10th 12th Exam 2026: தேர்வு நேரத்தில் புதிய மாற்றங்கள்! 10, 12ஆம் வகுப்பு மாணவர்களுக்கு முக்கிய அறிவிப்பு! வினாத்தாள் பாதுகாப்பு தீவிரம்!

<p>மேல்நிலை மற்றும் பத்தாம் வகுப்பு பொதுத் தேர்வுகள், 2026 புதிய நடைமுறைகள் அமலுக்கு வர உள்ளதாக பள்ளிக் கல்வித்துறை தெரிவித்துள்ளது.</p> <p>முன்னதாக சென்னை, அண்ணாசாலை, தேவநேயப் பாவாணர் மாவட்ட மைய நூலக முதல் தள அரங்கில் இன்று (16.02.2026) திங்கட்கிழமை நண்பகல் 12 மணியளவில் ஆலோசனைக் கூட்டம் நடைபெற்றது.</p> <p>இதில், மார்ச் / ஏப்ரல் 2026-இல் நடைபெறவுள்ள மேல்நிலை /இடைநிலை பொதுத் தேர்வு தொடர்பாக அனைத்து இணை இயக்குநர்கள் / துணை இயக்குநர்கள் / அனைத்து மாவட்ட முதன்மைக் கல்வி அலுவலர்கள், மாவட்டக் கல்வி அலுவலர்கள் (தொடக்கக்கல்வி/ இடைநிலை /தனியார் பள்ளிகள்) மற்றும் அரசுத் தேர்வுகள் உதவி இயக்குநர்களுக்கான ஆய்வுக் கூட்டமும் மற்றும் முதன்மைக் கல்வி அலுவலர்களுக்கான கல்விசார் ஆய்வுக் கூட்டமும் நடைபெற்றது. அதில் கீழே வரும் முடிவுகள் எடுக்கப்பட்டு உள்ளன.</p> <h2><strong>மடக்கைப் புத்தகங்கள்</strong></h2> <p>மேல்நிலைத் தேர்வில் இயற்பியல், வேதியியல் கணிதம், வணிகக் கணிதம் மற்றும் புள்ளியியல் பாடங்களில் தேர்வெழுதும் தேர்வர்களுக்கு பெரிய எழுத்துக்களில் "A4" அளவிலான மடக்கைப் புத்தகங்கள் (Logarithmic books) 20,000 எண்ணிக்கையில் வழங்கப்படவுள்ளது.</p> <h2><strong>கால்குலேட்டர் வசதி</strong></h2> <p>இவ்வாண்டு முதல் கணக்குப் பதிவியல் பாடத்திற்கும் தேர்வர்கள் "Ordinary Calculator without Programming" கால்குலேட்டர் வழங்கப்பட்டுள்ளது.</p> <p>தேர்விற்கு வருகைபுரிந்த மாணாக்கர்களுக்கு வினாத் தாட்கள் வழங்கிய பின்னர். ஒவ்வொரு தேர்வறையிலும் மீதமுள்ள வினாத்தாட்களை தேர்வறைக் கண்காணிப்பாளர்களே மாணவர்கள் முன்னிலையில் உறையிலிட்டு சீலிடும் முறை நடைமுறைப்படுத்தப்படுகிறது. இந்நடைமுறை காரணமாக, வினாத்தாட்களின் பாதுகாப்புத் தன்மை மேலும் பலப்படுத்தப்படுகிறது.</p> <p><br /><img src="https://feeds.abplive.com/onecms/images/uploaded-images/2026/02/16/517b3c85c99257ee375d7d94e626fca61771228959418332_original.png" width="720" /></p> <h2><strong>ஸ்கிரைப் நியமனம்</strong></h2> <p>"சொல்வதை எழுதுபவர்" சலுகையினைப் பயன்படுத்தும் மாற்றுத் திறனாளித் தேர்வர்களுக்கு வழங்குவதற்கென 5 வினாத்தாட்கள் கொண்ட வினாத்தாள் உறை அறிமுகப்படுத்தப்படுகிறது. இந்நடைமுறை காரணமாக, வினாத்தாட்களின் மந்தணத்தன்மை மேலும் பலப்படுத்தப்படுகிறது.</p> <p>தேர்வுப் பணிகளில் ஆசிரியர்களை முழுமையாக ஈடுபடுத்தும் பொருட்டு, சொல்வதை எழுதுபவர் நியமனங்களில், B.Ed., / DIET/ கலைக் கல்லூரிகள்/ தொழில்நுட்பக் கல்லூரிகளில் இரண்டாமாண்டு பயிலும் மாணாக்கர்கள் மற்றும் இல்லம் தேடிக் கல்வி ஆசிரியர்களைத் தன்னார்வலர்களாக நியமிக்கும் முறை நடைமுறைப்படுத்தப்படவுள்ளது. மேலும், இம்மாணாக்கர்களுக்கு பயிற்சியும் வழங்கப்பட்டு வருகிறது.</p> <h2><strong>இருப்பிட முகவரி சரிபார்ப்பு</strong></h2> <p>இவ்வாண்டு நேரடி தனித் தேர்வர்கள் இருப்பிட முகவரி உறுதி செய்யவும், சார்ந்த மாவட்டங்களில் விண்ணப்பித்தலை உறுதி செய்யவும் ஆதார் அட்டை சரிபார்க்கப்பட்டு விவரங்கள் பதிவேற்றம் செய்யும் வசதி அறிமுகப்படுத்தப்பட்டது என்றும் பள்ளிக் கல்வித்துறை தெரிவித்துள்ளது.</p> <p><iframe class="vidfyVideo" style="border: 0px;" src="https://tamil.abplive.com/web-stories/auto/what-is-the-price-of-the-classic-350-heritage-variant-250370" width="631" height="381" scrolling="no"></iframe></p>