CAT 2025: ஐஐஎம்களில் MBA கனவா? விண்ணப்பம் தொடக்கம், கடைசி தேதி, தேர்வு நாள் & முக்கிய விவரங்கள் இதோ!

<p><strong>CAT 2025 Notification:&nbsp;</strong>ஐஐஎம் உள்ளிட்ட மேலாண்மை கல்வி நிறுவனங்களில் எம்பிஏ படிப்பதற்காக நடத்தப்படும் CAT தேர்வுக்கான அறிவிக்கையை ஐஐஎம் கோழிக்கோடு வெளியிட்டுள்ளது.</p> <p>CAT தேர்வு என்பது, எம்பிஏ படிக்க நடத்தப்படும் பொது நுழைவுத் தேர்வு ஆகும். ஆண்டுதோறும் ஐஐஎம்களில் ஒன்று இந்தத் தேர்வை நடத்தும். 2025ஆம் ஆண்டுக்கான தேர்வை ஐஐஎம் கோழிக்கோடு நடத்தும் நிலையில், அதற்கான அறிவிக்கை தற்போது வெளியாகி உள்ளது.</p> <p><strong>விண்ணப்பிப்பது எப்போது?</strong></p> <p>இந்தத் தேர்வுக்கு ஆர்வமும் தகுதியும் உள்ள தேர்வர்கள், ஆகஸ்ட் 1ஆம் தேதி காலை 10 மணி முதல் விண்ணப்பிக்கலாம். இதற்கு செப்டம்பர் 13 மாலை 5 மணி கடைசித் தேதி ஆகும். &nbsp;&nbsp;&nbsp;</p> <p><strong>தேர்வு எப்போது? (CAT 2025 Exam Date)</strong></p> <p>CAT 2025 தேர்வு நவம்பர் 30ஆம் தேதி, 3 அமர்வுகளாக நடைபெற உள்ளது. இதற்கான அனுமதிச் சீட்டுகள் நவம்பர் 5ஆம் தேதி முதல் 30ஆம் தேதி வரை இருக்கும்.</p> <p><strong>விண்ணப்பக் கட்டணம் எவ்வளவு?</strong></p> <ul> <li>எஸ்சி, எஸ்டி மற்றும் மாற்றுத் திறனாளி விண்ணப்பதாரர்களுக்கு ரூ.1,300</li> <li>மற்ற அனைத்து பிரிவு மாணவர்களுக்கும் ரூ.2,600</li> </ul> <p>நீங்கள் எத்தனை ஐஐஎம்கள் அல்லது பங்கேற்கும் பிற கல்வி நிறுவனங்களுக்கும் விண்ணப்பிக்கலாம். அதற்கு, ஒரு முறை மட்டுமே கட்டணத்தைச் செலுத்தினால் போதும். அதே நேரத்தில் இந்தக் கட்டணத்தைத் திரும்பப் பெற முடியாது.</p> <p><strong>யாரெல்லாம் விண்ணப்பிக்கலாம்?</strong></p> <p>CAT இணையதளத்தில் பட்டியலிடப்பட்டுள்ள குறைந்தபட்ச கல்வித் தேவைகளைப் பூர்த்தி செய்யும் பட்டதாரிகள் விண்ணப்பிக்கலாம். எனினும் ஒவ்வொரு ஐஐஎம்முக்கும் பிரத்யேக தேர்வு செயல்முறை உள்ளதால், அதைக் கவனத்தில் கொள்ள வேண்டியது முக்கியம்.</p> <p><strong>தேர்வு எங்கு நடத்தப்படும்?</strong></p> <p>இந்தியாவில், சுமார் 170 நகரங்களில் கணினி மூலம் கேட் தேர்வு நடத்தப்படுகிறது.</p> <p><strong>தேர்வு முடிவுகள் எப்போது?</strong></p> <p>CAT 2025 தேர்வு முடிவுகள் 2026ஆம் ஆண்டு ஜனவரி மாதம், முதல் வாரத்தில் வெளியாகலாம் என்று எதிர்பார்க்கப்படுகிறது.</p> <p><strong>எந்த நிறுவனங்கள் கேட் மதிப்பெண்களை ஏற்றுக்கொள்கின்றன?</strong></p> <p>நாடு முழுவதும் உள்ளஅனைத்து (21) ஐஐஎம்களும் இந்த மதிப்பெண்களைப் பயன்படுத்திக் கொள்கின்றன. 100க்கும் மேற்பட்ட ஐஐஎம் அல்லாத நிறுவனங்களும் CAT மதிப்பெண்களை ஏற்றுக்கொள்கின்றன. iimcat.ac.in-ல் முழுப் பட்டியலையும் நீங்கள் பார்க்கலாம்.</p> <p>கூடுதல் தகவல்களுக்கு: <a href="https://www.iimcal.ac.in/sites/default/files/2025-07/CAT-2025.pdf">https://www.iimcal.ac.in/sites/default/files/2025-07/CAT-2025.pdf</a></p>