<p>ஊட்டச்சத்து மிகுந்த அவகடோ ப்ரியரா? இதோ, பனீர், அவகடோ வைத்து சப்பாத்தி செய்து லன்ச், இரவு உணவு என எளிதாக செய்து முடித்துவிடலாம். </p>
<h2>அவகடோ ரொட்டி</h2>
<p><strong>தேவையான பொருட்கள்</strong></p>
<p>கோதுமை மாவு அல்லது மல்டி க்ரெயில் மாவு - இரண்டு கப்</p>
<p>இளஞ்சூடான நீர் - ஒரு கப்</p>
<p>பனீர் - 300 கிராம்</p>
<p>அவகடோ - 1 </p>
<p>நெய் - ஒரு டேபிள் ஸ்பூன்</p>
<h2><strong>செய்முறை</strong></h2>
<ul>
<li>முதலில் பனீர்,தோல் நீக்கிய அவகடோ உடன் சிறிதளவு உப்பு சேர்த்து மிக்ஸியில் நன்றாக அரைத்துகொள்ள வேண்டும்.</li>
<li>கோதுமை மாவில் அரைத்த அவகடோ விழுது, உப்பு, ஒரு டேபிள் ஸ்பூன் நெய் சேர்த்து இளம் சூடான நீரை ஊற்றி சப்பாதி மாவு பதத்தில் தயார் செய்யவும். 20 நிமிடங்கள் ஊற விடவும். பால், நெய் சேர்க்கலாம். </li>
<li>தயாராக வைத்துள்ள கோதுமை மாவில் சப்பாத்தி செயவ்தற்காக உருட்டி, மிதமான தீயில் தோசைக் கல்லில் கொஞ்சம் நெய் அல்லது எண்ணெய் தடவி சூடானதும் அவகடோ ரொட்டியை போட்டு இரு புறமும் பொன்னிறமாகும் வரை வேக விடவும். இதை எண்ணெய் சேர்க்காமலும் செய்யலாம்.</li>
<li>இதோடு, தயிர், புதினா சட்னி, தக்காளி தொக்கு உள்ளிட்டவற்றுடன் சேர்த்து சாப்பிடுவது சுவையாக இருக்கும்.</li>
</ul>
<p><strong>முருங்கைக்கீரை பராத்தா செய்முறை:</strong></p>
<ul>
<li>கோதுமை மாவில் வேக வைத்து அரைத்த பாலக்கீரை விழுது, உப்பு சேர்த்து இளம் சூடான நீரை ஊற்றி சப்பாதி மாவு பதத்தில் தயார் செய்யவும். 20 நிமிடங்கள் ஊற விடவும். இதில் பால், நெய் சேர்க்கலாம். </li>
<li>ஸ்டஃப்பிங்கிற்கு முருங்கைக்கீரையை கொஞ்ச நேரம் வேக வைத்து மிக்ஸியில் விழுதாக அரைக்கவும். அதோடு, பொடியாக நறுக்கிய பச்சை மிளகாய், வெங்காயம் மிளகாய் தூள், உப்பு ஆகியவற்றை நன்றாக வதக்கி சேர்த்து நன்றாக கலக்கி வைக்கவும். </li>
<li>தயாராக வைத்துள்ள கோதுமை மாவில் சப்பாத்தி செயவ்தற்காக உருட்டி அதில் ஸ்டஃபிங்கை கொஞ்சம் வைத்து மீண்டும் தேய்த்தெடுக்கவும்.</li>
<li>மிதமான தீயில் தோசைக் கல்லில் கொஞ்சம் நெய் அல்லது எண்ணெய் தடவி சூடானதும் பனீர் பராத்தாவை போட்டு இரு புறமும் பொன்னிறமாக வெந்ததும் எடுக்கவும்.</li>
<li>சுட சுட பாலக் முருங்கைக்கீரை பராத்தா, தயிர், நறுக்கிய வெங்காயம், சேர்த்து சாப்பிடலாம். </li>
<li>அடை செய்யும்போது அதில் முருங்கைக்கீரை சேர்ப்பது மிகவும் நல்லது. </li>
</ul>
<hr />
<p> </p>
1 year ago
11 
