<p>இந்தியாவில் நாளுக்கு நாள் மின்சார வாகனங்களின் பயன்பாடு அதிகரித்து வரும் நிலையில், இ ஸ்கூட்டர்களின் தயாரிப்பு அதிகரித்து வருகிறது. இந்தியாவில் இ ஸ்கூட்டர்களின் தயாரிப்பில் முன்னணியில் திகழும் நிறுவனமாக ஓலா நிறுவனம் பல்வேறு இ ஸ்கூட்டர்களை அறிமுகப்படுத்தியுள்ளது. அதில் மிகவும் முக்கியமான படைப்பு OLA S1 X ஆகும்.</p>
<h2><strong>இ.எம்.ஐ. எவ்வளவு?</strong></h2>
<p>இந்தியாவில் இரு சக்கர வாகனங்கள் அத்தியாவசியமான ஒன்றாக மாறி வரும் நிலையில், பலரும் பொருளாதார சூழல் காரணமாக தவணை முறையிலே இரு சக்கர வாகனங்கள் வாங்கும் சூழலில் உள்ளனர். OLA S1 X இ ஸ்கூட்டரும் தனது வாடிக்கையாளர்களுக்கு இஎம்ஐ சேவையை வழங்குகிறது. </p>
<p>மாதந்தோறும் ரூபாய் 2 ஆயிரத்து 128 தவணை முறையில் செலுத்தினால் இந்த OLA S1 X இ ஸ்கூட்டரை வசப்படுத்த முடியும். இதற்கான தவணைக்காலம் 3 ஆண்டுகள் ஆகும். </p>
<h2><strong>விலை என்ன?</strong></h2>
<p>இந்த OLA S1 X இ ஸ்கூட்டரின் தொடக்க விலை ரூபாய் 66 ஆயிரத்து 659 ஆகும், இதன் டாப் வேரியண்ட் ரூபாய் 1 லட்சத்து 25 ஆயிரத்து 781 ஆகும். இந்த இஎம்ஐ தொகை வேரியண்டிற்கு ஏற்றாற்போலவும், வாடிக்கையாளர் செலுத்தும் அடிப்படைத் தொகையைப் பொறுத்தும் மாறுபடும். </p>
<p>வேரியண்ட்கள்:</p>
<p><strong>1. OLA S1 X 2:</strong></p>
<p>இந்த OLA S1 X 2 வேரியண்டடில் 2 கிலோவாட் பேட்டரி பொருத்தப்பட்டுள்ளது. இது ஒரு முறை சார்ஜ் செய்தால் 108 கிலோமீட்டர் வரை செல்லும் ஆற்றல் கொண்டது. இதில் அதிகபட்சமாக 101 கிலோமீட்டர் வரை செல்லும் ஆற்றல் கொண்டது. இதை சார்ஜ் செய்ய 5 மணி நேரம் ஆகிறது. இதன் விலை ரூபாய் 66 ஆயிரத்து 659 ஆகும்.</p>
<p><strong>2. OLA S1 X 3:</strong></p>
<p>இந்த OLA S1 X 3 வேரியண்டில் 3 கிலோவாட் பேட்டரி பொருத்தப்பட்டுள்ளது. இதை ஒரு முறை சார்ஜ் செய்தால் 176 கிலோமீட்டர் வரை செல்லலாம். அதிகபட்சமாக 115 கிலோமீட்டர் வேகத்தில் செல்லலாம். 7.4 மணி நேரம் சார்ஜிங் செய்ய எடுத்துக்கொள்கிறது. இதன் விலை ரூபாய் 1 லட்சத்து 520 ஆகும்.</p>
<p><strong>3. OLA S1 X 4:</strong></p>
<p>இந்த இ ஸ்கூட்டரின் விலை ரூபாய் 1 லட்சத்து 16 ஆயிரத்து 580. இதை ஒரு முறை சார்ஜ் செய்தால் 242 கிலோமீட்டர் வரை செல்லலாம். அதிகபட்சமாக மணிக்கு 123 கிலோமீட்டர் வேகத்தில் செல்லலாம். இதை சார்ஜ் செய்வதற்கு 6.5 மணி நேரம் ஆகிறது. </p>
<p><strong>4. OLA S1 X Plus:</strong></p>
<p>டாப் வேரியண்டான OLA S1 X Plus இ ஸ்கூட்டரின் விலை ரூபாய் 1 லட்சத்து 25 ஆயிரத்து 781 ஆகும். இதை ஒரு முறை சார்ஜ் செய்தால் 242 கிலோமீட்டர் வரை செல்லலாம். இதில் அதிகபட்சமாக 125 கிலோமீட்டர் வேகத்தில் செல்லலாம். இதை சார்ஜ் செய்வதற்கு 4 மணி நேரம் ஆகிறது. </p>
<p>இந்த இ ஸ்கூட்டர் கருப்பு, சிவப்பு, நீலம், சாம்பல், வெள்ளை ஆகிய வண்ணங்களில் உள்ளது. </p>
<p><iframe class="vidfyVideo" style="border: 0px;" src="https://tamil.abplive.com/web-stories/health/results-of-drinking-cumin-water-on-an-empty-stomach-for-month-255456" width="631" height="381" scrolling="no"></iframe></p>
1 week ago
2 
