Asia Cup IND Vs PAK: வெளுத்துக்கட்டிய அபிஷேக் ஷர்மா- திலக் வர்மா! பாகிஸ்தான் அணியை ஓடவிட்ட இந்திய அணி!

2 months ago 5

ARTICLE AD

ஆசிய கோப்பை டி20 போட்டிகளின் சூப்பர் 4 சுற்றில், துபாயில் நேற்று (செப்டம்பர் 21) இந்தியா-பாகிஸ்தான் அணிகள் மோதின. இந்த ஆட்டத்தில் இந்திய அணி 6 விக்கெட் வித்தியாசத்தில் பாகிஸ்தானை வீழ்த்தி வெற்றி பெற்றது. <h2 class="pf0">இந்தியா - பாகிஸ்தான்:</h2> ஐக்கிய அரசு அமீரகத்தில் ஆசியக் கோப்பை டி20 கிரிக்கெட் போட்டிகள் நடைபெற்று வருகின்றன. குரூப் ஆட்டங்கள் முடிவடைந்த நிலையில் தற்போத சூப்பர் 4 ஆட்டங்கள் நடைபெற்று வருகின்றன.ஏற்கனவே, குரூப் ஏ பிரிவு ஆட்டத்தில், இந்தியா பாகிஸ்தானை 7 விக்கெட்டுகள் வித்தியாசத்தில் வென்றது. இந்த நிலையில், , இன்றைய போட்டியில் டாஸ் வென்ற இந்திய அணி பந்துவீச்சை தேர்வு செய்தது.இதைத் தொடர்ந்து, பாகிஸ்தான் அணி பேட்டிங் செய்ய களமிறங்கிய நிலையில், தொடக்க ஆட்டக்காரர்களாக ஃபர்ஹானும், ஃபக்கர் ஜமானும் களமிறங்கினர். அவர்கள் இருவரும் சிறப்பான துவக்கத்தை கொடுத்த போதிலும், 15 ரன்கள் எடுத்திருந்த நிலையில், ஹர்திக் பாண்டியாவின் பந்துவீச்சில், சஞ்சு சாம்சனிடம் கேட்ச் கொடுத்து ஆட்டமிழந்தார் ஃபக்கர் ஜமான். இதைத் தொடர்ந்து செய்ம் அயுப் களமிறங்கினார். மறுமுனையில் ஃபர்ஹான் சிறப்பான ஆட்டத்தை வெளிப்படுத்தினார். இந்நிலையில், 21 ரன்களை எடுத்திருந்த அயுப், ஷிவம் தூபே வீசிய பந்தில், அபிஷேக் ஷர்மாவிடம் கேட்ச் கொடுத்து ஆட்டமிழந்தார். அவரைத் தொடர்ந்து வந்த ஹுசைன் தாலத், 10 ரன்கள் மட்டுமே எடுத்து, குல்தீப் யாதவின் பந்தில், வருண் சக்கரவர்த்தியிடம் கேட்ச் கொடுத்து ஆட்டமிழந்தார். இவரைத் தொடர்ந்து முகம்மது நவாஸ் களமிறங்கினார். இந்த சூழலில், மறுமுனையில் அரை சதத்தை பூர்த்தி செய்து சிறப்பாக ஆடிவந்த ஃபர்ஹான், 3 சிக்சர்கள், 5 பவுண்டரிகளுடன் 58 ரன்கள் எடுத்திருந்த நிலையில், ஷிவம் தூபே பந்துவீச்சில், சூர்யகுமார் யாதவிடம் கேட்ச் கொடுத்து ஆட்டமிழந்தார். இதைத் தொடர்ந்து, முகம்மது நவாசுடன் ஜோடி சேர்ந்தார் சல்மான் அலி அகா இருவரும் இணைந்து ஒரு சிறிய பார்ட்னர்ஷிப்பை ஏற்படுத்திய நிலையில், முகம்மது நவாஸ் 21 ரன்களில் ரன் அவுட் ஆனார். அதைத் தொடர்ந்து வந்த ஃபகீம் அஷ்ரஃப் சிறப்பான ஆட்டத்தை வெளிப்படுத்தினார். இதையடுத்து, 20 ஓவர்களில் பாகிஸ்தான் அணி 171 ரன்களை எடுத்தது. சல்மான் அலி அகா 17 ரன்களுடனும், ஃபகீம் அஷ்ரஃப் 8 பந்துகளில் 20 ரன்களுடனும் ஆட்டமிழக்காமல் இருந்தனர்.  இந்திய தரப்பில், ஷிவம் தூபே 2 விக்கெட்டுகளையும், ஹர்திக் பாண்டியா, குல்தீப் யாதவ் தலா ஒரு விக்கெட்டையும் வீழ்த்தினர். <h2 class="pf0">வெளுத்து வாங்கிய அபிஷேக் ஷர்மா - திலக் வர்மா:</h2> இந்த நிலையில் 172 ரன்கள் எடுத்தால் வெற்றி என்ற இலக்குடன் இந்திய அணி களம் இறங்கியது. அதன்படி இந்திய அணியின் தொடக்க ஆட்டக்காரர்களாக அபிஷேக் ஷர்மா மற்றும் சுப்மன் கில் ஆகியோர் களம் இறங்கினார்கள்.இருவரின் ஆட்டத்திலும் அனல் பறந்தது. பாகிஸ்தான் அணியின் பந்துகளை நாலாபுறமும் இந்த ஜோடி பறக்கவிட்டது. 100 ரன்களை கடந்தது இவர்களது ஜோடி. 28 பந்துகளில் சுப்மன் கில் 8 பவுண்டரிகளை விளாசி 47 ரன்களை குவித்தார்.இவரது விக்கெட்டை தொடர்ந்து இந்திய அணியின் கேப்டன் சூர்யகுமார் யாதவ் களத்திற்கு வந்தார். 3 பந்துகளில் டக் அவுட் ஆகி வெளியேறினார். மறுபுறம் அபிஷேக் ஷர்மா சிறப்பாக விளையாடி 39 பந்துகளில் 6 பவுண்டரிகள் 5 சிக்ஸர்கள் என மொத்தம் 74 ரன்களை குவித்து விக்கெட்டானார். பின்னர் களம் இறங்கிய திலக் வர்மா 30 ரன்கள் எடுத்து களத்தில் நின்றனார். சஞ்சு சாம்சன் 13 ரன்களில் நடையைக்கட்ட ஹர்திக் பாண்டியா 7 ரன்கள் எடுத்து களத்தில் நின்றார். இவ்வாறாக 18.5 ஓவர்கள் முடிவில் இந்திய அணி 6 விக்கெட்டுகள் வித்தியாசத்தில் இழப்பிற்கு 174 ரன்கள் எடுத்து பாகிஸ்தானை வீழ்த்தி வெற்றி பெற்றது.

Read Entire Article