வீட்டுக்கு சோலார் மின்சாரம் அமைக்கத் திட்டமா? இந்த ஆவணங்களுடன் முகாமுக்குச் செல்லுங்கள்!

<p>விழுப்புரம் மாவட்டம், திருக்கோவிலூர்: திருக்கோவிலூர் கோட்ட மின்வாரியம் சார்பில், &lsquo;சேவா சேது அபியான்&rsquo; திட்டத்தின் கீழ் வீடுகளில் சூரிய மின்சக்தி (சோலார்) பேனல்கள் அமைப்பதற்கான விண்ணப்பங்களைப் பதிவு செய்யும் சிறப்பு முகாம் வரும் 13-ம் தேதி நடைபெறுகிறது.</p> <p>இதுகுறித்து திருக்கோவிலூர் மின்வாரிய செயற்பொறியாளர் முருகேசன் வெளியிட்டுள்ள செய்திக்குறிப்பில் கூறியிருப்பதாவது:</p> <h2>காலை 9 மணி முதல் மாலை 4 மணி வரை முகாம்</h2> <p>திருக்கோவிலூர் கோட்ட மின்வாரியம் சார்பில், &lsquo;சேவா சேது அபியான்&rsquo; திட்டத்தின் கீழ் சோலார் பேனல் அமைப்பதற்கான விண்ணப்பங்களைப் பதிவு செய்யும் சிறப்பு முகாம் வரும் 13-ம் தேதி காலை 9 மணி முதல் மாலை 4 மணி வரை நடைபெற உள்ளது.</p> <p>இந்த முகாம் திருக்கோவிலூர் அருகே கீழையூர் பகுதியில், கடலூர் மெயின் ரோட்டில் அமைந்துள்ள ஸ்ரீ சிவராஜ் திருமண மண்டபத்தில் நடைபெறுகிறது.<br />கள்ளக்குறிச்சி மேற்பார்வைப் பொறியாளர் முகாமுக்குத் தலைமை தாங்குகிறார். திருக்கோவிலூர் கோட்ட மின்வாரிய செயற்பொறியாளர் முருகேசன் முன்னிலை வகிக்கிறார்.</p> <h2>பொதுமக்கள் பயன்பெற மின்வாரியம் அழைப்பு</h2> <p>இந்தச் சிறப்பு முகாமில் திருக்கோவிலூர் கோட்டத்தைச் சேர்ந்த மின்வாரியப் பொறியாளர்கள், சோலார் பேனல் விற்பனையாளர்கள் மற்றும் பொதுத்துறை வங்கி அலுவலர்கள் பங்கேற்க உள்ளனர். வீடுகளில் சோலார் பேனல்கள் அமைத்து சூரிய மின்சக்தியைப் பயன்படுத்த விரும்பும் பொதுமக்கள் இந்த வாய்ப்பைப் பயன்படுத்திக் கொள்ளுமாறு மின்வாரியம் சார்பில் கேட்டுக்கொள்ளப்பட்டுள்ளது.</p> <h2>விண்ணப்பிக்கத் தேவையான ஆவணங்கள்</h2> <p>சோலார் பேனல் அமைப்பதற்கான விண்ணப்பத்தைப் பதிவு செய்ய முகாமுக்கு வருபவர்கள் கீழ்க்கண்ட ஆவணங்களைக் கட்டாயம் கொண்டு வர வேண்டும் என அறிவுறுத்தப்பட்டுள்ளது.</p> <ul> <li>சமீபத்திய மின் கட்டண ரசீது</li> <li>மின் இணைப்பு உரிமையாளரின் ஆதார் அட்டை</li> <li>வங்கிக் கணக்குப் புத்தகத்தின் முன்பக்க நகல்</li> <li>மொபைல் எண்</li> <li>மின்னஞ்சல் முகவரி</li> <li>மின் இணைப்பு உரிமையாளரின் பாஸ்போர்ட் அளவு புகைப்படம்</li> </ul> <p>எனவே, திருக்கோவிலூர் கோட்டத்துக்கு உட்பட்ட பகுதிகளில் வசிக்கும் பொதுமக்கள் தேவையான ஆவணங்களுடன் முகாமில் பங்கேற்று, சோலார் பேனல் அமைப்பதற்கான விண்ணப்பங்களைப் பதிவு செய்து பயன்பெறலாம் என மின்வாரியச் செயற்பொறியாளர் முருகேசன் தெரிவித்துள்ளார்.</p>