<p>"நமது தொண்டர்களை, நிர்வாகிகள் மதித்து நடக்க வேண்டும்; தொண்டர்களை காக்க வேண்டிய கடமை அமைச்சர்களுக்கும் , மாவட்ட செயலாளர்களுக்கும் உண்டு" என முதலமைச்சர் ஸ்டாலி பேசியுள்ளார். </p>
<p><strong>திமுக செயற்குழு கூட்டம்:</strong></p>
<p>திமுக செயற்குழு கூட்டமானது, இன்று சென்னையில் உள்ள அண்ணா அறிவாலயத்தில் நடைபெற்றது. இக்கூட்டத்தில் திமுக தலைவரும் முதலமைச்சர் ஸ்டாலின் , பொதுச் செயலாளர் துரைமுருகன், ஆர். எஸ். பாரதி கனிமொழி உள்ளிட்ட தலைவர்கள் கலந்து கொண்டனர். இக்கூட்டத்தில் 12 தீர்மானங்கள் நிறைவேற்றப்பட்டுள்ளன. ஒரே நாடு ஒரே தேர்தல் மசோதாவுக்கு எதிராக தீர்மானம் மற்றும் அமித்சாவுக்கு எதிரான தீர்மானம் உள்ளிட்ட 12 தீர்மானங்கள் நிறைவேற்றப்பட்டன.</p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2024/12/22/0dd16fa10c4471d37c545395819674e71734867805382572_original.jpg" width="813" height="1016" /></p>
<p><strong>200 தொகுதி:</strong></p>
<p>அப்போது முதலமைச்சர் ஸ்டாலின் பேசியதாவது, “ 2026 தேர்தலிலும் திமுக ஆட்சிதான் . 200 தொகுதிகளுக்கு மேல் திமுக வெல்லும் . ஆணவத்தில் பேசவில்லை கலைஞரின் படை இருக்கிறது என்ற நம்பிக்கையில் பேசுகிறேன். நமது தொண்டர்களை, நிர்வாகிகள் மதித்து நடக்க வேண்டும். தொண்டர்களை காக்க வேண்டிய கடமை அமைச்சர்களுக்கும் , மாவட்ட செயலாளர்களுக்கும் உண்டு.</p>
<p>திமுகவின் தொடர் வெற்றிக்கு காரணம் கொள்கை கூட்டணி. எதிர்க்கட்சிகள் வாக்குகளை பிரிக்க தனித்தனியாக வந்தாலும் சரி, சேர்ந்து வந்தாலும் சரி 2026 தேர்தலில் திமுக கூட்டணிதான் வெற்றி பெறும்.</p>
<p>Also Read; <a title="TN Rain: திரும்பி வரும் காற்றழுத்தத்தால் ட்விஸ்ட்: நாளை மறுநாள் கனமழை இருக்கும் .!" href="https://tamil.abplive.com/news/chennai/tamilnadu-rain-updates-today-and-tomorrow-and-next-7-days-chennai-rain-more-details-210540" target="_self">TN Rain: திரும்பி வரும் காற்றழுத்தத்தால் ட்விஸ்ட்: நாளை மறுநாள் கனமழை இருக்கும் .!</a></p>
<p><strong>எதிர்க்கட்சித் தலைவர் மீது விமர்சனம்:</strong></p>
<p>மத்திய அரசு மற்றும் பிரதமர் மோடிக்கு எதிராக பேசாமல் , திமுக என்றால் மட்டும் இபிஎஸ் கத்தி பேசுகிறார். அம்பேத்கருக்கு எதிராக பேசி அமித்சாவுக்கு எதிராக பழனிசாமி பேசினாரா, பழனிசாமி என்னதான் கதறினாலும், அவருடைய துரோகங்களும் குற்றங்களும் ஞாபகம் வரும். காற்றில் கணக்கு போட்டு, கற்பனையில் கோட்டை கட்டுகிறார்</p>
<p>திராவிட மாடல் ஆட்சியில், பார்த்து பார்த்து நலத்திட்டங்களை செயல்படுத்துகிறோம். இந்தியாவில், எந்த மாநிலங்களிலும் செயல்படுத்த முடியாத திட்டங்களை செயல்படுத்துகிறோம் என <a title="முதலமைச்சர் ஸ்டாலின்" href="https://tamil.abplive.com/topic/cm-mk-stalin" data-type="interlinkingkeywords">முதலமைச்சர் ஸ்டாலின்</a> பேசினார். </p>
<p><iframe class="vidfyVideo" style="border: 0px;" src="https://tamil.abplive.com/web-stories/spiritual/christmas-practice-through-years-210266" width="631" height="381" scrolling="no"></iframe></p>
<p> </p>
1 year ago
7 
