விலைவாசி உயர்வுக்கு விடைகொடுக்கும் கூட்டுறவுத்துறையின் ரூ.200 மளிகை தொகுப்பு திட்டம்!

<p style="text-align: justify;"><strong>மயிலாடுதுறை:</strong> தமிழ்நாடு அரசு பொதுமக்களின் அத்தியாவசியத் தேவைகளைப் பூர்த்தி செய்யும் வகையிலும், சந்தையில் நிலவும் விலைவாசி உயர்வில் இருந்து பொதுமக்களுக்குப் பாதுகாப்பு அளிக்கும் வகையிலும் பல்வேறு மக்கள் நலத் திட்டங்களைச் செயல்படுத்தி வருகிறது. அந்த வகையில், நாகப்பட்டினம் மாவட்ட நுகர்வோர் கூட்டுறவு மொத்த விற்பனை பண்டகசாலையில் கூட்டுறவுத்துறை சார்பில் மிகக் குறைந்த விலையில் மளிகைப் பொருட்கள் வழங்கும் புதிய திட்டம் தொடங்கப்பட்டுள்ளது.</p> <p style="text-align: justify;">நாகப்பட்டினம் மாவட்டத்தில் நுகர்வோர் கூட்டுறவு மொத்த விற்பனை பண்டக சாலையில் கூட்டுறவு துறை சார்பில் ரூ.200 மதிப்பில் 10 அத்தியாவசிய மளிகை பொருட்கள் தொகுப்பு விற்பனையை மாவட்ட ஆட்சியர் கே.ஜே.பிரவீன் குமார், இன்று (30.10.2026) பொதுமக்களுக்கு வழங்கி அதிகாரப்பூர்வமாகத் தொடங்கி வைத்தார்கள். இத்தொடக்க விழாவில் மாவட்ட ஆட்சியர் பொதுமக்களுக்கு நேரடியாக மளிகைப் பொருட்கள் தொகுப்பினை வழங்கி, இதன் சிறப்பம்சங்கள் குறித்து எடுத்துரைத்தார்.&nbsp;</p> <p style="text-align: justify;">இந்நிகழ்ச்சியில் கூட்டுறவுத்துறை மாவட்ட இணைப் பதிவாளர் பாத்திமா சுல்தானா, கூட்டுறவுத்துறை அலுவலர்கள், பொதுமக்கள் மற்றும் அரசு உயர் அலுவலர்கள் என பலரும் கலந்துகொண்டனர்.</p> <h3 style="text-align: justify;">திட்டத்தின் நோக்கம் மற்றும் மாநில அளவிலான விரிவாக்கம்</h3> <p style="text-align: justify;">தமிழ்நாடு மாநிலம் முழுவதும் உள்ள அனைத்துப் பகுதி மக்களுக்கும் அத்தியாவசிய மளிகைப் பொருட்கள் இடைத்தரகர்களின்றி மிக நியாயமான மற்றும் எளிய விலையில் கிடைப்பதை உறுதி செய்யும் உயரிய நோக்கத்துடன் இத்திட்டம் வடிவமைக்கப்பட்டுள்ளது. பொதுமக்கள் சந்தையில் அதிக விலை கொடுத்து மளிகைப் பொருட்களை வாங்குவதைத் தவிர்க்கும் பொருட்டு, கூட்டுறவு மொத்த விற்பனைப் பண்டகசாலைகள், தொடக்கக் கூட்டுறவு பண்டகசாலைகள் மற்றும் கூட்டுறவு விற்பனைச் சங்கங்கள் ஆகியவை இந்தச் சேவையில் முழுமையாக ஈடுபடுத்தப்பட்டுள்ளன.&nbsp;</p> <p style="text-align: justify;">இதன் முதற்கட்டமாக, மாநிலம் முழுவதும் தேர்ந்தெடுக்கப்பட்ட 128 விற்பனை நிலையங்கள் வாயிலாக இந்த மளிகைப் பொருட்கள் தொகுப்பு விற்பனை பொதுமக்களுக்குத் தங்குதடையின்றிச் சென்று சேரும் வகையில் விரிவுபடுத்தப்பட்டுள்ளது. இதன் மூலம் சாமான்ய மற்றும் நடுத்தரக் குடும்பங்கள் தங்களுக்குத் தேவையான தரமான உணவுப் பொருட்களை எவ்வித சிரமமுமின்றி எளிதில் பெற்றுப் பயனடைய வழிவகை செய்யப்பட்டுள்ளது.</p> <h3 style="text-align: justify;">மளிகைப் பொருட்கள் தொகுப்பின் விவரங்கள்</h3> <p style="text-align: justify;">இப்புதிய திட்டத்தின் கீழ் பொதுமக்களுக்கு வழங்கப்பட உள்ள மளிகைப் பொருட்களின் தொகுப்பு மிகவும் கவனமாகத் திட்டமிடப்பட்டு உருவாக்கப்பட்டுள்ளது. இத்தொகுப்பில் சமையலுக்கு அத்தியாவசியமான 10 வகையான தரமான மளிகைப் பொருட்கள் இடம்பெற்றுள்ளன. மொத்தம் 1,450 கிராம் அதாவது சுமாராக ஒன்றரை கிலோ எடையிலான இத்தொகுப்பின் மொத்த விலை மிகக் குறைவாக வெறும் ரூ.200 மட்டுமே நிர்ணயிக்கப்பட்டுள்ளது.</p> <p style="text-align: justify;">இந்த மளிகைப் பொருட்கள் தொகுப்பில் கடலைப் பருப்பு 250 கிராமும், பாசிப் பருப்பு 250 கிராமும், மிளகாய் 100 கிராமும், தனியா 150 கிராமும், பூண்டு 150 கிராமும், புளி 250 கிராமும், கடுகு 100 கிராமும், உளுத்தம் பருப்பு 100 கிராமும், சீரகம் 50 கிராமும் மற்றும் சோம்பு 50 கிராமும் என 10 பொருட்களும் சரியான அளவில் தரமான முறையில் அடைக்கப்பட்டு வழங்கப்படுகின்றன. இத்திட்டத்தின் மூலமாக பொதுமக்கள் தங்களது சமையலுக்குத் தேவையான பல்வேறு அத்தியாவசிய மளிகைப் பொருட்களைத் தனித்தனியாகத் தேடி அலையாமல், ஒரே தொகுப்பாக மிகக் குறைந்த விலையில் பெற்றுப் பயனடைவர்.</p> <p style="text-align: justify;">கூட்டுறவுத்துறையின் இந்தச் சிறப்பான மற்றும் மக்கள் நலன் சார்ந்த முயற்சியானது நாகப்பட்டினம் மாவட்ட மக்களிடையே பெரும் வரவேற்பைப் பெற்றுள்ளது. குறிப்பாக, அத்தியாவசியப் பொருட்களின் விலை ஏற்றத்தால் பாதிக்கப்படும் குடும்பங்களுக்கு இத்தகைய தொகுப்பு விற்பனை ஒரு மாபெரும் பொருளாதார நிவாரணமாக அமையும் என்பதில் எந்தவித ஐயமும் இல்லை என சமூக ஆர்வலர்கள் தெரிவித்துள்ளனர். அரசுத் துறைகளின் மூலம் செயல்படுத்தப்படும் இது போன்ற நியாய விலை விற்பனை நிலையங்கள் வெளிச்சந்தையில் நிலவும் விலைவாசி ஏற்றத்தைக் கட்டுப்படுத்தவும் பெரிதும் உதவுகின்றன. பொதுமக்கள் அனைவரும் இந்த நல்வாய்ப்பினைப் பயன்படுத்தி, தங்களுக்கு அருகில் உள்ள கூட்டுறவு விற்பனை நிலையங்கள் மூலம் இந்த மளிகை பொருட்கள் தொகுப்பைப் பெற்றுப் பயனடையுமாறு மாவட்ட நிர்வாகம் சார்பில்&nbsp;</p>