Admk Dhanapal : அதிமுகவில் இருந்து விலகிவிட்டேன்.! இது தான் காரணம்- முன்னாள் சபாநாயகர் தனபால் வேதனை

<h2>அதிமுகவில் உட்கட்சி மோதல்</h2> <p>தமிழக சட்டமன்ற தேர்தலில் தவெக ஆட்சியை பிடித்துள்ளது. முதலமைச்சராக விஜய் பதவியேற்றுள்ளார்.&nbsp; இந்த நிலையில் தேர்தலில் 3வது இடத்திற்கு அதிமுக தள்ளப்பட்டுள்ளதால் உட்கட்சி மோதல் காரணமாக பல பிரிவுகளாக அதிமுக பிரிந்துள்ளது. குறிப்பாக அதிமுக பொதுச்செயலாளர் எடப்பாடி பழனிசாமி தலைமையில் ஒரு அணியும், எஸ்.பி.வேலுமணி- சி.வி.சண்முகம் தலைமையில் ஒரு அணியும் என பிரிந்துள்ளது.&nbsp;</p> <p>இந்த நிலையில் அதிமுக ஆட்சி காலத்தில் சபாநாயகராக இருந்த தனபால் அதிமுகவில் இருந்து விலகிவிட்டதாக தெரிவித்துள்ளார். இன்று முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> தலைமையிலான அமைச்சரவை விரிவாக்கம் செய்யப்பட்டது. இதில் தவெக சார்பில் போட்டியிட்டு வெற்றி பெற்ற முன்னாள் சபாநாயகர் தனபாலின் மகன் லோகேஷ் அமைச்சராக பொறுப்பேற்றார்.</p> <h2>அதிமுகவில் இருந்து விலகிவிட்டேன்</h2> <p>இந்த நிகழ்ச்சியில் கலந்து கொண்ட தனபால் செய்தியாளர்களிடம் கூறும்போது, தாம் அதிமுகவில் இருந்து விலகி விட்டதாகவும், உடல் நிலை சரியில்லாமல் வீட்டில் இருப்பதாகவும் தெரிவித்தார். எனது மகன் புதிய அரசில் அமைச்சரவையில் இடம்பிடித்துள்ளார் . இந்த நிகழ்ச்சியை பார்ப்பதற்காக வந்தேன். நான் பல பதவிகளை வகித்துள்ளேன். தற்போது எனது மகன் அந்த இடத்திற்கு சென்றுள்ளது மகிழ்ச்சி அளிக்கிறது என தெரிவித்தார்.&nbsp;</p> <p>அதிமுகவில் பல வகையில் என்னை புறக்கணித்தார்கள். எனக்கு முக்கியத்துவம் கொடுக்கவில்லை. அதனில் விலகி விட்டேன். எனது மகன் கோபித்து கொண்டு <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a>வில் இணைந்துவிட்டார். அதிமுக தலைவர்கள் தவறு செய்தார்கள்&nbsp; தற்போது அனுபவிக்கிறார்கள். எல்லோரையும் புறக்கணித்தார்கள் இன்று மக்கள் அவர்களை புறக்கணித்துள்ளார்கள்.</p> <p><iframe title="YouTube video player" src="https://www.youtube.com/embed/y19IW41Bs8w?si=HmA4jsl3afgk-CsQ" width="560" height="315" frameborder="0" allowfullscreen="allowfullscreen"></iframe></p> <h3>அதிமுக பிளவு - மனம் நொந்துள்ளது</h3> <p>எம்ஜிஆர், ஜெயலலிதா ஆட்சி காலத்தில் சைக்கிளில் சென்று பிரச்சாரம் செய்தேன். ஆனால் எனக்கு முக்கியத்துவம் கொடுக்காத காரணத்தால்&nbsp; மனம் நொந்து விலகி வந்துள்ளேன். நான் வளர்த்த அதிமுக இப்போது நிலையை பார்த்து வருத்தமாக உள்ளது. ஆனால் தற்போது அவர்களது தவர்களுக்கு மகிழ்சியோடு பார்க்கிறேன் என தனபால் தெரிவித்தார்.</p> <p><iframe class="vidfyVideo" style="border: 0px;" src="https://tamil.abplive.com/web-stories/auto/what-is-the-mileage-of-bajaj-freedom-125-260838" width="631" height="381" scrolling="no"></iframe></p> <p>&nbsp;</p>