<p class="p1">ஹைதராபாத்தில் திரைப்படம் தொடங்குவதற்கு முன்பு நீண்ட நேரம் விளம்பரங்கள் ஒளிபரப்பப்பட்டதாகக் கூறி தொடரப்பட்ட வழக்கில்<span class="s1">, PVR Cinemas </span>நிறுவனத்துக்கு<span class="s1"> ₹75,000 </span>செலுத்த நுகர்வோர் குறைதீர் ஆணையம் உத்தரவிட்டுள்ளது<span class="s1">.</span></p>
<h2 class="p1"><span class="s1">22 நிமிடங்கள் தாமதமான படம் </span></h2>
<p class="p1">ஹைதராபாத்தைச் சேர்ந்த<span class="s1"> 33 </span>வயது வழக்கறிஞர் ஒருவர் கடந்த<span class="s1"> 2025</span>ஆம் ஆண்டு ஜூன்<span class="s1"> 20</span>ஆம் தேதி தனது நண்பருடன்<span class="s1"> PVR </span>திரையரங்கில்<span class="s1"> ‘</span>குபேரா<span class="s1">’ </span>திரைப்படத்தைப் பார்க்கச் சென்றுள்ளார்<span class="s1">. </span>இரவு<span class="s1"> 10.35 </span>மணிக்கு படம் தொடங்கும் என டிக்கெட்டில் குறிப்பிடப்பட்டிருந்தது<span class="s1">. </span>இதனால் அவர் இரவு<span class="s1"> 10.30 </span>மணிக்கே திரையரங்கிற்குள் சென்று தனது இருக்கையில் அமர்ந்துள்ளார்<span class="s1">.</span></p>
<p class="p1">ஆனால்<span class="s1">, </span>படம் தொடங்குவதற்கு முன்பு தொடர்ந்து விளம்பரங்களும் திரைப்பட முன்னோட்டங்களும் ஒளிபரப்பப்பட்டுள்ளன<span class="s1">. </span>இதனால் இரவு<span class="s1"> 10.52 </span>மணி வரை திரைப்படம் தொடங்கவில்லை என அவர் தனது புகாரில் தெரிவித்துள்ளார்<span class="s1">. </span>இதன்பிறகு பொதுமக்கள் விழிப்புணர்வு தொடர்பான காணொளிகளும் ஒளிபரப்பப்பட்டதாகக் கூறியுள்ளார்<span class="s1">.</span></p>
<p class="p1">படம் தாமதமாகத் தொடங்கியதால்<span class="s1">, </span>அது முடிவடையும் நேரமும் தாமதமானதாக அவர் தெரிவித்துள்ளார்<span class="s1">. </span>இதனால் அதிகாலை<span class="s1"> 3 </span>மணியளவில் தான் வீட்டுக்குச் சென்றதாகவும்<span class="s1">, </span>இரவு நேரத்தில் ஏற்பட்ட இந்த தாமதம் தனக்கு அசௌகரியத்தை ஏற்படுத்தியதாகவும் குறிப்பிட்டுள்ளார்<span class="s1">. </span>இதையடுத்து விளம்பரங்களுக்காக நுகர்வோரின் நேரத்தைப் பயன்படுத்துவது சேவைக் குறைபாடு எனக் கூறி நுகர்வோர் ஆணையத்தில் வழக்கு தொடர்ந்தார்<span class="s1">.</span></p>
<p class="p1">இந்த வழக்கில்<span class="s1"> PVR </span>நிறுவனம்<span class="s1">, </span>விளம்பரங்கள்<span class="s1">, </span>திரைப்பட முன்னோட்டங்கள் மற்றும் விழிப்புணர்வு காணொளிகளைத் திரையிடுவது திரையரங்குகளில் வழக்கமாக நடைபெறும் நடைமுறை என்றும்<span class="s1">, </span>இதனை சேவைக் குறைபாடாகக் கருத முடியாது என்றும் வாதிட்டது<span class="s1">.</span></p>
<h2 class="p1"><span class="s1">ரூ75 ஆயிரம் அபராதம் </span></h2>
<p class="p1">இருதரப்பு வாதங்களையும் விசாரித்த ஹைதராபாத் மாவட்ட நுகர்வோர் குறைதீர் ஆணையம்<span class="s1">, </span>அதிக நேரம் வணிக விளம்பரங்கள் ஒளிபரப்பப்பட்டதை சேவைக் குறைபாடாகக் கருதியது<span class="s1">. </span>இதையடுத்து வழக்கு தொடர்ந்த நுகர்வோருக்கு<span class="s1"> ₹20,000 </span>இழப்பீடு வழங்க<span class="s1"> PVR </span>நிறுவனத்துக்கு உத்தரவிட்டது<span class="s1">. </span>மேலும்<span class="s1">, </span>வழக்குச் செலவுக்காக<span class="s1"> ₹5,000 </span>வழங்கவும் உத்தரவிட்டுள்ளது<span class="s1">.</span></p>
<p class="p1">இதுதவிர<span class="s1">, </span>நுகர்வோர் நல நிதிக்கு<span class="s1"> ₹50,000 </span>செலுத்தவும் ஆணையம் உத்தரவிட்டுள்ளது<span class="s1">. </span>இதன்படி<span class="s1"> PVR </span>நிறுவனம் மொத்தம்<span class="s1"> ₹75,000 </span>செலுத்த வேண்டும்<span class="s1">. </span>மேலும்<span class="s1">, </span>இதுபோன்ற நியாயமற்ற வணிக நடைமுறையைத் தொடரக்கூடாது என்றும் ஆணையம் உத்தரவிட்டுள்ளது<span class="s1">.</span></p>
<p class="p1"><span class="s1"><iframe class="vidfyVideo" style="border: 0px;" src="https://tamil.abplive.com/web-stories/auto/do-you-know-carrying-luggage-on-top-of-car-is-a-crime-271721" width="631" height="381" scrolling="no"></iframe></span></p>
1 month ago
4 
