br />இதற்கான அதிகாரப்பூர்வ அறிவிப்பானது, ( ஜனவரி 2025 ) இந்த மாதத்தில் வெளியாகும் என எதிர்பார்க்கப்படுகிறது. இதனால், தற்போது இருந்தே , இந்த தேர்வுக்கு தயாராவது சிறப்பாகும். </p>
<p><strong>இந்நிலையில், இந்த பணி குறித்தும், தேர்வு குறித்தும் , விண்ணப்பிப்பதற்கான தகுதிகள் குறித்தும் பார்ப்போம். </strong><br /> <br /> <br /><strong>தேர்ந்தெடுக்கும் முறை</strong></p>
<p><br />1. ஆன்லைன் தேர்வு <br />2. திறனறிவு தேர்வு <br />3. நேர்முகத் தேர்வு<br /> <br /><strong>கல்வித் தகுதிகள்:</strong></p>
<p>விண்ணப்பிக்கும் பதவியின் அடிப்படையில் கல்வித் தகுதிகள் மாறுபடும்:<br /> <br /><strong>வகை 2 (நிர்வாக பதவிகள்):</strong></p>
<p>சம்பந்தப்பட்ட துறையில் பட்டதாரி/முதுகலை.<br />சிறப்புப் பதவிகளுக்கு கூடுதல் சான்றிதழ்கள் தேவைப்படலாம்.</p>
<p><strong>வகை 3 (ஜூனியர் இன்ஜினியர், ஸ்டெனோகிராபர், உதவியாளர் போன்றவை):</strong></p>
<p>சம்பந்தப்பட்ட துறையில் பட்டப்படிப்பு அல்லது டிப்ளமோ.<br />குறிப்பிட்ட பதவிகளுக்கு, தட்டச்சு அல்லது சுருக்கெழுத்தில் தேர்ச்சி கட்டாயம்.</p>
<p><strong>வயது வரம்பு</strong></p>
<p>குறைந்தபட்ச வயது: 18 ஆண்டுகள்</p>
<p><strong>அதிகபட்ச வயது:</strong></p>
<p>வகை 2 பதவிகள்: 28 ஆண்டுகள்<br />வகை 3 பதவிகள்: 25 ஆண்டுகள்</p>
<p><strong>வயது தளர்வு: </strong></p>
<p>அரசாங்க விதிமுறைகளின்படி பொருந்தும்.</p>
<p>SC/ST: 5 ஆண்டுகள்<br />OBC: 3 ஆண்டுகள்<br />PwBD: 10 ஆண்டுகள்<br /> </p>
<p><strong>ஊதியம்: </strong></p>
<p>மாதம் : ரூ. 71,000 வரை ஊதியம் இருக்கும் என தகவல் தெரிவிக்கிறது.</p>
<p>இந்த பணியிடங்களுக்கான அதிகாரப்பூர்வ அறிவிப்பானது, இந்திய உணவுக் கழகத்தின் சார்பில் இந்த மாதம் வெளியாகும் என்றும் கூறப்படுகிறது. </p>
<p>Also Read: <a title="TN Rain: மக்களே கவனம்.! 5 மாவட்டங்களில் கனமழை வெளுக்கப்போகுது : வானிலை புது அப்டேட்.!" href="https://tamil.abplive.com/news/tamil-nadu/tamilnadu-rain-updates-today-and-tomorrow-and-next-7-days-08-01-2025-to-14-01-2025-check-districts-list-212171" target="_self">TN Rain: மக்களே கவனம்.! 5 மாவட்டங்களில் கனமழை வெளுக்கப்போகுது : வானிலை புது அப்டேட்.!</a></p>
<p><iframe class="vidfyVideo" style="border: 0px;" src="https://tamil.abplive.com/web-stories/india/2025-solar-and-lunar-eclipses-key-dates-and-informations-212035" width="631" height="381" scrolling="no"></iframe></p>
11 months ago
7 
