<p>தமிழ்நாடு இந்து சமய அறநிலையத் துறைக்கு இஸ்லாமிய அமைச்சரை நியமித்ததாக வெளியான தகவல் வெறும் வதந்தி என்று தமிழ்நாடு அரசு தெரிவித்துள்ளது.</p>
<p>தமிழ்நாட்டில் தவெக 108 தொகுதிகளில் வெற்றி பெற்று, கூட்டணிக் கட்சிகளின் ஆதரவுடன் ஆட்சி அமைத்துள்ளது. முதலமைச்சராக கடந்த 10ஆம் தேதி <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> பதவியேற்ற நிலையில், அவருடன் புஸ்ஸி ஆனந்த், செங்கோட்டையன், அருண் ராஜ், ஆதவ் அர்ஜுனா, வெங்கட்ரமணன், ராஜ்மோகன், காரைக்குடி பிரபு, கீர்த்தனா ஆகியோர் மட்டுமே அமைச்சர்களாக பொறுப்பேற்றனர். எனினும் அவர்களுக்கு இதுவரை துறைகள் ஒதுக்கப்படவில்லை.</p>
<h2><strong>பெரும்பான்மையை நிரூபித்த தவெக</strong></h2>
<p>இன்று (மே 13) நம்பிக்கை வாக்கெடுப்பு எடுக்கப்பட்டு, தவெக பெரும்பான்மையை நிரூபித்துள்ளது. இந்த நிலையில், <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அமைச்சரவை விரிவாக்கம் தொடங்க உள்ளது.</p>
<p>இதற்கான பட்டியல் தயார் செய்யப்பட்டு வருகிறது. இந்த நிலையில், தமிழ்நாடு அரசின் இந்து சமய அறநிலையத்துறைக்கு இஸ்லாமியரை அமைச்சராக நியமித்துள்ளதாக சமூக வலைதளங்களில் தகவல் பரப்பப்படுகிறது. எனினும் இந்தத் தகவலை தமிழ்நாடு அரசு மறுத்துள்ளது.</p>
<blockquote class="twitter-tweet">
<p dir="ltr" lang="ta">தமிழ்நாடு இந்துசமய அறநிலையத்துறைக்கு <br />இஸ்லாமிய அமைச்சரை நியமித்ததாக வதந்தி ! <a href="https://twitter.com/CMOTamilnadu?ref_src=twsrc%5Etfw">@CMOTamilnadu</a> <a href="https://twitter.com/TNDIPRNEWS?ref_src=twsrc%5Etfw">@TNDIPRNEWS</a> <a href="https://t.co/AvM3DHQNVX">pic.twitter.com/AvM3DHQNVX</a></p>
— TN Fact Check (@tn_factcheck) <a href="https://twitter.com/tn_factcheck/status/2054434716544344117?ref_src=twsrc%5Etfw">May 13, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<h2><strong>உண்மை என்ன?</strong></h2>
<p>இதுகுறித்து தமிழ்நாடு தகவல் சரிபார்ப்பகம் வெளியிட்டுள்ள எக்ஸ் பதிவில், ’’இது முற்றிலும் பொய்யான செய்தி.</p>
<p>தமிழ்நாடு அரசு அதிகாரப்பூர்வமாக இந்து சமய அறநிலையத் துறைக்கு அமைச்சரை நியமிக்கவில்லை. ஆனால் அறநிலையத்துறைக்கு ஒரு இஸ்லாமியரை அமைச்சராக நியமித்துள்ளதாக சமூக வலைதளங்களில் வதந்திகள் பரப்பப்படுகிறது.</p>
<p>வதந்தியைப் பரப்பாதீர்’’ என்று தமிழ்நாடு தகவல் சரிபார்ப்பகம் தெரிவித்துள்ளது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/health/how-to-reduce-acne-in-summer-easy-tips-260139" width="631" height="381" scrolling="no"></iframe></p>
3 weeks ago
4 
