<p><strong><span style="background-color: #f8cac6;">கீழடியிலும் முசிறியிலும் கிடைக்கப்பெற்ற சூதுபவள மணியால் ஆன பதக்கங்கள் சங்க காலத்தைச் சார்ந்தவை. அதேபோன்று வெம்பக்கோட்டையிலும் கிடைத்திருப்பது சிறப்பாகும்.</span></strong></p>
<p><strong>தொல்லியல் அகழாய்வுப் பணி</strong></p>
<p>தமிழ்நாடு முதலமைச்சர் மு.க. ஸ்டாலின் கடந்த ஜூன் 18-ம் தேதி தலைமைச் செயலகத்தில், தமிழ்நாடு அரசு தொல்லியல் துறை சார்பில் 2024-ஆம் ஆண்டிற்கான அகழாய்வுப் பணிகளின் தொடங்கி வைத்தார். தமிழ்நாடு அரசின் தொல்லியல் துறை மேற்கொண்ட அகழாய்வுகளின் அறிவியல் அடிப்படையிலான பகுப்பாய்வு முடிவுகள் மூலம் தமிழ்நாட்டின் வரலாற்றில் புதிய வெளிச்சம் ஏற்பட்டுள்ளது.</p>
<p>தமிழ்ச் சமூகமானது, கி.மு. ஆறாம் நூற்றாண்டில் படிப்பறிவும் எழுத்தறிவும் பெற்ற மேம்பட்ட சமூகமாக விளங்கியதை கரிமப் பகுப்பாய்வுகளின் முடிவுகள் வாயிலாக உறுதியாக நிலைநிறுத்தியுள்ளது.</p>
<p><strong>தமிழ்நாடு அரசு தொல்லியல் துறை சென்ற ஆண்டில் எட்டு இடங்களில் அகழாய்வு செய்ததைப் போன்று இவ்வாண்டியிலும் எட்டு இடங்களில் அகழாய்வு மேற்கொள்ளப்பட்டு வருகிறது</strong> . <strong>அதன்படி</strong>,<br /> <br />1. கீழடி மற்றும் அதன் அருகிலுள்ள தொல்லியல் தளமான கொந்தகை, சிவகங்கை மாவட்டம் - பத்தாம் கட்டம்<br />2. வெம்பக்கோட்டை, விருதுநகர் மாவட்டம் மூன்றாம் கட்டம்<br />3. கீழ்நமண்டி, திருவண்ணாமலை மாவட்டம் இரண்டாம் கட்டம்<br />4. பொற்பனைக்கோட்டை, புதுக்கோட்டை மாவட்டம் இரண்டாம் கட்டம்<br />5. திருமலாபுரம், தென்காசி மாவட்டம் - முதல் கட்டம்<br />6. சென்னானூர், கிருஷ்ணகிரி மாவட்டம் - முதல் கட்டம்<br />7. கொங்கல்நகரம், திருப்பூர் மாவட்டம் முதல் கட்டம்<br />8. மருங்கூர், கடலூர் மாவட்டம் - முதல் கட்டம்</p>
<p><span style="background-color: #bfedd2;">இந்நிலையில் விருதுநகர் மாவட்டம், வெம்பக்கோட்டையில் நடைபெற்று வரும் 3ம் கட்ட அகழாய்வில் சீறும் திமிலுள்ள காளை உருவம் பொறிக்கப்பட்ட சூதுபவள மணி கண்டெடுக்கப்பட்டுள்ளது.</span></p>
<p>விருதுநகர் மாவட்டம் வெம்பக்கோட்டை அகழாய்வில், கார்னீலியன் என்றழைக்கப்படும் சூதுபவள கல்மணியில் குழிவான முறையில் செதுக்கப்பட்ட திமிலுள்ள காளை கண்டறியப்பட்டுள்ளதாக நிதி அமைச்சர் தங்கம் தென்னரசு தனது "எக்ஸ்" தள பக்கத்தில் தெரிவித்துள்ளார்.</p>
<p><span style="background-color: #f8cac6;"><strong>அமைச்சர் தங்கம் தென்னரசு ”எக்ஸ்” தள பதிவு</strong></span></p>
<p>’இது மோதிரத்தில் பதிப்பிக்கும் வகையில் உள்ளதாகவும். கடந்த இரண்டு கட்ட அகழாய்வில் 15 சூதுபவள கல்ணிகள் மணிகள் கிடைத்த நிலையில் செதுக்கு முறையில் சீறும் திமிலுள்ள காளை உருவம் கிடைக்கப்பெற்றுள்ளது. இதுவே முதல் முறை எனவும் குறிப்பிட்டுள்ளார். இப்பதக்கம் 10.6 மில்லி மீட்டர் சுற்றளவும் 3.6 மில்லி மீட்டர் தடிமனும் 60 மில்லி கிராம் எடையும் கொண்டதாக உள்ளதாகவும், இதுவரையில் சுடுமண்ணால் ஆன திமில் உள்ள காளைகள் கிடைத்த நிலையில் தற்போது சூதுபவள கல்லில் திமிலுள்ள காளை உருவம் பொறிக்கப்பட்டது கிடைத்திருப்பது சிறப்பாக அமைந்துள்ளதாகவும், சூதுபவள மணிகள் செய்யக்கூடிய மூலக்கற்கள் மகாராட்டிரம் மற்றும் குஜராத் மாநிலங்களில் மட்டும் கிடைக்கும் நிலையில் இது போன்று கல்மணிகளில் உருவங்கள் குழிவான முறையில் உருவாக்கப்படும் தொழில்நுட்பம் உரோம் நாட்டில் சிறப்புற்றிருந்ததாகவும் தெரிவித்துள்ளார். </p>
<p><strong>கீழடியைப் போல் சிறப்பு</strong></p>
<p>இதுபோன்று கீழடி, சேரர் துறைமுக நகரமான முசிறி(பட்டணம்) அகழாய்வுகளில் சூதுபவள கல்மணியில் விலங்கின உருவம் பொறிக்கப்பெற்ற பதக்கங்கள் கிடைக்கப்பெற்றுள்ளன. கீழடியில் காட்டுப்பன்றி உருவமும் முசிறியில் பாயும் சிங்கமும் கிடைக்கப்பெற்றுள்ளன.</p>
<p>கீழடியிலும் முசிறியிலும் கிடைக்கப்பெற்ற சூதுபவள மணியால் ஆன பதக்கங்கள் சங்க காலத்தைச் சார்ந்தவை. அதேபோன்று வெம்பக்கோட்டையிலும் கிடைத்திருப்பது சிறப்பாகும்.</p>
<p>இதைப் படிக்க மிஸ் பண்ணாதீங்க பாஸ் - <a title="வெம்பக்கோட்டை அகழ்வாராய்ச்சியில் ஆச்சரியம்; சுடுமண்ணால் ஆன குந்தளம் பாவையின் தலைப்பகுதி கண்டுபிடிப்பு" href="https://tamil.abplive.com/news/madurai/vembakottai-excavation-head-of-kunthalam-bhavai-made-of-flint-has-been-found-in-virudhunagar-district-tnn-189778" target="_blank" rel="dofollow noopener">வெம்பக்கோட்டை அகழ்வாராய்ச்சியில் ஆச்சரியம்; சுடுமண்ணால் ஆன குந்தளம் பாவையின் தலைப்பகுதி கண்டுபிடிப்பு</a></p>
<p>மேலும் செய்திகள் படிக்க - <a title="TVK Vijay : “நடிகர் விஜய் GOATஆ அல்லது FOATஆ”சக்கரவியூகத்தில் நுழையும் த.வெ.க. - நடக்கப்போவது என்ன?" href="https://tamil.abplive.com/news/politics/tvk-flag-thalapathy-vijay-goat-or-foat-will-vijay-join-the-list-ntr-arvind-kejriwal-197707" target="_blank" rel="dofollow noopener">TVK Vijay : “நடிகர் விஜய் GOATஆ அல்லது FOATஆ”சக்கரவியூகத்தில் நுழையும் த.வெ.க. - நடக்கப்போவது என்ன?</a></p>
1 year ago
7 
