CBSE 12th Result 2026: எதிர்பார்த்து காத்திருக்கும் மாணவர்கள்; எப்போது பிளஸ் 2 சிபிஎஸ்இ தேர்வு முடிவுகள்? எப்படி காண்பது?

<p>பிளஸ் 2 சிபிஎஸ்இ பொதுத்தேர்வு முடிவுகள் ஏப்ரல் கடைசியிலோ மே முதல் வாரத்திலோ நிச்சயம் வெளியாகும் என்று தகவல் வெளியாகி உள்ளது.</p> <p>2026ஆம் ஆண்டு சிபிஎஸ்இ 12ஆம் வகுப்பு பொதுத்தேர்வுகள் பிப்ரவரி மற்றும் மார்ச் மாதங்களில் நடைபெற்றன. பிப்.17ஆம் தேதி பொதுத் தேர்வுகள் தொடங்கிய நிலையில ஏப்ரல் 10 வரையிலும் தேர்வுகள் நடைபெற்றன.&nbsp; இந்தத் தேர்வை நாடு முழுவதும் மற்றும் 26 வெளிநாடுகளில் சுமார் 46 லட்சம் மாணவ, மாணவிகள் எழுதி இருந்தனர். விடைத்தாள் திருத்தும் பணிகள் முழுமையாக நிறைவடைந்த நிலையில், மதிப்பெண்களை இணையதளத்தில் பதிவேற்றும் இறுதிக்கட்டப் பணிகளும் நடந்து முடிந்தன.</p> <p>இந்த நிலையில் வெகு விரைவில் 12ஆம் வகுப்புப் பொதுத்தேர்வு முடிவுகள் வெளியாகும் என்று கூறப்படுகிறது.</p> <p><strong>முடிவுகளை எங்கு காணலாம்</strong><strong>?</strong></p> <p>12ஆம் வகுப்பு பொதுத்தேர்வு முடிவுகளை மாணவர்கள் சிபிஎஸ்இ-ன் இணைய தளங்களான <strong>cbseresults.nic.in,</strong><strong>&nbsp;</strong><strong>cbse.nic.in</strong>&nbsp;மற்றும்&nbsp;<strong>results.cbse.nic.in</strong>&nbsp;ஆகியவற்றில் தெரிந்து கொள்ளலாம்.</p> <p><strong>5 </strong><strong>வழிகள் என்னென்ன</strong><strong>?</strong></p> <p>தேர்வு முடிவுகள் வெளியாகும் நேரத்தில் ஒரே சமயத்தில் பல லட்சம் பேர் இணையதளத்தைப் பயன்படுத்துவதால் சர்வர் முடங்க வாய்ப்புள்ளது. அதனால் இணையதளங்கள் தவிர்த்து வேறு 4 வழிகளிலும் தேர்வு முடிவுகளைக் காணலாம். &nbsp;</p> <ul> <li>டிஜி லாக்கர் (DigiLocker) செயலி,</li> <li>உமாங் (UMANG) செயலி</li> <li>எஸ்எம்எஸ் (SMS)</li> <li>ஐவிஆர்எஸ் 24300699 (டெல்லி), 011- 24300699 (பிற பகுதிகள்)</li> </ul> <p>ஆகியவற்றின் வழியாகவும் முடிவுகளை அறிந்துகொள்ளலாம்.&nbsp;</p> <p><br /><img src="https://feeds.abplive.com/onecms/images/uploaded-images/2026/04/21/3626301c8a21e152ebd59d18f32782c217767599655291329_original.png" width="720" /></p> <p><strong>இணையதளத்தில்</strong>&nbsp;<strong>முடிவுகளை</strong>&nbsp;<strong>எப்படிப்</strong>&nbsp;<strong>பார்ப்பது</strong><strong>?</strong></p> <ol> <li>முதலில்&nbsp;<strong>cbseresults.nic.in</strong>&nbsp;என்னும் அதிகாரப்பூர்வ சிபிஎஸ்இ இணையதளத்திற்குச் செல்லவும்.</li> <li>முகப்புப் பக்கத்தில் புதிதாகத் தோன்றும் CBSE Class 12 Board Exam Results என்ற லிங்க்கை கிளிக் செய்ய வேண்டும்.</li> <li>இப்போது திரையில் தோன்றும் புதிய பக்கத்தில், மாணவரின் தேர்வுப் பதிவு எண் (Roll Number), பள்ளியின் எண் (School Number), அட்மிட் கார்டு ஐடி (Admit Card ID) மற்றும் பிறந்த தேதி ஆகிய விவரங்களைச் சரியாக உள்ளீடு செய்ய வேண்டும்.</li> <li>அனைத்து விவரங்களையும் பூர்த்தி செய்த பின் 'Submit' பட்டனை அழுத்தினால், உங்களுக்கான தேர்வு முடிவுகள் மற்றும் மதிப்பெண் பட்டியல் திரையில் தோன்றும்.</li> <li>எதிர்காலத் தேவைக்காக அந்த மதிப்பெண் பட்டியலைப் பதிவிறக்கம் செய்துகொள்ளலாம்.</li> </ol> <p><strong>குறுஞ்செய்தி மூலம்</strong></p> <p>2026 12ஆம் வகுப்பு தேர்வு முடிவுகளை அறிய cbse12 &lt;roll number&gt; &lt;school number&gt; &lt;centre number&gt; என்று டைப் செய்து, <strong>7738299899</strong>&nbsp;என்ற எண்ணுக்கு அனுப்பலாம் என்று தெரிவிக்கப்பட்டுள்ளது.&nbsp;</p> <p>கடந்த 2025ஆம் ஆண்டு 10, 12 என இரு வகுப்பு தேர்வு முடிவுகளும் மே 13ஆம் தேதி வெளியிடப்பட்டன. அதேபோல 2026ஆம் ஆண்டு 10ஆம் வகுப்பு பொதுத்தேர்வு முடிவுகள் ஏப்ரல் 15 வெளியானது குறிப்பிடத்தக்கது.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/health/is-it-good-to-eat-watermelon-at-night-or-not-257830" width="631" height="381" scrolling="no"></iframe></p>