<p>2025ஆம் ஆண்டு 12ஆம் வகுப்பு பொதுத்தேர்வில் தேர்ச்சி பெறாத மாணவர்களுக்கு துணைத் தேர்வு கடந்த ஜூன்‌ மற்றும் ஜூலை மாதங்களில் நடைபெற்றது. இந்த நிலையில் பிளஸ் 2 எனப்படும் மேல்நிலை இரண்டாம்‌ ஆண்டு மற்றும்‌ பிளஸ் 1 அரியர் (மார்ச்‌ 2025 பருவத்திற்கு முந்தைய பருவத்தில்‌ தேர்வெழுதி தேர்ச்சி பெறாதோர்‌) துணைத்‌ தேர்வெழுதிய தேர்வர்களுக்கு,‌ தேர்வு முடிவுகள் தற்போது அரசுத் தேர்வுகள் இயக்ககத்தால் வெளியிடப்பட்டுள்ளது.</p>
<p>இந்த மதிப்பெண்‌ பட்டியலை (Statement Of Marks) மாணவர்கள் தற்போது https://www.dge.tn.gov.in/ என்ற இணைய தளம் மூலம் பெறலாம். </p>
<h2><strong>துணைத் தேர்வு முடிவுகளைக் காண்பது எப்படி?</strong></h2>
<ul>
<li><span style="font-family: 'Nirmala UI',sans-serif;">தேர்வர்கள், www.dge.tn.gov.in என்ற இணையதள முகவரிக்குள்‌ செல்லவும். </span></li>
<li><span style="font-family: 'Nirmala UI',sans-serif;">அதில், ரிசல்ட் என்ற வாசகத்தை கிளிக் செய்தால் ஒரு பக்கம் தோன்றும். </span></li>
<li><span style="font-family: 'Nirmala UI',sans-serif;">அதில், HSE Second Year Supplementary Exam, Jun / Jul 2025 - Result -Statement Of Marks Download’ என்ற வாசகத்தை க்ளிக் செய்யவும். </span></li>
<li><span style="font-family: 'Nirmala UI',sans-serif;">அதில், தங்களின் தேர்வெண் மற்றும் பிறந்த தேதி ஆகிய விவரங்களை பதிவு செய்து, மதிப்பெண் பட்டியலைப் பதிவிறக்கம்‌ செய்து கொள்ளலாம்‌ என அரசுத் தேர்வுகள் இயக்ககம் தெரிவித்துள்ளது.</span></li>
</ul>
<p>அடுத்ததாக, தேவைப்படும் மாணவர்கள் விடைத்தாள் நகலுக்கு விண்ணப்பிக்கலாம். இதற்கு விண்ணப்பிக்க விரும்பும்‌ தேர்வர்கள்‌ சம்பந்தப்பட்ட மாவட்ட அரசுத்‌ தேர்வுகள்‌ உதவி இயக்குநர்‌ அலுவலகத்திற்கு நேரில் சென்று விண்ணப்பிக்க வேண்டும். குறிப்பாக, 28.07.2025 ( திங்கட்கிழமை) மற்றும்‌ 29.07.2025 (செவ்வாய்க்கிழமை) ஆகிய இரண்டு நாட்களில்‌ காலை 11.00 மணி முதல்‌ மாலை 5 மணி வரை நேரில்‌ சென்று, விண்ணப்பிக்கலாம்.</p>
<h2><strong>கட்டணம் எவ்வளவு?</strong></h2>
<p><br />ஒவ்வொரு பாடத்திற்கும்‌ ரூ.275,/- கட்டணத்தை பணமாக செலுத்தி பதிவு செய்துகொள்ள வேண்டும்‌. (தென்காசி, கள்ளக்குறிச்சி, திருப்பத்தூர்‌, இராணிப்பேட்டை, மயிலாடுதுறை, செங்கல்பட்டு ஆகிய மாவட்டங்களில்‌ முதன்மைக் கல்வி அலுவலர்‌ அலுவலகத்திற்கு சென்று தேர்வர்கள்‌ பதிவு செய்துகொள்ளலாம்‌.)</p>
<p>தேர்வர்கள் <a href="https://tnegadge.s3.amazonaws.com/notification/HRSEC/1753438438.pdf">https://tnegadge.s3.amazonaws.com/notification/HRSEC/1753438438.pdf </a> என்ற இணைப்பை க்ளிக் செய்து, இதற்கான விண்ணப்பப் படிவத்தைத் தரவிறக்கம் செய்து கொள்ளலாம். </p>
<p>அதில் இருந்து மறு கூட்டல் அல்லது மறு மதிப்பீட்டுக்கு தேர்வர்கள் விண்ணப்பிக்க முடியும். எனினும் இதற்கான தேதிகளை அரசுத் தேர்வுகள் இயக்ககம் இன்னும் அறிவிக்கவில்லை. </p>
<p> </p>
4 months ago
5 
