<p>இதுகுறித்து அரசுக்‌ தேர்வுகள்‌ இயக்ககம்‌ தெரிவித்து உள்ளதாவது:</p>
<p>ஜூலை 2025 பத்தாம்‌ வகுப்பு / மேல்நிலை முதலாம்‌ ஆண்டு (+1) துணைத்தேர்வு முடிவுகளை தற்காலிக மதிப்பெண்‌ சான்றிதழ், மதிப்பெண்‌ பட்டியலாக பதிவிறக்கம்‌ செய்துகொள்ளுதல்‌ மற்றும்‌ விடைத்தாள்‌ நகலுக்கு விண்ணப்பிக்கலாம் என்று தெரிவிக்கப்பட்டுள்ளது.</p>
<p><strong>தற்காலிக மதிப்பெண்‌ சான்றிதழ்‌ / மதிப்பெண்‌ பட்டியல்‌ பதிவிறக்கம்‌ செய்தல்‌:</strong></p>
<p>ஜூலை 2025, பத்தாம்‌ வகுப்பு / மேல்நிலை முதலாமாண்டு துணைத்‌ தேர்வெழுதிய தனித்தேர்வர்களுக்கு,‌ 31.07.2025 (வியாழக்‌ கிழமை) பிற்பகல்‌ 2.30 மணிக்கு தேர்வு முடிவுகள் வெளியாகியுள்ளன.</p>
<p><strong>தேர்வு முடிவுகளைக் காண்பது எப்படி?</strong></p>
<ul>
<li>மாணவர்கள் www.dge.tn.gov.in என்ற இணையதள முகவரிக்குள்‌ சென்று RESULT என்ற வாசகத்தை க்ளிக் செய்தால்‌ ஒரு பக்கம் தோன்றும்‌.</li>
<li>அந்த பக்கத்தில்‌ "SSLC / HR SEC FIRST YEAR SUPPLEMENTARY EXAM, JULY-2025 PROVISIONAL CERTIFICATE DOWNLOAD" என்ற வாசகத்தினை க்ளிக் செய்யவும்.</li>
<li>தொடர்ந்து தேர்வர்கள்‌ தங்களது தேர்வெண்‌ மற்றும் பிறந்த தேதி ஆகிய விவரங்களை உள்ளீடு செய்ய வேண்டும்.</li>
<li>பிறகு, தங்களது தேர்வு முடிவினை தற்காலிக மதிப்பெண்‌ சான்றிதழ்களாகவே பதிவிறக்கம்‌ செய்து கொள்ளலாம்‌ என அறிவிக்கப்படுகிறது.</li>
</ul>
<p><strong>॥. விடைத்தாள்‌ நகலுக்கு விண்ணப்பிக்கும்‌ முறை:</strong></p>
<p>விடைத்தாள்‌ நகல்‌ கோரி விண்ணப்பிக்க விரும்பும்‌ தனித்தேர்வர்கள்‌ மேற்காண்‌ இணைய முகவரியில் NOTIFICATION பகுதிக்குச் செல்லவும்.</p>
<p>அதில் தோன்றும் SSLC Examination / Higher Secondary Examination என்ற வாசகத்தை "Click" செய்யவேண்டும். அதில், "SSLC / Hr Sec First Year Supplementary Examination, JULY-2025 SCAN COPY APPLICATION" என்ற வாசகத்தினை க்ளிக் செய்து வெற்று விண்ணப்பத்தினைப்‌ பதிவிறக்கம்‌ செய்துகொள்ள வேண்டும்‌.</p>
<p>தேர்வர்கள்‌ இவ்விண்ணப்பப்‌ படிவத்தினை பூர்த்தி செய்து, 04.08.2025 (திங்கட்கிழமை) காலை 11.00 மணி முதல்‌ 05.08.2025 (செவ்வாய்‌ கிழமை) மாலை 5.00 மணி வரை சம்பந்தப்பட்ட மாவட்ட அரசுத்‌ தேர்வுகள்‌ உதவி இயக்குநர்‌ அலுவலகத்தில்‌ ஒப்படைத்து விண்ணப்பிக்க வேண்டும்‌.</p>
<p>ஒவ்வொரு பாடத்திற்கும்‌ விடைத்தாளின்‌ நகல்‌ பெறுவதற்கான கட்டணம்‌ ரூ.275/-தேர்வர்கள்‌ விண்ணப்பிக்கவுள்ள அலுவலகத்தில்‌ பணமாக செலுத்த வேண்டும்‌. அரசுத்‌ தேர்வுகள்‌ உதவி இயக்குநர்‌ அலுவலக முகவரியை www.dge.tn.gov.in என்ற இணையதள முகவரியில்‌ Press Release என்பதை Click செய்து அறிந்து கொள்ளலாம்‌.</p>
4 months ago
5 
